¹ Yakomba lalo ua ile ku ngila yendi, na tungelo tua Kalunga vali uanene nendi. ² Keho Yakomba omo ua vamuene uahandekele nguendi, Eyiyikeyombunga ya Kalunga; keho ua lukile lizhina lia mu hela uje Mahanaimi. ³ Keho Yakomba ua tumine tunganda kulutue luendi kuli munaiana Esau ku cifuti ca Seile, Muimbo lia Endome. ⁴ Keho uava tumine nguendi; mumu ka handeka na shokuanoko Esau ngueni; Muana handeka ngamba yove Yakomba nguendi; Ange nja kala kuli Laban, kuhiluka kuange nja lilangele noho lelo, ⁵ Ange njili navi ngombe, navi ndongi, na matanga, vua zhindungo vavamala, na zhindungo vava kentu, Ange nji tuma mu zhimbukuli yove shukulu, halumo unju viulako ngozhi kumesho ove.''' ⁶ Keho zhingamba va hilukile kuli Yakomba nguavo, tuaka hetele kuli munanoko Esau, keho lalo yo ueja mu kua kuli uana nove, na vihita vi uana via vamala veja hamo nendi; ⁷ ''Omo Yakomba uovile liova lia kama-kama ua kele naci njunju. Keho uatepelevantu vaje va kelenavo, na vutanga vua zhinjui, na zhingamelu mu zhimbunga zhivali; ⁸ Endi nguendi. ''Nga Esau eja kumbunga imo na kuiluitha, keho mbunga ikuavo ina thalaho ikovoka. ⁹ Ngoco Yakomba nguendi, A Kalunga ka Tata Avilahama, Kalunga ka Tata Isake, A Yehova, muka ku handeka nange nguendi, Hiluka ku cifuti cove, naku va vushoko vuove, nange njika linga vuino nove; ¹⁰ Ange ko njethina mulio kuvi panga viove vioshe, ku litavathano na kuthselela kuove kuoshela kua sho kuje ko ua panga muli ngamba yove. muomu nja kelelika na va ngamba . omonja javakile Yolondau li na mu lamu uange; keho mualolo njina pu muvimbunga vivali. ¹¹ Njohiele njiana ku lombo, ku livoko laia mukuluntu, uange Esaum ngoco ange njili naliova liendi, Endi ayongolakuinja akunji luithe navaina kumona na vanike. ¹² Nove uahandekele nguove, mua vushunga ange nji ka ku puithaua cili, na ku puitha mbuto yove kuilana ngue musheke uaku mema ali futa mukemuo omo kuilana cauo kova hathele kuutanda. ¹³ Yakomba ua tulile haje vuthsiki vuje, keho ua tumbuile kuli vaje via kele navio vuana vua ku hana mukuluntu uendi Esau. ¹⁴ Vihita vivali via vimpembe, via luhava na makumi avali a vimpembe viavi Zamba, vihita vivali via zhinjui thaluhavo na makumi avali avi Zamba tha zhnjui. ¹⁵ Makumi Atatu a zhingamelu zha luhavo hamo na vana vako, makumi auana avi ngombe via vinkadhi na likumi lia vintuli, makumi avali avindongi via luhaov na vana vavovakupua likumi. ¹⁶ Keho uavi kundikilekuma voko a zhindungo zheni, Vutanga na vutanga ha lika liavuo, keho ua lekele zhindungo zheni nguendi, javakeni hiteni ku lutue luange, keho hakeni cizhivukitho hakati ka vutangana vutanga. ¹⁷ Keho ua ghikile uje ntuama lutue ngueni, ouo mukuluntu uange Esau omo muliuana nendi komu muihula nguendi; ove kuli iyaua kundama? kuiko oku ko uya? naveya ovo vali kulutue liove? ¹⁸ Ngoco uka handeka nguove, Etu tu va ngamba va Yakomba; vukevuo vuana oua vuana tumu kuli shukulu Esau; keho, tala, ikeye lalo ali na lauja kunima yetu. ¹⁹ Yakomba ue shikile mbunaga ya mu civali; nei ya mu citatu, nambunga ya shuamene kunina lalo nguendi mukemuo mumuka handeka na Esau omo muka liua na nendi; ²⁰ Ngoco mukahandeka ngueni, Tala lalo, ngamba yove Yakomba ali kunima yetu,muomu ikeye ngueni, ngamba yove Yakomba yo ueja kunima yetu. '' Endi ua thinganiekel, nguendi, njika mu zhembeleke na vuana vuje vuya kulutue luange,keho kulutue luange, keho kulutue njikanone cihangacendi; halumo a ka nji tava. ²¹ Ngolo vuana vua javukile vua kele kulutue luendi; keho endi uavuania uatumamene vuthsiki vujemu kati ka mbunga. ²² Yakomba uahindukile vuthsiki vuje, keho ua tambuile vakentu vendi vavali, na vakentu vava ngamba, na vana vendi likumi na umo, naku javukamuava ua Yamboke. ²³ Mungila li uava tumine mu Sinia liandonga, na kutuma vije vioshe via kele navio. ²⁴ Keho Yakomba uathalele lika liendi, na lila umo uamu luithile noho kuka kua litangua. ²⁵ Omo mumala uamuene nguendi konja kuatele livoko liendi ha linunga lionyonga ya Yakomba; Keho linunga lia nyonga ya Yakomba lia thongoniokele, muje mua li uithile nendi. ²⁶ Na liala ua handekele nguendi, nje cele njiye, muomu litangua liyongola kukia.'' Yakomba ua handekele nguendi, konji ku cela kuvanga una nji vezhikitha. ²⁷ Ou liala ua handekele nendi nguendi, lizhina liove lika?'' Yakomba nguend, yange Yakomba.'' ²⁸ Keho liala ua handekele nguendi lizhina liove kova ka litumbula lalo Yakomba, vunoni Isaleli. Mukonda unalu na Kalunga na Vantu,keho una nji tuvakana ndzili. ²⁹ Yakomba ua muihuile nguendi, njiana ku handelela nji leke lizhina liove.'' endi nguendi, vika lalo unanji huila lizhina liange? keho ua mu vezhikithile kuje. ³⁰ Keho Yakomba ua lukile lizhina lia muhela uje Peniela; mukonda, nguendi, njina mono Kalunga cihanga na cihangam muomu na niungu muono uange. ³¹ Ngoco litangua liamukililile omo ua javukile Peniele, keho ua vendukile mu nionga yendi. ³² Ngoco vene vana va Isaleli kove kulia nthsitu ya mu nionga ije yakalaha linungalia nionga, naka lelo; mukonda ua kuatele livoko liendi ha linunga lia nionga ya Yakomba ku nthsitu ya nionga yendi.