¹ Omuo Lakele ua muene ngue kasemenene Yakomba vanike, Lakele ua kumuine mukunje uendi uamukentu. Uahandekele kuli Yakomba, '' Njisemese vanike, nga nji kathsa, ² ''Yakomba ua nhenguelele Lakele. Uahandekele nguendi, '' Njili mumuhela ua Kalunga. uje naku vindika kusema vanike.'' ³ Endi Nguendi. ''Tala, muka kunjipange Mbeleha. Kaye kuli ikeye, keho linga akakuate kakeke hamavuli liange, linga nji kuuna kanike kuli ikeye. ⁴ '' Ngoco uamu hanene Mbeleha ngue mukenu endi, keho Yakomba ua yile kuli Ikeye. ⁵ Mbeleha uakele nalomo naku semena Yakomba, kakeke uamu mala. ⁶ Keho Lakele ngueni, '' Kalunga nanji handekela keho novu liui liange nanji hana kakeke uamumala ngoco honi uamu lukile lizhina liendi Ndane. ⁷ Mbaleha, Ikeye uapangelele Lakele, uakele nalimo na semena Yakomba munike ua mumala ua mucivali. ⁸ Lakele nguendi , '' na kuliluisa ca ndhili njina liluisa namu kuluntu uenge keho njina tuvakana. ''Uamulukile lizhina liendi Nafutali. ⁹ Omo Leya ua vi muene nguendi, nalikela kusema, ua nonene Zilipa, Mukuakumu pangela, keho uamu hanene kuli Yakomba ngue mpuevo yendi. ¹⁰ Zilipa, Mukuakumu pangela, Uasemenene Yakomba munike. ¹¹ Leya nguendi, '' Eci ku vezuka! '' Keho ua mu lukilelizhina liendi Ngande. ¹² Keho Zilipa mukuakupangela Leya, ua semenene Yakomba munike uamucivali. ¹³ Leya nguendi.'' Nji yoyela! ku muana nge ua mpueuoakanji sana uakuyolesha.'' Ngoco njika ,uluka lizhina liendi Asele. ¹⁴ Luvene uaile kumatangua aku tsha na vindhilo mumusenge. Uavi nehele kuli vaina Leya. Ngoco lakele ua handekele na Leya, ''Nguendi njihaneko vimo vindhilo viana uana munove. ¹⁵ '' Leya uahandekele nendi, ''Cikeco cuma cacindende kuli yove,Omuo unanji nieke mumala uange? Utota lalo unji niekevindhilo via munange, Lalo? '' lakele nguendi,'' Ngoco vene aka ndanda nove vutshiki ualelo, Muomu vidhilo via kunehela munove.'' ¹⁶ Omuo Yakomba uatundile mumusenge kucinguenzthi. Leya uamusheshele nakuli uana nendi uahandekele nguendi, uaku kosela kuli yange, Muomu njina kulanda na vindhilo via munange, '' Ngoco Yakomba uakosele kuli Leya vutshiki vuje. ¹⁷ Kalunga ua tolile Leya, keho uakele nalimo ua semene munike ua citanu kuli Yakomba. ¹⁸ Leya nguendi, ''Kalunga na njifuete, mukonda njahanene mukuaku nji pangela ku mumala uange, '' Uamulukile lizhina liendi Isakale. ¹⁹ Keho Leya uakele lalo na limo ua sanene munike ua mucitano an umo. ²⁰ Leya nguendi, '' Kalunga nanji hana vuana ua cili. Ngeci mu malauange a katumama nange. Njili navana vantu na umo. '' Ua mulukile lizhina liendi Zembulone. ²¹ Kunima ya simbu ua semene lalo munile ua mukentu na kumuluka lizhina liendi Ndina. ²² Keho Kalunga uasanene Lakele mumana na kumi tolilila. Uanehesa akale nalimo. ²³ Ua kele nalimo keho uasemene munike uamumala. Uamule kele nguendi, '' Kalunga nanji nono ncuama, ²⁴ '' Uamulukile lizhina liendi Yosefe, lia langunuka, Yehova nanji uezhelelako munike mukuauo uamumala.'' ²⁵ Omuo Lakele na seme Yosefe, Yakomba ua handekele, na Lambane nguendi, '' Njina tume yange, linga njikaye kuimbo liange na kucifuti cange. ²⁶ Nji hane vakenu vange na vana vange ava njina kupangela, mba u kanjecela njikaye, Muomu uanazhivuka mulemu njinakupangela na kukuhana.'' ²⁷ Lambane uahandekele nendi, ''Nga ngoco njina uana ngonzhi yakama ku mesho ove, tumamena, muomu njina lilongesa mukupangasa visinganheka nguange Yehova vanji vendhikisha omuo yove. ²⁸ Keho uahandekele nguendi, '' Tumbula fueto yove, ange njika kufueta yo.'' ²⁹ Yakomba uahandekele nendi, '' Udhivuka omuo munji nakupangela, Namuo vimuna viove munjina kala navio. ³⁰ Muomu uakele nevi viavindende kulutue njiye, na vumo vinalilanesha muakama, Yehova nakuvedhikizile kuoshe kuhuya. Kumu kanji tavesa nange njiye njikapangele njiuo yange?'' ³¹ Ngoco Lambane nguendi,'' Vika njika fueta?'' Yakomba nguendi,'' Kuhuka nji fueta nacimo kuahi. Nga uka nji pangela vuima evi, nji kakunhungila lalo vimuna viove. ³² Nji tavesele kuendangana muvu tanga uove uoshe lelo, njitundile kalainjui vaje vamavala-mavala, naje vamala akuzhina mukati ka injui na vampembe mavala-mavala valikalele. Eyi ikeyo fueto yange. ³³ Cakeco kuhana cange ciuka njikalelaho nahano, Omuo ukeje mukua kutala kufueto yange. Nkala kucisiuino neci camava-mavala mukati kathi mpembe. Nakuzivala mukati thi Injui, nga ukava uana kuliange, kanjishume uizhi.'' ³⁴ Lambene nguendi, ''Njinetava, vipue ngue vene mulijui liove.'' ³⁵ Mulitangua vene Lambane uatepeshele vithamba vaje kuvakeleho na mavala-mavala, na vaje valuhavo vaje na mavala-mavala, Nkala cimo cakele namavala toka muli cekeco, Amba vaje hakuzhivala hakati kainjui, nava ukavahane muma uoko avana uove. ³⁶ Lambane nendi ua uahakele vungenzhi uamatangua atatu hakati kendi vavenha Yakomba , Keho Yakomba ua lisile vishupo via matangua a lambane. ³⁷ Keho Yakomba Uanonene mitango yaviti viaku ntuntula Alama, na mungongo, amba yakatshanelo, nakuvushongo mukunonako vuila na kumintango, keho via uahele nakulelema uino. ³⁸ Keho uanona viti viaco uavihaka kulutue lua limba, muhehi namangolo hakunuina, muomu vekulondua nga vanue mema. ³⁹ Omuo Vililondua oho aviti; Ngoco omuo vialilondue viali semesa vama vala-mavala akutatama, nava vamavala-mavala a vitoma. ⁴⁰ Keho Yakomba uatepesele vana njui, keho ava uoshe vamala akuzivala uavaleke kulimba lia Lambane. Keho uatepesele mo vutanga uendi kuali ka liauo kauhakele kumo navutanga ya Lambeni. ⁴¹ Keho cakele ngoco vinjui vaze vakele nandhili mavutanga ualonduele, keho Yakomba uahakele viti kulutue lua mangola hakunuina mema mu kati kavutanga, ngoco vene valiluendele haviti. ⁴² Vuno honi vimuna vaje vakithimbama, Muomu kaha keleho viti kulutue luavio. Ngoco vaje vakuthimbama uava hanene kuli Lambane, vaje vakeho nandhili vakeuo vakele vaYakomba. ⁴³ Mumala uafukele muakama, uakele na vutanga uakama. Navakuakumu pangela vavamalanava vava kenu, nava ngamelu amba vindongi.