¹ Ame kwa monine mu Engeli kuna kutunda muliwiru. Ghuye ana kwaterere tjapi ya kushirongo sha kuntji mulikwina lyalire unene lya kupira uhura, ghuye kuna kwaterere uketnga wa unene ngudu muligho lyendi. ² Ghuye makura akwata limukongoro, olyo lya kaliro liyoka pakare, mudjonauli, ndi Satana, makura alimanga likare mumango mwaka dakutika liyovi limwe. ³ ghuye makura ali vhukumini mulikwina lya kushirongo sha kuntji. Makura agharako nakupatako kumwe na kuturako shiyivito ashi likare momo. Vino kwavi ruwanine mposhi kapishi nga lipukite dimuhoko dogoro ngadi pite mwaka liyovi limwe. Opo ngaditikamo, makura ngava lishutura likare shirugho sha shifupi tupu. ⁴ Ame makura anu mono vipundi vya Uhompa. Ovo vashungilioropo kwava pire nkondo da kupangera na kupangura. Makura anu mono nka monyo davo vadipayera pa kuvateta dimutwe mukonda ya kutapa umbangi wa kuhamena kwa Jesus Kristus kumwe na kuyuvita nkango da Karunga. Vavo nka vashwenine kutongamena shikashama ndi lifano lya sho, ntanbi vavo vashwenine kutambura shiyivito shashikama pavipara vyavo ndi pa maghoko ghavo. Vavo kwa vhumbukire ku ufe, vapangere kumwe na Kristus mwaka da kutika ku liyovi limwe. ⁵ Vantu vakuhupako kapi vavhumbukire ku mfa dogoro dina kapita dino mwaka liyovi limwe. Lino ndyo livhumbuko ku ufe lya kuhoverera. ⁶ Vana lirago ntani vavo nka vapongoka ovo ngava hameno kuli vhumbuko lya kuhoverera! Mfa dakuhoverera kapi ngadi kara na nkondo papavo. Vavo ngava kara va Pristeli va Karunga na Kristus ngava pangera kumwe navo mwaka liyovi. ⁷ Opo ngadi kapita mwaka liyovi, makura Satana ngava kamu mangurura mo mudorongo yendi. ⁸ Ghuye ngakapukita virongo ovi vyakaro kumaruha mane da muudjuni- muvirongo vya va Gogo na va magogo-Satana ngaka vapongayikira vita. Shivaro shavo ngashivhuka unene yira musheke ogho wa pongo kulifuta. ⁹ Vavo makura ava kuhanene mu udjuni mudima vavo ava kakundurukita ntanda da vapongoki- kumwe na shitata oshi ahora unene Karunga. Makura mudniro aghu tundu muliwiru ghuva shorepo navantje. ¹⁰ Makura mudjonauli, ogho ava pukito, ava kamuvhukumina mulikurudiva omo vakavhukuminine shikashama na muPorofete wa vimpempa. Vavo ngavapya ngava hepa mwi na matiku gha naruntje na naruntje. ¹¹ Makura ame anu mono shipundi sha Uhompa shashinene shashikenu kumwe noghu ashungiliropo. Livhu na liwiru kwa shanine kuduka litunde kushipara shendi, ano ngoli kapi vawanine livhango lya kudukira. ¹² Ame makura anu mono vafe-vakurona na vanuke-vana yimana kushipundi sha uhompa, makura ava fikura buk. makura ava fikura buke ya kuhova-buke ya monyo. Vafe makura ava vapangura kutwara muviruwana vyavo, yira moomu vavitjanga mo mu buke. ¹³ Lifuta makura alitapa vafe ovo vakaliro mo. Mfa na shirongo shavafe navyo avitapa vafe ovo vakaliromo, vafe navantje kwava pangulire kehe uno mu kukuyenda naviruwana vyendi. ¹⁴ Makura mfa na shirongo shavafe ava vivhukimini mulikuru diva lya mundiro. Likuru diva lyamundiro ndo-mfa dauviri. ¹⁵ Kehe uno vapira kutjanga lidina lyendi mu buke ya monyo, vakona kumuvhukumina mulidiva lya mundiro.