¹ Keho ukapanga mutula ua ku kuthsimikila vihemba' yove kacipanga namaya aciti. ² Vulahe vuacho vunapande kupua kuvitu imo namu vuihivuaco chinapande kupua kuviku imo, cinapande kupua kumo lika. Namuvulahe uacho cinapande kupua vikuviko vivali. Navimbinga viaco vipue mumo lika . ³ Keho uka ufuika na olu helu liauo , Namuvimpati viacho navi thimbinga viaco. Ukapanga chilongo cha olu ukathengelekako nauo. ⁴ Ukapanga michele yivali ya olu ukahaka hakati kathingamba. Kuthinkande thivali, Namichele yikakala yakukuata thinguthi thakukuata mutula. ⁵ Ukapanga thinguthi tha mavaya aviti, a dtho ukathifuika na olu. ⁶ Keho ukauhaka kumutula uaku thsimikila vihemba kuluntue lua ntanga yije yovanafuika kuchikasa chali tavathano. chikakala kuluntue lua cituamoca ngothi chili helu lua vumbangi, kuje njikali uana nove. ⁷ Keho alone akathsimika vihemba nkala cimenemene. Napande kuthsimika muauahesa thindeya, ⁸ Na Alone lalo napande kushuameka thi ndeya kuchinguezi akathimikavihemba viaku miaka yoshe kulutue lua Jehova, kumemo eni oshe. ⁹ Keti muka thsimikileho vihemba viavio lalo kumutula, Nambe nkala vuana vukuavo vuaku thsimika, Nambe nkombelo yavia kulia. Kati mukashuuileho vikombelo viaviakunua. ¹⁰ Keho Alone ukakombeleyaho kuthimbinga thauo lumo lika mumuaka. Na maninga ankombelo ya vaka vupi nacho lumo mumuaka kumemo ove oshe akeo ana tuvakana kujela kuli Yehova." ¹¹ Na Yehova ua handekele na Mosesa, nguendi, ¹² "Mouyongola vana va Isaleli na nkala muntu napande kuhana ko ndando imo kumuono uendi kuli Yehova. Unapande kuka vilinga evi kunima ya kuvitanda, kulingila mavedhi aku lishambuitha mukati kavo moumana kuka vatanda. ¹³ Uje uoshe uvana tanda napande kufueta mbaluvuila vimbongo na palata, kutuala kukulema kua vimbongo kua kuvipkunguila (Sikulu ikeyo vene makumi avali avitamboli) eyi sikulu yamukati vukapua vuana vua kuhana Yehova. ¹⁴ Uoshe ahita kuje kuli uoshe uvana tanda, kutamekela hamiaka makumi avali, vikanduithe, napande kuneha vuazna kuli yange. ^{15 16} Vantu muva hana vuana vuavo kuli yange kufuetela miono yavo , muka kufuka ka pandele kuhana via viavingi vina tuvakana mukati ka shikule, na cihutu kapandele kutepululako ahane viavindende. ¹⁶ Uka tambula thimbongo thaku kombeleya kuli vaka Isaleli una pande kuvi haka muvi panga vipange ku njivo ya vinthango. vina pande kupua viaku va vuluitha va Isaleli ku mesho ange muku kombeleya miono yeni ¹⁷ Keho Yehova ua handekele kuli Mosesa nguendi, ¹⁸ ''Una pande kukapanga lalo lilonga liakama lia nkengelethi na mutula uaku tumbika, lilonga liaku tanena. Unapande ka lihaka hakati kanjivo ya thi nthango na mutula una pande kuka hakaho mema. ¹⁹ Alone na mona vaka tana kuma vako naku mianja yavio mumema aco. ²⁰ Muyaya munjivo ya vinthango nambe mukaya mu hiehi na mutula muku njoyiela muku nthsimika cikombelo ca tuhia. ²¹ Vana pande kutana kuma voko naku mianja yavo muku lingila keti yathe. Aa akapua mashiko a Alone aku kalelela na eci cikeco cikapua citume kumiaka yoshe kuli vakevo, na kuli yikeye vene naku memo ovo oshe. ²² Keho Yehova ua kuanyene na Mosesa, nguendi, ²³ ''Tambula thimboto viavu heke. vihita vitanu viu sikulu via Mira ya kunika luhunthi Sinamone, Vihita vivali na makumi atanu akunika luthinthi. ²⁴ Vihita vitanu via kashiya, vethekele kulema kuathi shukulu via kunyunga, na hine ya mathi o Oliva. ²⁵ Una pande kupanga mathi aku jela kuvi mbuto viaco, Vipanga via kunika luthinthi, aka pua mathi aku jela. muku njika punguilao. ²⁶ Una pande kuhangula njivo ya thinthango na mathi ano ngue ku cikesa ca vumbangi. ²⁷ Na mutula navioshe vibombelo viaku nthsimika, N a citenga ca vitumbika ndeya na vioshe vihemba viaku nthsimika kumutula. ²⁸ Na mutula ua kunthsimikila vihemba na vikulungu vioshe, Naha haku litumbika lilo. ³⁰ Una pande kuli hakela na mutamba uavio kuli yange vikapue viaku jela kulu yange , nevi vioshe viova kukuata vika pua. ²⁹ Una pande kuhangula Alone na mona unji hanguileko yange vaka njitakamethe yange mukupua va sasendote vange. ³¹ Ana pande kuleka va Isaleli'' Aa anapande kupua mathi aku jela ova kakela mbaluvuila kali Yehova kuhitila muvantu vove namu memo ove. ³² Keti aku vikuite ku muvila uavantu, pande kupanga mathi akulifua ngeci mua aa. mukonda voa hakela mutambela ua Yehova. Muna pande kuvi haka mucifua eci. ³³ Uoshe apanga mathi ngue a a. Nambe nga uoshe mo aka kuita umo, ouo muntu uaco vaka mutepe kuvantu vendi ³⁷ Vihemba viaku nthsimika vije vio uka panga, keti muka pangeko lalo via kulifua ne viove navavenya, vika kala viaku jela muakama kama kuli yove. ³⁸ Uoshe akapanga viakulifua navio aka vi pangethe munde uendi vaka mutepe kuvantu.