¹ Ava vakevo dhi ntekuluila dha vana va Noa, ava vakevo, Seme, Hame na Yafeta. Ava vana vendi va themukile kunima ya livadhi. ² Vana va Yafeta vakevo Ngomele, Mangonge, Mandai, Yavane, Tumbale, Meseke na Tilase. ³ Vana va Ngomele vakevo Asekenaze, Lifeta, Tongalama. ⁴ Vana va Yavane vakevo Elisa, Talisi, Kitime, na Ndondanime. ⁵ Oku kumukulo ua mema vantu voshe vali tepele vayile kumi hela yavo, nkala umo na mushovo uendi, kushuama kuvana vavo, na mishovo yavo. ⁶ Vana va Hame vakevo Kuse, Mizelaime, Pute, na Kanana. ⁷ Vana va Kuse vakevo Seva, Havila, Sambeta, Lama, na Sambeteka. Vana va Lama vakevo Sheva na Ndendane. ⁸ Kuse ua puile yishe ya Nimelonde, ua shangumukile kupua ua kama hano hanthi. ⁹ Ua puile chiyambi uakama kumesho a Yehova. Vaje honi vikevio viove kuvi tumbuila, "Ngue Nimelonde, chiyambi ua kama kumesho a Yehova." ¹⁰ Eli likelio lia kele limbo liendi lia kulivanga lia vuangana vua Mbambiloni, Eleke, Akande, na Kalene mu chifuti cha Sinale. ¹¹ Hanja lia muhela uje ua yile ku Asilia na kutunga Ninivayi, Lehovote Ile, na Kala ¹² na Lesene ha kati ka Ninivayi na Kala. Liakele limbo lia kama. ¹³ Mizelaime ua puile ishe ya vaLundime, nava Anamime, nava Lehambine, nava Nafatuhime, ¹⁴ nava Patulusime (muva tunda va Filisteo) nava Kafotolime. ¹⁵ Kanana ua puile ishe ya Sindone, mbeli yendi, na Hete, ¹⁶ nava ka Yembuseu, nava ka Amaleu, nava ka Ngilangaseu, ¹⁷ nava ka Heveu, nava ka Alekeu, nava ka Sineu, ¹⁸ nava ka Alevandeu, nava ka Zamaleu, nava ka Hamateu. Kunima mushovo ua vaka Kanana uali shandokele. ¹⁹ Na dhingamba dha vaka Kanana dha tundilile ku Sindone, ku mutambela ua Ngelale, kutunda vulahe vua ku Ngaza, na ngamba ituleketha ku Sandoma, na Ngomola na Andema, na Zemboyime, vulahe vua kutunda ku Lasa. ²⁰ Ava vakevo vana va Hame, ku mishovo yavo, naku dhindaka dhavo, mu mihela yavo, na mu chifuti chavo. ²¹ Na vana navo vaku thema Seme, muluntu ua Yafeta. Seme nendi ua kele nkaka ya vantu voshe va Evele. ²² Navana va Seme vakevo ava Elame, na Asulu, na Alepekande, na Lundu, na Alame. ²³ Vana va Alame vakevo Uze, na Hulu, na Ngetele, na Meseke. ²⁴ Alepekande ua kele ishe ya Sela, na Sela ua kele ishe ya Evele. ²⁵ Evele ua kele na vana vavali. Na lidhina lia umo ikeye Pelenge, kumatangua endi a a, mavu ali tepele. Na lidhina lia munaina ikeye Yoketone. ²⁶ Yoketone ua kele ishe ya Alemondande, na Sefele, na Hazalamavete, na Yela, ²⁷ na Handolame, na Uzela, na Ndikela, ²⁸ na Ovele, na Avimaele, na Seva, ²⁹ na Ofile, na Havila, na Yambambe. Ava voshe vakele vana va Yoketone. ³⁰ Na livu liavo ku tundilila ku Mesa, noho ku Sefale, ku mukinia ua ku vukilo. ³¹ Ava vakevo vakele vana va Seme, kutuala ku mushovo uavo na ndaka yavo, na mulivu liavo, kutuala ku vifuti viavo. ³² Ou ukeuo mushovo ua Noa, kutuala ku mushovo na mushovo, mu chifuti chavo. Kutunda hali evi chifuti cha li shandanganene muchifuti choshe kunima ya livadhi.