¹ Keho Yehova uahandekele na Mosesa guendi, '' ² Tala, njina thana kuhzina Mbezalele muna Uli uamumala muna Hule, uamushovo ua Yunda. ³ Njina mushulitha Mbezalele na Spilitu yange, yimu hane mangana, mana, na kuzhivukitha, kunkala cipanga. ⁴ Kufuatula viavu nkulungu na mukupanga na olu, na palata, na nkelengelezhi; ⁵ Naku teta luhua mavue muka kuathetha na nakushonga vipilangi ⁶ Muku vuezhelela ko kuli yendi, njina hangula oholiave, muna ahisamake uamumala, ua mushovo ua ndane, Njina haka mangana muvimbunge viava vaka kuzhangama vaka pange vioshe vionje na mushiki. Evi vina kuatelamo ⁷ Njivo yavi nothango, cikesa cia vumbangi, na cituamo cia ngozhi helu lia cikesa, navitenga vioshe viamu njivo- ⁸ tafula n vitenga viavo, citi cia lambi navitenga viacio vioshe, na mutula ua vihemba, ⁹ mutula ua vikombeleyo via kuthsimika navitenga viaho vioshe, na mbasiya navuimaneno vuayo. ¹⁰ Evi vina vuezhelelako luhua na vizhala viye via kupanga muacili-vizhala via kujela via Alone sasendote nevi via vana vendi vavamala, vanji hakelavio kulingila navo vaka pange cipanga ciavu sasendote. ¹¹ Evi vina vuezhelelako luhua mazhi aku vuavuetha na vihemba vi a kunika lemba hamuhela yakujela.Vamala ava vakushonga vapange vioshe evi njina kushika.'' ¹² Keho Yehova uahandekele na Mosesa nguendi, '' ¹³ leka vaka Isaleli: kanyungeni matangua ange aku huima, mukonda vikevio vika mizhivitha hakati kendi neni limo navantu vove kulingila vakezhive nguavo endi Yehova, yikeye uamitepako mukale vendi. ¹⁴ Nyungeni litangua liakuhuima mukonda liacio muka upanga liakuyela, muka muthingimikila lio. Uoshe aka panga mulitangua lia kuhuima, muntu uangocio vaka mutunditha muvantu vendi. ¹⁵ Vipanga muka vipanga mumatangua atanu naumo, vunoni liamu citanu na avali lika kala litangua liakuhuima lioshe, lia kuyela kumesho a Yehova. Uoshe aka panga mulitangua liakuhuima kuka muthsiha. ¹⁶ Keho va Isaleli vathingimikile litangua lia kuhuima vaka litalela mulimo lia vantu vavo ngue mashiko aku kalelela. ¹⁷ Litangua liakuhuima lika kala nthimbu yoshe cizhivitho hakati ka Yehova na va Isaleli, mulitangua liamu citanu na limo Yehova uatangele lilu na mavu, na mulitangua liamu citanu na avali ua huimine na ua huiithile.'' ¹⁸ Hamanene Kalunga kuhandeka na Mosesa kumukinya ua sinayi, uamu hanene vitafula vivali via mashiko, ovio via kele vitafula via mavue, via thona vavenya Kalunga nalivoko liendi.