¹ Ame kwa yuvire liywi lya linene lina kutundo mu Ntembeli litantere va Engeli vatano na vaviri ashi, ''Yendenu mukatere visha vyenu vya tudukuru ovyo vitano na viviri vya lishandu lya Karunga mukavitere pa ntunda ya livhu. ² Mu Engeli wa kuhova makura ayendi akatere shisha shendi pantunda yalivhu, makura vimburu vyavidona vyakukora kwa kufa na kurambuka avi furuka murutu rwavo va karo naviyivito vya shikashama, ntani navo vatongameno lifano lyasho. ³ Mu Engeli wa uviri naye atere shisha shendi mulifuta. Makura mema gha mulifuta agha ku shintunuka akare honde, agha kara yira honde ya vantu va kufa, makura vina monyo navintje vya mulifuta avi fu. ⁴ Mu Engeli wa utatu naye atere shisha shendi mudi mukuro na mumema gha kupupa, makura agha kushintumuka akare honde. ⁵ Ame makura anu yuvhu mu Engeli ogho akaro na nkondo da mumema kuna kughamba asi, ''Ove wa hungama-ove Hompa wa kaliroko ntani ove una karoko, ove mupongoki-ove wa kara na nkondo da kupangera navintje. ⁶ Mukondashi vavo vakwato muhonde ya vapongoki nayi yavaPorofete mbyo una vapa vanwe honde; mukondashi vavene vavi kushaneno.'' ⁷ Ame makura anu yuvhu liywi kuna kutunda ku shidjambero ashi, ''Ushili, ove Hompa Karunga wa nkondo nadintje, kupangura koye kwa shili ntani kwa hungama.'' ⁸ Mu Engeli wa une makura atere shisha shendi kuliyuva, makura ava lipa nkondo liyuva da kushova yira vantu yira mundiro. ⁹ Makura vantu aghu vashoro upyu wa unene, vavo ava shwaura lidina lya Karunga, ogho akaro na nkondo da Kupangera mahepeko. Ano ngoli kapi va kushighulire ndi vamufumadeke. ¹⁰ Mu Engeli wa utano naye apatukiripo atete shisha shendi ku shipundi sha Uhompa wa shikashama, makura untungi wa shirongo shendi ashii kara mulikuru ndema. Vantu mukonda ya kukora. ¹¹ Vavo ava shwaura Karunga wa muliwiru mukonda ya kukora kumwe navironda vya mu marutu ghavo, ano ngoli vashwenine kukushighura vaashuve viruwana vyavo. ¹² Mu Engeli wa utano na umwe naye atere shisha shendi mumukuro wa unene, wa Eufurati. Makura mema ghamo agha pwiliri mo atundemo yikare ndjira ya vaHompa va ku upumeyuva ngava pitiremo. ¹³ Ame makura anu mono mpepo ntatu da kunyata da kufana yira mankoghogho kuna kutunda mukanwa kashikashama, ntani namu kanwa kamuPorofete wa vimpempa. ¹⁴ Mbyovyoshi dino ndo mpepo da vadjonauli odi da rueanango vitetu na viyivito. Ndo darupukiro diyende kuva Hompa navantje va mu udjuni vakupongeke ngava rwane vita muliyuva lyalinene lya Karunga wa nkondo nadintje. ¹⁵ ( ''Kenga! Ame kuna kuya yira muka widi! Muna lirago ndjeghu ana karo ana vangarara, wa kutakamita vyuma vyendi mposhi kapishi ngayendaure muhere-here vantu ngava pire kumona ntjoni dendi.'') ¹⁶ Mpepo makura adi vapongayiki va Hompa pa livhango oli vatwenyanga muliraka lya Ruhebeli ashi Amagedo. ¹⁷ Mu Engeli wa Utano na uviri makura atere shisha shendi mumpepo. Liywi lya linene alitundu mu ntembeli ya muliwiru kushipundi sha uhompa, kuna kutanta ashi, ''Vina pu!'' ¹⁸ Makura akukara marughadi gha kuvema, shindundumo, kumwe na likankamo livhu lyalinene unene-likankamo livhu lyalinene unene olyo lyapiro kukarako rumwe kutunda kulishito lya livhu, likankamo livhu lya kufa na kurambuka. ¹⁹ Shitata sha shinene ava shi taura shigaunuke mumaruha matatu, makura vitata vya muvirongo navintje avi bomauka viwe palivhu. Makura Karunga avhuruka Babiloni shitata shashinene, ana shipa nkinda ya kuyura vinyu ya lishandu lyendi lyalinene. ²⁰ Virudi navintje kwadongonokapo, na ndundu nadintje kapi da kalirepo nka waro. ²¹ Makura mvhura ya mawe ghamukumo wa kutika ku kilogram murongo ayi rokere vantu yitunde mu liwiru. Vavo ava shwaura Karunga mukonda ya mahepeko ya mvhura ya mawe yidito ya kaliro.