¹ Ame makura anu mono muliwoko lya rulyo lyaghu ashungiro kushipundi sha Uhompa ana kwaterere mbapira ya mapepa vatjanga pantunda na mundu, vana yipata na makumba matano-namaviri. ² Ame anu mono mu Engeli wa nkondo kuna kuyiyira na liywi lya kudameka ghunene ashi, ''Are wa kuvhura kutjora ghano makumba afikure yino mbapira?'' ³ Kwato umwe wa muliwiru ndi wapalivhu ndi wa kuntji ya livhu ogho avhuliro kuyifikura ndi avarure mo. ⁴ Ame makura anuliri unene mukonda shi kwato nampili umwe ogho vawanine wakuvhura kuyifukura ndi avarure mo. ⁵ makura umwe wamatimbi antantere ashi, ''Kapishi ghulire. Kenga! Nyime wa muhoko wa va Juda, wa mulira lya David, ogho afundo vita. Ghuye kuvhura kutjora ghano makumba matano-namaviri afikure mpapira.'' ⁶ Ame makura anu mono ndjwighona yina yimana mukatji ka shipundi sha Uhompa kuna yikundurukita vinamonyo kumwe na matimbi. Ndjwi ghona kumoneka yira kwa yidipayire. Yayo kwa kalire na mbinga ntano-nambiri ntani namuntjo matano-na maviri, dado kwakalire mpepo ntano-nambiri da Karunga odo atumine diyende pa ntunda ya livhu mudima. ⁷ Ndjwi ghona makura ayiyendi yikaghupe mbapira muliwoko lya rulyo lyaghu ashingiliro pashipundi sha Uhompa. ⁸ Tupu ayi ghupa mbapira, makura vina monyo vine kumwe namatimbi dimurongo mbiri nane ava tongamene kumeho ya Ndjwi. Kehe ghuno kwa kwatilire shikitara sha kuveta ntjumo ntani na shisha sharufiko sha ngorodo shasho kuna yura vitutumukita vya lidumba lya liwa, kutanta ashi ndapero davapongoki. ⁹ Vavo ava yimbi rushumo rwarupe: 'Ove tupu wa kuvhura kutjora makumba ghuvure kufikura mo mumbapira. mbyovoshi ove kwa kudipayire, mbyo wa yoghora vantu na honde yoye ngavakare vantu vaKarunga ngavatunde kudimuhoko nadintje maraka, naghantje, marudi naghantje, ntani kuvirongo navintje. ¹⁰ Mbyo wa vatura vakare mbunga yoye ya vaHompa na Pristeli ngava karere Karunga wetu, vavo ngavapangere patunda ya livhu mudima.'' ¹¹ Ame makura anu mono na kuyuvha maywi ghava Engeli vavangi vana kundurukita shipundi sha Uhompa kumwe na vinamonyo ntani na matimbi. Shivaro shavo kwa kalire mayovi murongo na mayovi murongo ntani liyovi na liyovi. ¹² Vavo ava ghamba na liywi lyalinene ashi, ''Ndjwi ghona, oyo vadipayire, ndjo tupu ya kuvhura kuwana lipangero, na limona, na ukonentu, na unankondo, na lifumano, na uyerere, ntani na lishamberero.'' ¹³ Makura anu yuvhu vishitwa navintje vya muliwiru navi vya pantunda ya livhu ntani navi vya kuntji ya livhu ntani navi vya mulifuta-navi vya karomo navintje-kuna kutanta ashi, ''Oghu ana shingiro kushipundi sha Uhompa kumwe naNdjwighona va wane lishamberero, na lifumano, na Uyerere, ntani na nkondo da naruntje na naruntje.'' ¹⁴ Vina monyo vine makura avi ghamba ashi, ''Amen! matimbi dimurongo mbiri-nane makura ava tongamene ngoro vavatange.