¹ Vantu muvamuene ngue Mosesa ualilangele kuija kutunda kumukinya, vali kungile kuaku thengela Alone vamuleka nguavo'' ija, tupangele Kalunga uakupanga atuame kulutue luetu. ngue ou Mosesa, ou liala uatundithile mucifuti ca Ingito, kutuizhiva vika vina muana.'' ² Ngoco Alone uandekele navo'' vutuleni vimbilingua via ol ovio vili ku matuitui a vakentu veni, na kumatuitui a vana veni vavamala nava va vakentu, vineheni kuli yange.'' ³ Vantu voshe vavutuile vimbilingua viavo via olu vikele kumatuitui avo vavinehele kuli Alone. ⁴ A endi uatambuile olu ije yatundile kuli vakevo, va vinyo ngoluele na kuvishonga, vavipangele munangombe uaku nyongolola. ngoco vantu vahandekele, '' Isaleli, ou ikeye Kalunga keni uje uamitundithile mu cifuti ca Ingito.'' ⁵ Alone muamuene evi, endi uatungile mutula kulutue lua muna ngombe na kuhia na lijui; nguendi, '' himene kukala cipito ca kathiko ka Yehova.'' ⁶ Mukemu vantu vali vangele kuhinduka litangua lia kushuama ko nahana vikombelo via kuthzimika na kuneha vikombelo vimolika. Ngochoni vakevo vatumamene nakulia nakunua, vaka tukile na nakulinga muyoyo uakuthambelela mu vindinda. ⁷ Ngoco honi Yehova uahandekele na Mosesa,'' yauye thambulako, muomu vantu vove, vaje vauakatunditha kuvifuti ca Ingito, vana likuithakuitha avo vavenya. ⁸ Avo vamathi vuathi vuathi ngila iye injiva tumine. Avo vana lifulila munangombe avo vanenya va mulemetha vamuhia vuana. Avo nguavo, Isaleli, ou ikeye Kalunga keni uje uamishaka kucifuti ca Ingito.'' ⁹ Ngoco honi yehova uahandekele na Mosesa.'' ange njinavamono ava vantu. Tala, avo vantu vaku kamkamana vithzingo. ¹⁰ Mulolo honi, keci muetheke kunji vindika yange. vukalu vuange vuka vashuamena vakevo hiangu, ngoco ange njika uavitha. Keho hon ange njika muyati uakama ukatunda muli yove.'' ¹¹ Vunohoni Mosesa uethekele ku kandangeya Yehova, muomu vika vukalu vuove vushuamena vantu vove, vaje vauakashaka kucifuti ca Ingito na ndthili yakama na livoko lia ku thsimana? ¹² Muomu lia vika vaka Ingito vakahandeke nguavo, 'Endi uavatuamene na vithi nganyeka via kuviha, kuka vathsiha omu mikinya na kuvanongetha vatunde hanthi? tenguluka utunde kuvukalu vuove vuakushuama litule ku kashiti ku aka ku vantu yove. ¹³ Vuluka Avilahama na Isake na Isaleli, vakakuku pangela, kuli vanje vaua lithingile navo ove vavenya na kuvaleka nguove, ange njikelanetha muyati uove ngue kulama kua vitangantanga via muilu. Ange nji kahana ku muyati uove cifuti eci coshe cije cinja tumbuile. Ava vaka cihinga miaka yoshe. ''' ¹⁴ Mukemuo Yehova ualitulile kutunda ku kashitiku kaje katembele ku kalinga ha vantu vendi. ¹⁵ Ngoco Mosesa ua tengulukile kuli thenga ua shelelethele mukinya, nambata vitale vivali via mashiko a liuvuathano mu livoko liendi. Vitale via kuthona ku mitambela yoshe. Kuthona kulutue na kunima. ¹⁶ Vitale viakele vipanga via vavenya Kalunga, na mathona akele mathona a vavenya Kalunga, kuola ha vitale. ¹⁷ Yehosua omu muovuile muyoyo ua vantu omo muvoluile, endi ua lekele Mosesa nguendi, ''Muli muyoyo ua ndthita mucilombo.'' ¹⁸ Vunoco Mosesa nguendi, Kuohia kuaco keti kua kuvula, keci kuohia kua vantu vaje vava sheka sheka, vuno honi kuohia kua kuimba ndjuvua ange.'' ¹⁹ Mosesa omu muashuenene ku cilombo, endi ua muene muna ngombe na vantu vakina. Endi ua handukile mua kama. Endi uashele vitale vitunde mumavoko endi na ku vithsiha kuinthi lia mukinya. ²⁰ Endi uatambuile muna ngombe uje uva pangele vantu, ua mu thsimikile, ua mu tuile lito, ua lishuuilile mu mema. Ngoco endi ua hanene vantu va Isaleli vanue. ²¹ Ngoco Mosesa ua handekele na Alone, Vika va lingile vantu kuli yove, linga uva nehele vupi vua kama ngeci?'' ²² Alone nguendi, vukalu vuove keci vushuame hiangu, Shukulu. Ove uva thivuka vantu ava, vati vayongola kupanga vupi. ²³ Avo va handekele nange nguavo, tupangeleko Kalunga uje akatuama kulutue luetu. Muomu ou Mosesa, liala uje ua ka tushaka ku cifuti Ingito, etu ku tudhivuka vika vina mu uana.' ²⁴ Ngoco ange njahandekele navo, ' uoshe ali na nkala olu,a yivutule. 'Avo vanjihanene olu ange nja viumbilile mu tuhia, muatuhuka honi muna ngombe ou,'' ²⁵ Mosesa muamuene vantu vateuela mu muthenge (muomu Alone na vecelela, na valingitha vashauke ku vitodhi viaco). ²⁶ Ngoco Mosesa uemanene ku cikolo ca cilombo ua handekele nguendi, uoshe ali ku mutambela ua Yehova eje kuli yange.'' Valevi voshe valikungulile vamu dhengelekele. ²⁷ Endi ua handekele navo nguendi, ''Yehova, Kalunga ka Isaleli, ua vi handekela: Nkala mu mala ashuele mpoko yendi ha mbunda yendi na ku hiluka mu kuendangana tunda cikolo ya cikolo mukati ka cilombo, nthsiha mukuendje uendi, mukuavo, na lishangembo uendi.''' ²⁸ Valevi vapange vije via valekele Mosesa. Litangua olio kuathsile vantu vahetele ku makulukadhi atatu. ²⁹ Mosesa ua handekele na Valevi, '' Vana mihaka mu vipanga via Yehova lelo, muomu nkala umo ueni na tambula cipanga caku luitha mona na mu kuendje uendi, ngoco Yehova a mihana kuvedhika lelo.'' ³⁰ Litangua lia ku shuamako Mosesa ua handekele na vantu nguendi, '' Eni munalingi vupi vuakama kama. Mualolo honi ange njiya kuli Yehova. Halumo nji ka mihandekelako omo vupi vueni. '' ³¹ Mosesa ua hilukile kuli Yehova na ku kahandeka nguendi, ''Aye, vantu ava vana lingi vupi vuakama vana lipangela avo vavenya kalunga ua olu, ³² Vuno honi mulolo, Shukulukambu vecele ku vupi vuavo; vuno honi nga kucitava, Njidhimangane mumukanda u uasonekele.'' ³³ Yehova ua handekele na Mosesa nguendi, '' uoshe ua panga vupi kuli yange, muntu uje ange njika mudhimangana mumukanda uange. ³⁴ Ngoco yauye mualolo, tuamena vantu ku muhela uje ku njahandekele nove. tala, kangelo kange akaya kulutue luove, vuno honi halitangua linji kava hana kashitiko omo vupi vuavo. '' ³⁵ Yehova uatumine vuvedhi ha vantu muomu va pangelele muna ngombe, ouo ua pangele Alone.