¹ Keho Mosesa ua kunguluile mbunga yoshe ya vana va Isaleli, naku valeka nguendi, ''aa akeo majui aje ana mishika Kalunga. Ngacije muka a linga. ² Matangua atanu na limo muka panga vipanga; vunoni mulitangua lia mucitanu na avali kuhuima ca kuhuima ca hana Kalunga,uoshe apanga nkala vipanga mulikelio vaka mu nthiha. ³ Ngeci muka shuameka tuhia mumembo eni mu litangua lia sambata.'' ⁴ Keho Mosesa ua handekele na mbunga yoshe ya vana va Isaleli, nguendi, ''eci cikeco cije ceshikile Kalunga nguendi. ⁵ Litambuile hakati keni ci kombelo kuli Kalunga, uoshe ali na mbunge yakuyongolamo, acinehe.cikombelo ca Kalunga; Olu na Palata, na Nkengelethi. ⁶ Na Azule, na Pulupula, nevi via kuvenga, na linyu lia kutoka, na maka a Mpembe. ⁷ Na vilambu via vizamba na vilambu viahia kukotongola, na vilambu via tuthitu va mukalunga. na mavaya a Akasia. ⁸ Na madhi aku ndeya, na vihemba via madhi aku vuavuetha, nevi via vihemba via kulumba nevi via kulembuluka. ⁹ Na mavue a Onikisi, na mavue na mavue aku kuatetha, ku Efonde, na ntelo. ¹⁰ Keho vamala voshe vavu nkulungu ha kati keni venje vaku pange vioshe viana veshika Kalunga. ¹¹ Tavenekulu mbalaka yayo, na cifuiko cayo, vikuatetho viayo, namavaya ayo, na mikambo yayo, na thingunthi thayo, na manunga ayo. ¹² Cikasa na mikambo yaco, cituamo ca ngothi, na ntanga ya cifuiko, na ntanga ya cifuiko. ¹³ Mesa na mikambo yaco, na vitenga viayo vioshe, na mbolo yakuleketha; ¹⁴ Lambi lalo iku tua ceke, na vitenga viayo, nadhilambi dhayo, na maholi aku lambi. ¹⁵ Na mutula ua kulumbila vihemba, na mikambo yauo, na madhi aku vuavuetha, na ihemba via kulumba via kunika muacili, na cifuiko ca ku cikolo, ku cikolo ca tavenekulu. ¹⁶ Mutula haku nthimikila cikombelo, na vuanda vuauo vua mashua avuanda, mikambo yauo, na vitenga viauo vioshe, mbashiya na mikono yauo; ¹⁷ Va nehele vintanga ku ngumbu na thingundhi na lithanda lialio, na cifuiko ca ku cikolo ca nthango. ¹⁸ dhimbambo dha tavenakulu, na dhimbambo dha nthango, na mikole yatho. ¹⁹ Na vithala viye via kupanga muacili muku panga navio mumuhela uaku jela, vithala via ku jela via Alone Sasendote na vithala via vana vendi, muku panga vipanga via sasendote. ²⁰ Mbunga yoshe ya vantu keho va tundileho hamuhela ua kele Mosesa. ²¹ Nkala ou ua yonguele kuvipanga hauye uoshe muthithimba uendi ua mutavethele, vanehele cikombelo ca Kalunga, ca cipanga ca mbalaka ya kuliuanena, naku vipanga viayo vioshe, na ku vuthalo vua ku jela. ²² Keho vethile na vamala na vakentu, voshe na mbunge yaku yongolamo, vanehele thimpande na vimbilingua, na minciele, na makai, vioshe via kuthala via Olu; nkala muntu uoshe vene vakombelele ci kombelelo ca Olu kuli Kalunga. ²³ Keho vantu voshe vakele na vikanda via kuvunduluka, nevi via ku venguluka, nevi viaku venga, na vinjui via kutoka, na maka ampembe, na vilambu via vi thamba via hua ku kotongola, na vilambu via tuthitu va mundonga ya Kalunga, vavi nehele. ²⁴ Uoshe uje ua kombelele cikombelo ca palata na Nkengelethi vanehele cikombelo kuli Kalunga. Na nkala muntu uoshe ua kele na mavaya a Akasia aku linga vipanga yaku vipanga viye vava hanene. ²⁵ Na vakentu voshe vakele na vuana vothele na mavoko avo, naku neha viye viva nothele, via kuvenguluka, nevi via kuvenga, na liniu lia kutoka. ²⁶ Keho vakentu voshe thimbunge thavo thava lingithile vakale na vuino mukutunga maka a mpembe. ²⁷ Vantuamalutue vanehele mavue a Onikisi, na mavue a ku kuathela, ku Efonde, na ku ntelo. ²⁸ Na vimba, na mathi a kulambi, na mathi aku vuavuetha, na vihemba via kulumba nevi via kunika muacili. ²⁹ Vana va Isaleli va nehele cikombelo ca kuyongola kuli Kalunga; vamala voshe na vakentu voshe, vaye vimbunge viavo via valingithile va nehe vipanga vioshe , viana tumina Kalunga Mosesa a vilinge. ³⁰ Keho Mosesa ua handekele na vana va Isaleli nguendi, taleni, Kalunga nathana halithina muna Uli, ua kumushovo ua yunda. ³¹ Ua sulisa Mbazabele na Sipilitu, yimu hane mangana, kuivuilila ca cili, na mana, aku pangetha, Kuli muka kuthinganieka vipanga via vuino, ³² muku panga na Ola, na palata, na Nkengelethi. ³³ Na mukushonga mavue aku kuatetha, na mukushonga mavaya, mukupanga ku vipanga vioshe via vunkulungu via vuino. ³⁴ Keho na hake mu mutima uendi linga alongethe, nendi na Oholiave,muna Ahisamake, ua ku mushovo ua Ndane. ³⁵ vakevo nava shulitha na mangana amutima linga va pange vipanga via kulitha tha, vaka kushonga, na muka ku ngangula, na muka ku taleka na vuanda vua kufua lilu, na pulupula, na nevi vivenga, na liniu lia cili, na muka kutunga ntanga. Vakevo vaka vithinganieka vipanga via vuino.