1
Vapangele vizhala viacili viaku pangetha mumuhela uaku yela, vapangele na mavala acinalilu, Pulupula, na vuanda vuaka venga. Vapangelele Alone vizhala viamu muhela uakuyela, ngeci mua shikile Yehova Mosesa.
2
Mbezalele uapangele efonde ya olu, na cinalilu Pulupula, na vuanda vuakuvenga, na vitanga viacili via kuotha.
3
Vashemune olu yikale vikunga viaku totokana nakuviteta vikale vinthambo, vavipange mumala a civunduluke, Pulupula, na vuanda vuakuvenga, namu vitanga via cili, vipanga via vamala vavunkulungu.
4
Vatongele miva yakuhita havithsili via cikambe, vatongelele mikole havithsili viacio.
5
Muiva uaku tungu muacili uakele ngeci mua cikambe; vaupangethele ntanga yakulifua nacikambe via olu, cinalilu, pulupula na vuanda, ngeci vene mua shikile Kalunga Mosesa.
6
Keho vapangele mavue a onikisi, muku kuatetha vikuatetho via olu, viaku thona nakuthonena hamunchele na vathonene namazhina avana va Isaleli likumi navivali.
7
Mbezalele uahakele kumikole yaha vithsili via cikambe. Ngeci muamavue vivulukithe Yehova vana va Isaleli vanamala likumi navavali, ngeci mua shikile Yehova Mosesa.
8
Vapangele njato yahantulo vipanga via vamala vavunkulungu, kuvuahetha ngue cikambe. Ua cipangele na olu, na kuvunduluka, pulupula, na vuanda vuakuvenga na vitanga viaku tonga muacili.
9
Cikale ciakupua hamo muvuihi namu vulahe. Vahetekele njato yahantulo luvali. Yakele muvulahe vumo namu vuihi vumo.
10
Vahakeleho vingila viuana via mavue. Ngila yaku livanga vahakelemo lubini, topazi na galanete.
11
Ngila ya mu civali vahakelemo emelalide , safile, na diyamande.
12
Ngila yamu citatu vahakelemo Jasintu, na Angate, na ametisita.
13
Ngila yamu ciuana vahakelemo Mbeleli, Onikisi, na Yasipe. Va kuatethele na vikuatetho via olu.
14
Mavaue va shandethele mumazhina avana va Isaleli likumi navavali , ngue kumazhina avo. Vakele ngue vaku shongelaho ha minchele yaku minye, nkala lithina limaneneho mushovo umo ua mishovo likumi na vavali.
15
Hanjato yahantulo vapangeleleho vuketanga ngue mikole, cipanga cia kuvinda na olu jela.
16
Vahakele vipangetho vivali via olu na minchele yivali yakuminye ya olu, na vahakele minchele yakuminye yivali kuvincongo via njato yahantulo.
17
Vahakele maketanaga avali akuvinda a olu muku akoveletha mumincheke yivali kuvincongo via njato yahantuli.
18
Vahakeleko kuvincongo via mauketanga aku vinda kuvikutetho. Vavi hakele kuvishuta viaha vitsili via cikambe kulutue yacio.
19
Vapangele michele yivali ya olu na naku vihaka kuvincongo vivali via njato yahantulo, kumikinkilo uaka lihata na vingamba via mukati.
20
Vipangele minchele yivali luhua yaku minye na vavi hakele kuinthi lia vithsili vivali via kulutue ya cikambe, hamuhehi na mukunkulo kuilu lia muiva uakutunga ua cikambe.
21
Vakutile njato yahantulo kuminchele yacio naku minchele yaku cikambe namukole ua cinalilu. Kulingila vacikute helu lia cikambe muiva ua kutunga.Via kele ngoco kulingila ngeci vavi tunditheko ku cikambe. Evi vavi pangele ngeci vene mua vishikile Yehova Mosesa.
22
Mbezalele ua pangele mukole ua cikambe mulivala lia cinalilu, vipanga via va kakutunga.
23
Cia kele nanthingo hakati kacio haku kovelela mutue. Kunthingo vakuileko kudhengeleka kulingila ngeci citavuke.
24
Kumukunkulo, vapangetheleko dhilomati dha cinalilu, pulupula na vuanda na vintanga va dhenga.
25
Vapangele Dhingenjo via Olu ya kujela na dhingenjo hakati ka dhilomathi kumikunkulo ya kuinthi lia vidhala, hakati dhilomathi -
26
Ngenjo na dhilomathi, ngenjo na dhilomathi - kudhinchongo via vithala via Alone apangetheko. Evi viakele vene ngeci mua shikile Yehova Mosesa.
27
Vapangele Tudhaku na ntaga ya thenga tua Alone na vana vendi va vamala.
28
Vapangele lilesu navi ntanga via thenga.
29
Miva ya dhintanga dha thenga via cinalilu, pulupula, na vuanda vua kuvenga, vipanga via muka ku taleka.Evi viakele muyevene mua vishikile Yehova Mosesa.
30
Vapangele mbandi na Olu yaku jela; va thoneneho, ngeci muaku thona hamunchele, ''via jela kuli Yehova.''
31
Vahakele mukole ua cinalilu kulilesu kuilu lia lilesu. Evi viakele ngeci mua vishikile Mosesa Yehova.
32
Keho vipanga via mbalaka ya lukungulukilo, mbalaka ya vindhango, ya huile. Vantu va Isaleli vapangele vioshe. Vashuamene mashiko a hanene Yehova kuli Mosesa.
33
Vanehele mbalaka kuli Mosesa - mbalaka na vipangethetho vioshe, vihake viaco, vivuliko, vikungu, mikambo, vingundhi na luvula:
34
Cikanda ca injui vaci panga ca kuvenga, cikanda ca ngombe ya mundonga ya Kalunga, nantanga yaku shokethaho.
35
Cikesa ca vumbangi na vingunthi na cifuiko ca ku litavela.
36
Vanehele citafula, na vipangethetho vioshe na mboloto ya mualolo.
37
Citi ca lambi ca Olu yaku jela na vi lambi mungila yimo, na vipangethetho na mathi amu lambi;
38
Mutula ua Olu, mathi aku vuavua na vihemba via kunika muacili; na vintangavia cikolo ca mbalaka;
39
Mutula ua nkengeledhi na vuanda vua mathelavuanda vua nkengelethi na vingundhi na vipangethetho na mbasiya ya kama na luvula luayo.
40
Va nehele vintanga via ku dhengeleka muhela na vingundhi na luvula luadho, vintanga viaha cikolo; mikole yako na vikuatetho via mbalaka; navipangethetho vioshe via ku pangetha mu mbalaka, mbalaka ya vindhango.
41
Va nehele vithala via kupanga na vuino via ku pangetha mu muhela ua kujela. Vithala via ku jela, via Alone Sasendote na vana vendi, vapangetheko via vu sasendete.
42
Ngeci vene vantu va Isaleli va pangele ngeci mua shikile Yehova Mosesa.
43
Mosesa ua talele vuino vipanga vioshe na tala vioshe vana panga muacili. Ngeci muashikile Yehova. Mungila oyo vavi pangele. Keho Mosesa ua va vethikitha.