¹ Ame anu mono viyivito muliwiru, vyavinene vya kutetukita ashi: Vano va Engeli vatano na-vaviri vavo kwa kalire na mahepeko matano na-maviri, ghano ngo mahepeko gha kuhulilira, mposhi lishandu kya Karunga litikiliremo lipweko. ² Mpopo tupu makura anu mono ovyo vya monikiro yira lifuta lya likende va vhonga na mundiro. Vavo kwa yimanine kulifuta lya likende mukonda shi vavo vafundire shikashama kumwe nalifano lyasho ntani na shivaro sha lidina lyasho. Vavo kwa kwakwatilire vikitara ovyo ava pire Karunga. ³ Vavo kwa yimbire rushumo rwa Moses, mukareli wa Karunga, ntani na rushumo rwa ndjwighona ashi, ''Viruwana vyoye vinene ntani kutetura, ove hompa Karunga, wa nkondo na dintje. Ndjira doye da hungama ntani dado da ushili, ove Hompa wa dimuhoko nadintje. ⁴ Are wakupira kukutjira ove, hompa, apire kufumadeka lidina lyoye? Mbyovoshi ove pentjoye tupu mupongoki. Dimuhoko nadintje ngadiya diya tongamene kumeho yoye mukondashi viruwana vyovye vyahungama vana vishorora kwa navantje. ⁵ Kuruku rwavino anu mono nka ashi, vana gharura ntembeli ya muliwiru mu nkonda ya ndjugho yayinene ya umbangi omo akara Karunga. ⁶ Makura mu ntembeli mwa kalire va Engeli vatano na-vaviri ovo vakwatiliro mahepeko matano na-maviri. vavo kwa dwatire marwakani gha kukushuka, gha makenu kuna kumanga ngama ntani na marughodi gha ngorodo gha kuvindakana panturo davo. ⁷ Makura shina monyo shmwe pa vyo vine ashitapa kuva Engeli vatano-na vaviri visha vya tudukuru vya ngorodo vitano na viviri vya kuyura lishandu lya Karunga, oghu akaro ko naruntje na naruntje. ⁸ Mu ntembeli makura amuyura muti wa uyerere na nkondo da Karunga. Na umweshi wa kuvhura kungena mu ntembeli ghagho mahepeko matano na maviri ogho akaliro kuva Engeli vatano na-vaviri shimpe kapi anatiki ku uhura.