¹ Mbezalele ua pangele cikesa ca mavaya a Akasia. Muvulahe apuile dhikuvitu dhivali na cithimpa, na mu kutuntuka caco capuile kuvitu yimo na cithimpa. ² Ikeye ua fuikile muinthi na handja na Olu ya cili uka panga dhingamba dha kudhengeleka helu. ³ U ka fula minunga iuana ya Olu ku mikono yaco iuana, na minunga ivali ku mitambela umo, na minunga ivali ku mitambela ikuavo. ⁴ Keho ua pangele mikambo ya mavaya a Akasiya a viti keho ua ikuitile na Olu. ⁵ Keho ua kovelethele mikambo mu minunga ku mikulo ya cikesa, linga vambate cikesa. ⁶ Keho ua pangele cituamo ca cikeketima ca kulidhenga cakuvuaha ca olu. Kulaha caco capuile Dhikuvitu dhivali na mpindi, na muvuihi vuayo kuvitu imo na mpindi. ⁷ Mbezalele ua pangele va selumbinu vavali va Olu vipanga via kufula ua vipangele dhi nchongo dhivali dha cituamo ca ci keketima ca ku lidhenga. ⁸ Selumbinu umo kunchongo imo, na selumbini umo kunchongo yikuavo mu kupua kumo na cituamo ca ku lidhenga ca cikeketima ua va pangele ka cimpindi kamo ku cituamo ca kulidhenga ca cikeketima. ⁹ Va Salumbinu va janjele vimbava viavo kuilu muku fuika cituamo ca kuli dhenga ca cikeketima kumo navo. Va salumbinu vali talele vihanga viavo umo na mukwavo hakati ka cituamo ca cikeketima ca ku lidhenga. ¹⁰ Mbezalele ua pangele tafula ya citi ca muthu. Muvulaha vuayo dhikuvitu dhivali, muvuihi vuayo kuvitu imo, muku tuntuka kuayo kuvitu imo na mpindi. ¹¹ Ua ifuikile na Olu ya cili naku haka dhingamba dha Olu ya cili yaku dhengeleka helu. ¹² Ikeye ua pangele mu kunduilo ngue vuihi vua livoko, mu ku idhengeleka na kupanga nkata ya Olu ku mukunduilo uayo mu ku idhengeleka. ¹³ Ua fulile minunga iuana ya Olu minunga yikuate muvimbango viuana. dhakele ku mikono yavio iuana. ¹⁴ Minunga vayikale ku mukulo muku niunga muhela ua mikambo, va ku ambata tafula. ¹⁵ Ua pangele mikono yayo ya citi ca Muthu keho ua yifuikile na Olu, muku ambata tafula. ¹⁶ Ua pangele vitenga vije via kupangetha helu lia tafula-na malonga ayo, na vimbonde viayo, na dhinganja dhayo, na vindeho viayo, lifano lia kuluketha vuana vua kushuuila. keho ua pangelele vakevo Olu ya ku vuaha. ¹⁷ Ua pangele ngundhi ya lambi ya Olu yacili ua pangele ngundhi ya lambi na lithanda lia ngundhi na kalilonga kaku shomeka kuilu muaku haka lambi, na vingandja via yo, na vimaho viayo, na dhinchani vioshe ua vipangele mukupua cimo cimo lika. ¹⁸ Mintango yitanu na umo ya tuhukile ku mukulo uayo mintango yitatu ya tuhukile ku mutambela umo, na mintango itatu ya ngundhi ya lambi ya tuhukile kumu tambela ukuavo. ¹⁹ Ku muntango ua kulivanga kua kele dhingandja dhitatu va vipangele na Olumonde ya ku livundungula, na vimaho viauo na dhinchani dhoauo, na muntango ukuavo va pangele dhinganja dhitatu tha Olemonde ya kulivunduluka ku nkala mutango, kuakele vimaho viauo na ije itanu na umo ya tuhukile ku ntunda mu ngundhi ya lambi. ²⁰ Mu ngundhi ya lambi ayo vavenia, hakati kavio, hakele dhinganja dhiuana vadhi pangele na Olumunde ya muvundungulu, na vimaho viauo navi nchani viauo. ²¹ Viakele na vimaho viauo kuinthi ya muntango ua lipando lia ku livanga-ua pangele mu tambela umo lika, na vimaho viauo kuinthi lia muntango ua mu civali-mukemuo lalo ua pangele mutambela ukuavo, mungila ije imo lika kuakele vimaho viauo kuinthi lia muntango lia mutambela, ua mu citatu, va pangele mutambela uje vene. vioshe via kele mumo mungila yimo lika mintango ije yitanu na umo via tuhukile kutunda mu ngundhi ya Lambi. ²² Vimaho viauo na mintango yayo via puile hamo lika nayo: ku vutuntu vuayo cakele cipanga cimo lika, ca kufula Olu ya ku vuaha. ²³ Mbazelele ua pangele ngundhi ya lambi lua kele dhilambi dhitanu na dhivali, na tukonde tuayo na malonga ayo a Olu ya ku vuaha. ²⁴ Ua pangele ngundhi ya lambi ikeye umo lika uakele na vuino vua kupuithamo ku panga Olu ya ku vuaha. ²⁵ Mbezalele ua tungile mutula ua ku lumbila vihemba ua u pangele na mavaya a citi ca Mukula. Muvulahe vuayo kuvitu yimo, na muvuihi vuayo kuvitu imo. Yoshe yapuile hamo, na vutuntuke vuayo vikuvitu vivali. ua pangele vimbinga via ku chomotoka via puile hamo na mutula. ²⁶ Ua fuikile vihemba ha mutula na Olu ya cili na kuilu, na mukati, na vimbinga. keho ua pangele lalo dhingamba dhaku dhengeleka ya Olu ije. ²⁷ Keho ua pangele minunga ivali ya olu ya ku kuata munthi lia thingamba thivali mu dhali shungamena. Mununga uje ua kuata ngundhi ya ku ambata mutula. ²⁸ Ua pangele mikono ya mavaya a citi ca Mukula, ua vi fuikile na Olu. ²⁹ Ua pangele madhi aku vuavuetha aku jela na kunika mpundu a vihemba via ku thimika, via lemba, ngue ku vipanga via muka vihemba.