¹ Opo vyapwa vino anu kenge, numone livero muliwiru lina gharuka. Liywi lya kuhova olyo nayuvire kuna kughamba name lyakufana yira rumbendo, kuna kuatanta ashi, ''Kanduka ghuye kuno, ame nashana kukuneyeda ovyo ngavi shoroko kunyima yavino.'' ² Nakuharukako tupu mponili mu mpepo, anu mono shipundi sha Uhompa shina kara muliwiru, muntu ana shingiri po. ³ ogho ashingilire po kwa monikire ntani kwafana yira liwe lya diyamande ya ndiro lya kufana Jasipesi ntani ugeha yira lya Seradiyoni. Ntani shipundi kwa shikundurukitire likongoro. Mavava gha likongoro kwa kalire na ma ghurenga ghakufana yira liwe lya Simaradi. ⁴ Shipundi sha Uhompa kwa shikundurukitire vipundi vya Uhompa dimurongo mbiri na vine, ntani dimurongo mbiri na matimbi mane ghana shingiri pa vyo vipundi, vavo vana dwata vyuma vyavikenu, kuna dwata nkata da ngorodo kumutwe. ⁵ Kushipundi sha Uhompa kwatundire ko maruvadi, na shindundumo, na liywi lyalinene. Ntani pakalire ramba ntano nambiri kuna kutwera kumeho ya shipundi sha Uhompa dado ndo mpepo ntano-na mbiri da Karunga. ⁶ Kumeho ya shipundi sha Uhompa kwa kalireko yira mema ghalifuta mulikende, lya kuvembera yira mungwa wa kilistar. Pakatji kashipundi sha Uhompa kwashikundurukitire shipundi sha Uhompa navina monyo vine, vya kuyura mantjo kushipara na kunyima. ⁷ Shina monyo shakuhova kwafana Nyime, sha uviri kwafana Hove, sha Utatu kwafana Muntu, ntani sha Une kwafana Likuvi. ⁸ Ovyo vina monyo vine kehe shino kwa kalire na mavava matano-na limwe, munda na pantunda kwa yulire po mantjo. Vina monyo vyavyo kuyimba matiku na mwi vyahana kushayeka ashi, ''Wapongoka, wa pongoka, wa pongoka, Hompa Karunga wa nkondo nadintje, oghu akaliroko, oghu ana karoko, ntani ogho ngakayo.'' ⁹ Vino vina monyo vyavyo kehe pano kushamberera, kufumadeka, ntani nakutapa mpandu kwa ghu ashingiro kushipundi sha Uhompa, oghu akaro na monyo wa naruntje na naruntje, ¹⁰ Makura ghano matimbi dimurongo mbiri-na mane kuya aya tongamene na kunyongamena dimutwe kwa ghu ashungiro ku shipundi sha Uhompa vamutange oghu akaro na monyo wa naruntje na naruntje. Makura vavo ava tura nkata davo kumeho da shipundi sha Uhompa na kughamba ashi, ¹¹ '' Kupandura kukoye , ove Hompa na Karunga wetu, ove wa karo na uyerere na lifumano, na nkondo nadintje, mbyovoshi ove mushiti wa navintje , muvipanga vyoye mbyo vina karapo vino navintje, vyapwa kushita.''