¹ Mukemuo Yehova ua handekele kuli Mosesa, Tunda hano, Nove na vantu vaje va una nehe kuno ku va tunditha mucifuti ca Ingito. Kaye ku cifuti cije cinjina lisingile kuli Avilahama, kuli Isake, na kuli Jacomba, Njahandekele nguange, 'Ange njikacihana kumbuto yove.' ² Njika tuma kangelu kulutue luove; amba njika sheka vakua kanana; ka Ameleu, ka Hiteu, na Kapelizeu, ka Hiveu, naka Yembuseu. ³ Kayeni kuje kucifuti, cije cakuhita na mahini na vuki; vuno honi kunjikayi neni kuye; muomu eni mu vantu vaku kuvavaleth dhiimbunge. Kuteua nji ka minthiha mungila. ⁴ Omuo vantu vo vuile mudhimbu ou ua kuviha, vali nyengele muvuthiwa, keho naumo uahi uazazele mincele yendi. ⁵ Keho Yehova ua lekethele Mosesa, ''Leketha va Isaleli, ' Eni mu vantu vaku vavaletha dhimbunge. Nga njikaya hamo neni nambe munthimbu yayi ndende, njika minthsiha. Ngoco vene, Vutuleni mincele linga njihangule vika njikapanga neni.'' ⁶ Ngoco vene va Isaleli vavutuile mincele noho ku mukinya ua Holeve. ⁷ Mosesa ua nonene mbalaka na kuyi shimbika hanja lia Cilombo, umo muhato ku cilombo. ua hilukile mu mbalaka ya ndhango. uoshe uye atambakana Yehova ku vioshe aya ku mbalaka ya ndhango, hanja lia cilombo. ⁸ Omo Mosesa nga ikeye aya ku mbalaka iye, vantu voshe vemanene ku cikolo ca mbalaka na kutalela Mosesa noho naka kovela muinthi. ⁹ Nthimbu yoshe nga Mosesa ukovela mu mbalaka, ngundhi ya lishelua yishelela hanthi naku shimbama ku cikolo, keho Yehova a handeka na Mosesa. ¹⁰ Nthimbu yoshe nga vantu vana mono ngunthi ya lishelwa lina shimbama ku cikolo ca mbalaka, vana pande kuimana na kulemetha, uoshe muntu emana ku cikolo ca mbalaka yendi. ¹¹ Yehova ua handekele na Mosesa mesho na mesho, keho Mosesa ahilukamo ku cilombo, vuno honi ngamba yendi Yehosua muna Nune, muna mukunje, ikeye uathalele thalele mu mbalaka. ^{12 13} Mosesa ua handekele na Yehova, '' tala, ua nji lekele nguove, '' tuala vantu vano mu vungendhi, vuno honi koua njilekethele ngove yiya uka njituma nendi. Una handeka nguove, njina kunthivuka ha linthina liove, Yimba lalo una uana kavumbi kumesho Ange. ' Ngoco nga njina uana kavumbi kumesho ove, Njilekethe vingila viove linga nji kuthivuke na ku uana kavumbi kumesho ove. Vuluka nguove muyati ou vakevo vantu vove.'' ¹⁴ Yehova ua vatavele nguendi, ''Njika kala kala hamo lika neni nthimbu yoshe na kumihana kuhuima ca cili. '' ¹⁵ Mosesa ua handekele nendi nguendi. '' nga ko u kakala netu nthimbu yoshe mu vungenthi ovu, kati utu tunditheko kuno. ¹⁶ Omuo ngoco, vati njika vinthivuka nguange njina uana kavumbi kumesho ove, nange na vantu vove? vi kapuamo ambe u kaya netu linga nange na vantu vove vakapua va kulitepa ku vantu vakuavo voshe vakala hano hanthi?'' ¹⁷ Yehova ua lekele Mosesa nguendi, '' Ange nji ka kupangela viuma vio una lombo, muomu una uana kavumbi kumesho ange, na linthina liove njili nthivuka.'' ¹⁸ Mosesa ua handekle nguendi, '' njina lambelela nji lekethe vumpahu vuove. ¹⁹ Yehova ua handekele nguendi, ''njikalingitha kuvuaha cange coshe ci kenje hali yove, njika solola linthina liange Yehova kulutue luove. Nange nji ka leketha cikeketima, Yimba njika leketha ngonthi kuli yavaye nji ka leketha ngothi. '' ²⁰ Vuno honi ua handekele nguendi, '' kouatha kunji mona cihanga cange, ngoco na umo uahi atha kunji mona na muono.'' ²¹ Yehova ua handekele nguendi, ''tala. ou ukeuo muhela uange; ukemana ha livue lino. ²² Keho vumpau vuange vuoshe vu hita, nji ka kuhaka mumuandthi ua livue na kuku fuika na livoko liange kamane njinahiti. ²³ Mukemuo nji ka nona ho livoko linange, yimba uka njimona muongo uange, vuno honi luholo kou ka lumono.