¹ Vyakuhamena kunyama ya kudjamba kuva Karunga vavimpempa: twa yiva ashi natuvantje twa kara na unandunge wavyo. Ngoli unandunge kutura muntu akunenepite ngoli shihoro kutunga mukare kumwe. ² Ogho ana kukughayaro ashi uye ayiva vintu, muntu wa weno kwato ovyo ayiva kovyo awapera kuyiva muntu. ³ Ngoli kehe uno ahoro Karunga, ndje muntu ayivapo uye. ⁴ Ngoli, vyakuhamena nyama yakudjambera kuva Karunga vavipempa: Twayiva ashi muno muudjuni vaKarunga vavipempa navimweshi vatanta ntani mwamo kwakaramo Karunga umwe tupu. ⁵ Nampili vakare ovo vatwenyanga ashi vaKarunga vakare vamuliwiru ndi vakare vamulivhu ( yira momu tupu pa kara vaKarunga na vaHompa vavangi), ⁶ ngoli atwe Karunga umwe tupu twa kara naye, shetu, ogho ashito navintje ntani uye ndje twakarerapo, ntani Hompa umwe tupu twakara naye Jesus Kristus mumwendi mo ashitilire Karunga vininke navintje ntani mumwendi mbyo twakarerapo. ⁷ Ano ngoli, uno ukonentu kapishi wa kehe uno. Ngoli vamwe kava kareranga vaKarunga vavipempa, nkene kuna kulya yino nyama kuyimona yira yakudjambera kuva Karunga vavintjwantjo. Liywi lyavo lyamumutjima makura kuvarondora nakuvapa ndjo. ⁸ Ndya kapishi ndo dakututwara pepi naKarunga. Nakuvhurashi kukombanita vyuma nkene upira kudilya ndi tuwanenepo vyuma nkene kudilya. ⁹ Ngoli takamitenu ashi umanguruki wenu kapishi mulimbike vamwe valipuro lyalisheshu vapunduke. ¹⁰ Ano ngoli nkene umwe ana kumono, ogho akarona ukonentu mumutjima, ove wa karo na ukonentu ngoli kuna kulya nyama muntembeli yava Karunga vavimpempa. Mulipuro lyendi lyalisheshu kuvhura awanenepo nkondo da kulya nyama ya kudjambera kuva Karunga vavimpempa ndi? ¹¹ Mukonda ya ukonentu wenu wakuhamena kuva Karunga vavimpempa, makura unyoye waliparo lyalisheshu, ogho afera Kristus, akombane mukonda yoye sha? ¹² Ngoli, nkene una djonene unyoye umuyuvhite kukora muliywi lya mumutjima wendi, unatura ndjo kwa Kristus. ¹³ Mpo ngoli shi, nkene shi ndya kuvhura dipukite unyande apunduke, Ame kapi nganilya nka nyama, manashi nganipukita vaunyande.