¹ Ame kwa monine Ndjwi ghona omo yina kutjora yipaturure likumba limwe kumakumba matano-na maviri, makura anuyuvhu shikorama shimwe pa vikorama vine kuna kughamba na liywi lyalinene yira maruvadi ashi, ''Ya kuno!'' ² Tupu na kenga ko anu mono nkambe ya yikenu. Ogho arondiropo ghuye ana kwaterere ghuta wa nkandja makura ava mupa nkata. Ghuye arupukamo yira mufundi ayende aka funde. ³ Ndjwi ghona opo yatjora yipaturure likumba lya uviri, anu yuvhu shina monyo sha uviri kuna kughamba ashi, '' Ya kuno!'' ⁴ Nkambe ya uviri yayigeha yakufana yira mundiro-ayirupukamo. Murondi kwa mupire nkondo da kughupapo mpora pantunda ya livhu, mpo ashi vantu vaku dipaye-dipaye vene na vene. Oghuno murondi ava mupa rufuro rwa runene unene. ⁵ Makura ndjwighona opo yatjolire yipaturure likumba lya utatu, anu yuvhu shina monyo sha utatu kuna kughamba ashi, ''Ya kuno!'' Makura anu mono nkambe yayitipu, murondi wapo ana kwaterere shiviha mulighoko lyendi. ⁶ Ame anu yuvhu yira liywi pakatji kavi namonyo vine kuna kughamba ashi, ''Kakumba karukokotwa ngaka pura vimaliva vya kuruwanene liyuva mudima, ano tukumba tutatu twa vilya nato ngatu pura vimaliva vya kuruwanena liyuva mudima. Ano ngoli kapishi udjonaure maghadi gha ndjwe na vinyu.'' ⁷ Ndjwi ghona ayitjora likumba lya une lipaturuke, makura anuyuvhu liywi lya shinamonyo sha une kuna kutanta ashi, '' Ya kuno!'' ⁸ Makura anu mono nkambe ya mandjoto-mandjoto gha makenu na ugeha. Murondi wayo lidina lyendi mfa, shirongo sha vafe kuna kumu kwama. Vavo kwava pire nkondo da kupangera umwe kushi une wa vantu vapantunda ya livhu, Vavadipaye narufuro, na ndjara ntani na lihamba lyamukau, kumwe navikorama vya pantunda ya livhu. ⁹ Ndjwighona opo yatjora likumba lya utano lipaturuke, anu mono kuntji ya shidjambero monyo da vantu ovo vadohoroko mukonda ya kuyuvita nkango da Karunga ntani na umbangi wa lipuro lyavo. ¹⁰ Vavo ava ghamba na liywi lya kudameka unene ashi, '' Dogoro shirugho munke, ove mupangeli wa navnatje, ove mupongoki ntani ove muna ushili, shirugho munke ngaghupangura vantu vapantunda yalivhu ovo vatudipayo, ngava fute honde yavo vadipaya!'''' ¹¹ Kehe uno wa mumwavo ava vadwateke marwakani gha makenu, ava vatantere ashi vataterere tanko na mbili shirugho shashifupi dogoro ngashitikemo shivaro sha vakareli va Karunga va unyenu kumwe nava unyavo ovo ngava dipaya, yira momu vamudipayire nwe, mpo ashi shivaro nga shitikiliremo. ¹² Ndjwighona opo yatjolire likumba lya utano-na limwe lipaturuke, makura anu mono livhu kuna kukankama unene. Liyuva alishovagana yira makara, ntani kakwedi aka gehe unene yira honde. ¹³ Ntunguru da kuliwiru adi were palivhu, yira momu wa rundumukanga ukuyu ghuwere palivhu nkene kuna kuyunga mpepo ya likundungu lyalinene. ¹⁴ Liwiru ali dongonokapo yira momu vapetekanga lipepa lya mbapira. Ndundu na virudi kwatunda pa mavhango ghado. ¹⁵ Makura vaHompa vapalivhu navakamakuto, vapititiri va vavakavita, na vangagho, na vakankondo ntani na navantje kwa kavanda kumarupako ghamawe ghakundundu. ¹⁶ Vavo ava yiyiri vatantere ndundu na mawe ashi, ''Tuwerenu! Tuhorekenu tutunde ku shipara shaghu ana shungiro ku shipundi sha Uhompa ntani naku lishandu lya ndjwighona. ¹⁷ Mbyovoshi liyuva lyalinene lyalishandu lyendi libna tikimo. Are wa kuvhura kuka yimana mo?''