¹ ''Tjangera mu engeli wa mbunga Kriste ya Saredesi ashi, 'Odino ndo nkango daghu akwaterero mpepo ntano-nambiri da Karunga na mbungururu ntano-nambiri. '' Viruwana vyoye naviyiva. Monyo ogho wakara nagho wa lidiva tupu, ano ngoliwafa kare. ² Rambuka ghunkondopeke ovo vana hupopo ovo vana kushano navo kufa, mbyovoshi viruwana vyoye kapi navimona ashi vina tikilirimo kushipara sha Karunga wande. ³ Vhuruka , nkango, odo wayuvha mbyo wadi tambura. Limburuka kunkango, ghukushighure. Ano ngoli nkene kapi ghuna kuvangara, ame ndi nganuya kukoye yira mukawidi, ove kapi ngaghuyiva shirugho osho nganuya kukoye. ⁴ Ano ngoli mpovali vamwe mu Seredesi ovo vapiro kunyateka vikoverero vyavo, vavo ngavayenda kumwe name, ngava dwata vikoverero vyavikenu, mukondashi ngavi vawapera. ⁵ Kehe ghuno ana kufundo ngaya dwata vyuma vyavikemu, ntani lidina lyendi kapi ngava lidongonona mo mumbapira ya monyo, ame nganu katongonona lidina lyendi ku Vavava na kuva Engeli vendi. ⁶ Oghu akaro na matwi, ayuvhe ovyo yina kutanta mpepo kumbunga Kriste.''' ⁷ ''Tjangera mu Engeli wa mbunga Kriste ya Filedefiya ashi: 'Odino ndo nkango dendi mupongoki da ushili- ogho akwaterero tjapi da David, nkene ana paturura kwato ghumwe wa kuvhura kupata, ano nkene ana patako kwato ghumwe wa kuvhura kupaturura. ⁸ '''Ame nayiva viruwana vyoye. Kenga, ame kwatura kuna tura livero lya kugharuka kumeho yoye, kwato kehe ghuno wakuvhura kulighara. Nampili momu wa kara na nkondo dadisheshu, ano ngoli nkango dande wa dikwata maghoko maviri ntani ove kapi wa kanana lidina lyande. ⁹ Kenga! Ame nganu renka mbunga ya Satana, ovo vakutwenyango ashi va Juda vavo vahana kukarashi mbo, vavo vana vimpempa-nganu varenka ngavaye vayatongamene kumpadi doye, mposhi ngava yayive ashi ame kwakuhorora. ¹⁰ Momu wa tikitamo veta dande mbyo wa kara na lididimiko, name nganu kupopera kumayuva ghaghudito na masheteko ogho ana kuyo kumeho mu udjuni naghuntje, mukuya sheteka vantu va pantunda yalivhu. ¹¹ Ame ntantani nganuyatike. Kwaterera ovyo ghuna kara navyo weno ngavapire kuku shakana vantu nkata yoye lipenda. ¹² ''Kehe ghuno ana kufundo nganu mutura ngakare ngundi muntembeli ya Karunga wande. Kapi nka ngaghurupukamo, ame nganu tjanga parutu rwendi lidina lya Karunga wande, na lidina lya shitata sha Karunga wande (Jerusalemu yayipe, oyo ngayitundo muliwiru kwa Karunga wande), yisheghumuke nalidina lyande lyalipe. ¹³ Oghu akaro na matwi, ayuvhe ovi yina kutanta mpepo ku mbunga Kriste.''' ¹⁴ ''Tjangera mu Engeli wa mbunga Kriste ya Leodekiya ashi: 'Ghuye kwamutwenyanga ashi Amen, ghuye mukareli wa kulimburukja, mbangi ya ushili ntani ghuye ndje akaro ntundiliro ya lishito lya Karunga, kuna kutanta ashi. ¹⁵ "Ame nayiva viruwana vyoye ashi, ove kapi ghuna tende ndi ghuna pyapyara ghuyenye. Ame kuna shana ukare unatende ndi uyenye ghupyapyare! ¹⁶ mukondashi ghuna yenye- nampili ghupyapyare ndi ghutende ame nashana nikuruke ghutunde mukanwa kande. ¹⁷ Ove kuna kutanta ashi, 'Ame nimungagho, nakara na limona lya liyingi, kwato ovyo nganu hepa.' Ano ngoli ove kapi wayiva ashi ove munalihudi, muna ruhepo, shirema, mutwiku ntani ove muhere-here una kara. ¹⁸ Tambura maghano ghande ashi: ghura ngorodo kukwande oyo vawapeka mumundiro mposhi ghungawope,kwande na vidwata vya vikenu ghudwateke rutu roye runa karo muhere-here mpo ashi upire kumonikita ntjoni da muhere-here ghoye, ntani ghura mutondo wa mantjo kukwande ghukurokere ghupahuke ghumone. ¹⁹ Ame kuronga kehe ghuno nahora, ntani kuvaronga ashi weni omu vaparuka. Mpo ngoli ashi, tjindja maghano ghu kushighure. ²⁰ Kenga, ame nayimana mulivero lyoye kuna kungongora. Kehe ghuno ana kuyuvho liywi lyande makura agharure livero lyendi, ame nganu ngena mumundi wendi nganukalye kumwe naye, ntani naye ngalye name. ²¹ Kehe ghuno ana kufundo nganumupa livango ngashingire kumwe name kushipundi shande sha ghu Hompa, yira momu nafunda name mbyo nashingira kumwe na Vavava kulipundi lyavo lya Uhompa. ²² Oghu akaro namatwi, ayuvhe ovi yina kutanta mpepo kumbunga Kriste.'''''