¹ Ngoco Kalunga uahandekele kuli Avilahama, "tunda kucifuti cove, nakutunda kuvavushoko veni, na kutunda kunjivo ya isho, uje kuje njiku leketha. ² Njika kupuitha mushovo uakama, keho njika kuvuavuetha, naku kahametha lithina liove, naku kuvuavuetha. ³ Njika vuavuetha vaje vaku vedthuka, Keho uashe akakuthinga nange njika muthinga, kuhitilamuli yove vavushoko vavengi hanthi vava vuavuetha." ⁴ Keho Avilahamma uayile, ngue omo uamulekele Kalunga apange, na Lote uayile nendi. Avilahama uakele makumi atanu na avali na miaka itanu omo uayile ku Halane. ⁵ Avilahama uatambuile Salai, na mukentu uendi, Lote, muna munaina ua mumala, vuoshe vufuko vakele navuo, na vantu vava fikile mu Halane. Keho vatuhukile mukuya kucifuti ca Kanana, na kuija kucifuti ca Kanana. ⁶ Avilahama uahitile mu cifuti noho naku Sikeme, kuciti ca Kaluvaliu uaku Mole. Hanthimbu ije vaka Kanana vakele mucifuti cije. ⁷ Kalunga ua tumbukile kuli Avilahama, na kuhandeka, "Kumbuto yove njika hana cifuti cino." Keho Avilahama uatungile mutula kuli Kalunga, ou uatumbukile kuli yikeye. ⁸ Kutunda oho uayile kumikinya ya cifuti kuvutunde tangua vua Mbetele, keho uakatungule mbalaka, na Mbetele kuvutokelo na Ai kuvu tunde tangua. Okuje uakatungile mutula ua Kalunga na kuthana lithina lia Kalunga. ⁹ Keho Avilahama ua tuvakanene na vungendthi vuendi, vua kuya ku Nengev. ¹⁰ Muakele njala mu cifuti, keho Avilahama uayile ku Ingito aka kaleko, muomu lia njala yakele yakama mucifuti . ¹¹ Omo mualingile ngue akovela mu Ingito, uakuanyene na Salai mukentu uendi tala kuno, Njivi dthivuka ngua umukentu ua cili navua. ¹² Omo vaka Ingito vaka kumona vakakuanya, 'Ou yikeye mukentu uendi' keho vanjithsiha, vunoni ove vakupungula na muono. ¹³ Kuanya nguove umu nanana ua mukentu, linga vikale vuino nange muomu liove, na linga muono uange vaka uecele muomu liove.." ¹⁴ Viethile omo Avilahama uaka hetele ku Inguto, vaka Ingito vamuene nguavo uavuahele navua. ¹⁵ Muna Falao ua mukentu ua mumuene, na kumu shangalela kuli Falao, keho mukentu vamutambuile nakumutuala munjivo ya Falao. ¹⁶ Falao ua tambuile Avilahama muomu liendi, keho Avilahama ua uanene dthinjui na thingombe, vindongi via vimala, vindundo vavamala , vindundo va vakentu, vindongi via vikentu na tumelu. ¹⁷ Keho Yehova ua yandethele Falao na njivo yendi na tuyando tuakama muomu lia Salai, mukentu ua Avilahama. ¹⁸ Falao ua thanene Avilahama, na kukuanya, "Vika evi unapanga kuli yange? Muomu vika ku uanjilekele nguove mukentu uove? ¹⁹ Muomu vika una handekala, 'endi mukuenje uange ua mukentu; linga njimutanbule apue mukentu uange? Keho honi, mukentu uove ou. Mutanbule, linga uye nangila yove. ²⁰ Falao ua hanene mashiko ku vamala kutiamena kuli ikeye, keho vamutumine aye, kuma na mukentu uendi naviuma vioshe via kele navio.