¹ Mu Engeli wa utano ashivi rumbendo rwendi makura anu mono ntunguru ya kuwiru kuna kuwera palivhu. Yino ntunguru kwayipire tjapi da kupaturura kushirongo sha vafe sha kuntjintji. ² Mbungururu makura ayitomona likwina yi paturure shirongo sha vafe shakuntji-ntji, makura amurupuka muti wa uyingi unene yira muti unakutundo kulidiko lya hasi ya upyu unene. Makura kuliyuva na mu mpepo akushovagana mukonda ya muti wa upyu unene ogho wa tundiro kutji-ntji. ³ Mumuti makura amu rupuka limbonde liye pantunda ya livhu, makura ava tapa nkondo kukwavo da kufana yira da vange vapalivhu. ⁴ LImbonde kwatantilire ashi kapishi lidjonaure mushoni wa uteke wa pantunda ya livhu ndi vimenwa vya viteke ndi vitondo, ano ngoli vana hepa kuhepeka vantu ovo vapiro viyivito vya Karunga pa vipara vya kudimutwe davo. ⁵ Limbonde kwali tantilire ashi kapishi lidipaye ovo vantu, ano ngoli kuva hepeka tupu makwedi matano. Kukora kwavo kwafanine yira kukora kwa muntu ogho yina shumu nge. ⁶ Pashirugho osho vantu ngava shana ashi ndi va fe ano ngoli kapi ngava fa. Vavo ngava shana ashi ndi vafe, ano ngoli mfa ngadi vaduka. ⁷ Lino limbonde kwafanine yira nkambe odi vana wapayikiri vaka vita.vita. Pa dimutwe kwa kalirepo vya kufana yira nkata ya ngorodo, ntani vipara vyavo kwafanine yira vipara vya vantu. ⁸ Huki davyo kwa fanine yira huki da mukadi, mayegho ghavyo kwafanine yira gha nyime. ⁹ Viku kandulito vyado vya panturo kwafana yira vya vikugho, ntani kwa kalire na mavava gha kupupira unene yira nkambe da kukoka matemba dado kuna kukurombera kuduka dirwe ¹⁰ Dimushira nado kwa fanine yira dava nge; dimushira davo kwakalire nankondo da kuhepeka vantu makwedi matano. ¹¹ Limbonde kwa kalire na hompa wavo mu Engeli wa kushirongo sha vafe sha kuntji-ntji. Lidina lyendi muliraka ya Ruhebeli, Abadoni, ntani muliraka lya ru Gereka ndje Apoliyoni, kutanta ashi mudjonauli. ¹² Lihudi lya kuhova lina kapita. Kenga! kutunda pano shimpe vishoroka viviri vya mahudi ovyo vina karo kumeho. ¹³ Mu Engeli wa ghutano-na umwe ashivi rumbendo rwendi, ame makura anu yuvhu liywi kuna kutunda kuma ruvinga mane ghaku shidjambero sha ngorodo oshi sha kaliro kumeho ya Karunga, ¹⁴ kuna kutantera mu Engeli wa utano-na umwe oghu ashiviro rumbendo ashi, ''Mangurura vano va Engeli vane ovano vakaro mumango mumukuro wa unene wa Eufurata.'' ¹⁵ Makura amungurura vano va Engeli vane ovo vawapayikira shino shirugho, lino liyuva, uno mwedi, ntani uno mwaka mpo ashi vadipaye shi utatu sha vantu vapa livhu. ¹⁶ Shivaro sha vakavita va nkambe kwakalire ma miliyuna mafere maviri. ¹⁷ Ame kwa monine nkambe mulimoneko lyande kumwe na varondi vavo: Vikukandulityo vyavo vya panturo kwa kalire vya vigeha yira mundiro, na ushovagani wa liwiru ntani shina lihenga yira liwe lya mundiro. Dimutwe da nkambe kwafanine yira dava nyime, ntani mutunwa twa nkambe kwatundiremo mundiro, na muti ntani na mawe gha mundiro. ¹⁸ Shi utatu sha vantu kwa fire kwaghano mahepeko matatu: Mahepeko gha mundiro, na muti ntani na mawe ghamundiro ogho atundiro mutunwa twa nkambe. ¹⁹ Mukondashi nkondo da nkambe kwakalire mutunwa ntani nakudimushira-dimushira da nkambe kwafanine yira mayoka, ogho akaro nadimutwe da ushungu da kuremeka vantu vakare navironda. ²⁰ Vantu ovo vahupiropo, ovo vapiliro kufa kwa ghano mahepeko, kapi vakushighulire vashuve viruwana vyavo vya kumaghoko gfhavo, ndi kapi vashayikire kutongamena mpepo dadidona na vaKArunga va ngorodo, vaSisiliveli, na vavangoporo, na vavamawe, na kuyuvha ndi nakuyenda shi. ²¹ Ndi vavo kapi vakushighulire vashuve kudipaya kwavo, upure wavo, rushonda rwavo ndipo na widi wavo.