¹ Mbezelele ua pangele muyombo ua vikombelo via kunthimika na vikuni via muthu. Ua vikuvitu vitanu mu vulahe na vikuvitu vitanu mu vukama - vimbango vi uana vinapu vioshe hamo lika - na vikuvitu vitatu mu vutuntu. ² Keho ua vuetheleleko ku vimbango viuana via kufua ngue dhimbinga dha hove. dhimbinga dhaco dha puile puile hamo lika na muyombo,ua fuikileho na nkengeledhi. ³ Ua pangele vitenga via kupangetha ku muyombo - vindeho via kuhaka lito, vihupulo, malonga, malovo a kuhaka mbunda, na malonga a tuhia. Ua pangele vitenga vioshe na nkengeledhi. ⁴ Keho ua pangele vunda vua masheluavuanda vua muyombo, ua nkengeledhi muinthi muinthi lia kunchongo, kusheleletha kuinthi. ⁵ Ua fuikile minchele yiuana ku vimbango viuana via vuanda via nkengeledhi, linga vikuate mikambo. ⁶ Mbezalele ua pangele mikambo ya citi ca muthu na kuyi fuika na nkengeledhi. ⁷ Ua hakele mikambo mukati ka minchele ya ku vinchongo via muyombo, linga va ambatele. Ua hakele mpululu mu muyombo, ua pangethele matavua. ⁸ Mbezalele ua pangele lilonga lia kama lia nkengelethi na mukono ualio ua nkengelenthi. ua pangele lilonga ku pangetha tutalelo tua va kentu vakele ha cikolo ca kukovela mu mbalaka ya kuli kunguluila. ⁹ Keho ua pangele citungu. Ntanga ya kuvuihi vua mutambela ua cifuti kukala liniu lia kuotha vuino, cihita ca dhikuvitu muvulahe. ¹⁰ Vingunthi viaco makumi avali, na vingunthi makumi avali a nkengeledhi. kuakele malovo va ahakele ku vingundhi, na vikuatetho viao via palata. ¹¹ Mukemuo lalo uka panga kumu tambela ua muvulahe vua cifuti, vintanga via vikuvitu cihita muvulahe, na vingunthi makumi avali, na manunga avio makumi avali, na malovo ali kuvingunthi, na vikuatetho via palata. ¹² Ku mutambela ua vutokelo ku kala vintanga via vikuvitu makumi atanu muvulahe, vingunthi likumi na manunga avio likumi. Malovo na vikuatetho via kuvingunthi via palata. ¹³ Ku mutambela ua kuvu tunde tangua vua citungu upua vikuvitu makumi atanu muvulaha. ¹⁴ Vintanga ku mutambela umo ua cikolo vipua vikuvitu likumi na vitanu muvulaha. Vingunthi vitatu na manunga avio atatu. ¹⁵ Ku mutambela ukuavo ua cikolo ca citungu kukala vintanga via vikuvitu likumi na vitanu mu vulahe, na vingunthi vitanu na manunga avio atanu. ¹⁶ Vintanga vishe via kuthengeleka ku citungu vi kapua via ntanga ya cili. ¹⁷ Manunga a vingunthu va pangelethele nkenegelethi. Malovo na vikuatetho via vingunthi va pangethele palata, cifuiko ca kuilu lia vingunthi viaova pangethele palata. Vingunthi vioshe via citungu va vi fuikile na palata. ¹⁸ Ntanga ya ku cikolo ca citungu vikuvitu makumi avali muvulahe. Ntanga vayi pangele mu cifua ca kulifua na lilu, pulupula, na ntanga ya kuvenga, ya kuotha mua kuvuaha, ya vikuvitu makumi avali muvulahe. Ya puile vikuvitu makumi avali mu vulahe na vikuvitu vitanu mu vutuntu, ngue vene ije ntanga ya citungu. ¹⁹ Yakele na manunga auana nkengeledhi. malovo ayo auana a palata na cifuiko ca kunchongo yaco ya kuilu liaco na vikuatetho viaco via palata. ²⁰ Vimbohua vioshe via tevenakulu na citungu via nkengeledhi. ²¹ Eci cikeco ku vuethelela viuma vioshe via mu tavenekulu, tavenekulu ya vukaleho vua litavasiano, ngue mova nonene mashiko kuli Mosesa. Via puile vipanaga via va levi, na ku tuamenena ca Itamale muna sasendote Alone. ²² Mbezalele muna Uli muna Huti, ua ku muyati ua Yunda, ua pangele vioshe vieshikile Mosesa. ²³ Oholiave muna Ahisamake, ua ku muyati ua Ndane, ua pangele hamo na Mbezalele kupua muka kushonga, muka vuino vua kupanga, na muka kutonga vintanga mu vifua via kufua lilu, pulupule, na vuanda vua kuvenga, na ntanga ya kuvuaha muakama. ²⁴ Olu yoshe yova pangethele ku vipanga, ku vipanga vioshe vina pandama ku muhela ua kulela - vitalentu makumi avali na viyanu na viuana na dhisikulu vihita vitanu na vivali na makumi atatu, ngue ku thisikulu tha njivo ya kulela. ²⁵ Palata yova hanene vantu va cikungulukilo ya puile vitalentu cihita na likukathi limo na vihita na likulukathi limo na vihita vitanu na vavali na makumi atan na avali na vitanu ya thisikulu ngue ku thisikulu tha njivo ya kulela, ²⁶ Ndi mbeka yimo ku muntu ku muntu, inapu tha njivo ya kulela. Vauanene voshe vantu muva puile mu kutanda ca kaleko ca kutanda vantu, kutunda ha miaka makumi avali na miaka yiya kulutue- vamala vapuile vihita vitanu na cimo via makulukathi na makulukathi atatu na vihita vitanu na makumi atanu. ²⁷ Cihita ca vitalentu via palata vikevio via kufuta manunga a muhela ua kulela na manunga a vitanga- chihita ca manunga, talentu imo ku nkala linunga. ²⁸ Ku thisikulu ukulukathi na vihita vitanu na vivali na makumi atanu na avali na vitanu via palata via thaleleho, mbazabele ua pangele malovo aku vinguthi, kufuika kuilu lia vinguthi, na kuapanga vikuatetho via vo. ²⁹ Nkegelethi ya ku cikombelo ya puile thitalentu makumi atanu na avali na thisikulu makulukathi avali na vihita viuana. ³⁰ Nvi vioshe ua pangele manung a cikolo ca kumblaka ya kuli kunguluila, muyombo ua nkengelethi, vuao na vuanda vua va mashelua vuanda vua nkengelethi, vipangetho vioshe via muyombo, manunga a citungu, ³¹ manunaga a cikolo ca citungu, vimbambo via mbalaka ya tevenakulu, na vioshe vimbambo via citungu.