1
Jakobe a itsamaela, mme baengele ba Modimo ba bo ba na le ene.
2
Erile fa Jacoba a ba bona, a re, ''Jo ke bothibelelo jwa Modimo,'' jalo a raya lefelo leo leina a re Mahanaime.
3
Jakobe a romela barongwa go tsamaela kwa pele ga gagwe go ya kwa go morwaaragwe Esau mo lefatsheng la Seira, mo kgaolong ya Edome.
4
A ba laela, a re, ''Le tla raya mong wa me Esau le re: ''Motlhanka wa gago Jakobe a re, ''Ke ntse ke nna le Labane, mme ke diegile go boa go fitlhelelo gompieno.
5
Ke na le dikgomo le ditonki, le matsomane, malata a banna, le malata a basadi. Ke rometse molaetsa o kwa go mong wa me, go re ke bone tumelesego mo matlhong a ga mong wa me.''
6
Barongwa ba boela kwa go Jakobe mme ba mo raya ba re, ''Re ne re ile kwa go morwaarrago Esau. O etla go go kopantsha, mme o na le banna ba le makgolo a mane.''
7
Jalo Jakoba a boifa thata mme a kgopisega. Jalo a kgaoganya batho ba a neng a na le bone mephato e mabedi, jalo le letsomane, le dikgomo, le dikamela.
8
A re, ''Fa Esau a ka tla kwa mongwe wa mephato mme a o tlhasela, jalo mophato o mongwe o o setseng o tla falola.''
9
Jakoba a re, ''Modimo wa ga rre Aberahame, Modimo wa ga rre Isake, Jehofa, yo o ntheileng a re, 'Boela kwa lefatsheng la ga eno le kwa ditshikeng tsa ga eno, mme ke tla go tlhogonolofatsa.'
10
Ga ke a lekanela ditiro tsa gago tsa go dirafatsa kgolagano le botshephegi jo o bo diretseng motlhanka wa gago. Gonne ke tlodile Jorotane yo ka thobane fela, mme jaanong ke nnile mephato e le mebedi.
11
A tlhe o nkgolole mo seatleng sa ga morrwaarre, mo seatleng sa ga Esau, go nne ke a mo tshaba, go bo a ka tla go ntlhasela le bomma le bana.
12
Mme o ne wa re, 'Ka mmaaruri ke tla go tlhogonolofatsa. Ke tla dira ditshika tsa gago go nna jaaka motlhaba wa lewatle, o o ka se kakeng wa balwa.' "
13
Jakobe a lala foo bosigong joo. A tsaya bontlhabongwe jwa se a neng a na le sone go nna mpho ya ga Esau, morwaarragwe:
14
dipudi tse dinamagadi di le makgolo a le mabedi le tse ditonanyana di le masome a le mabedi, dinku tse di namagadi di le makgolo a le mabedi le diphefu di le masome a le mabedi,
15
dikamela tse di amusang di le masome a le mararo le bana ba tsone, dikgomo tse dinamagadi di le masome a le mararo le dipoo di le lesome, ditonki tse di namagadi di le masome a le mabedi le tse ditonanyana di le lesome.
16
Tseo a di naya mo diatleng tsa batlhanka ba gagwe, go ya ka fa di rulagantsweng ka teng. A raya batlhanka ba gagwe a re, ''Tsamaelang kwa pele ga me mme farologanye sekgele fa gare ga diruiwa.''
17
A laela motlhanka wa ntlha, a re, ''Fa Esau morwaarre a kopana le wena mme a go botsa, a re, ''O wa ga mang? O ya kae? Diphologolo tse di fa pele ga gago tse ke tsa ga mang?'
18
Jalo o tla mo raya o re, ''Ke tsa motlhanka wa gago Jakoba. Ke dimpho tse di iswang kwa go mong wa gagwe Esau. Bona, le ene o etla o re setse morago.''
19
Jakoba a fa mophato wa bobedi ditaelo, wa boraro, le banna botlhe fela ba ba gateletseng dikgomo. A ba raya a re, ''Le tla bua fela jalo lotlhe jaaka le tla bo le kopana le Esau.
20
Le lona lo re, ''Motlhanka wa gago Jakoba o etla o re setse morago.''' Gonne o ne a akantse go re, ''Ke tla mo itumedisa ka dimpho tse ke di rometseng ga pele ga me. Mme morago, fa ke tla go mmona, gongwe o tla nkamogela.''
21
Jalo dimpho tsa tsamaela kwa pele. Ene a lala bosijo jone joo mo bothibelelong.
22
Jakoba a tsoga go le bosigo, mme a tsaya basadi ba gagwe ba ba babedi, batlhanka ba gagwe ba ba basadi ba ba babedi, le barwaawe ba ba lesome le motso. A ba tlodisa molatswana wa Jaboko.
23
Ka tsela yone eo a ba tsamaisa go kgabaganya molapo ka tsotlhe tse a nang natso.
24
Jakobe a sala a le nosi, mme monna a tla go sokasokana le ene go fitlhelela masa aa sa.
25
Erile fa monna a bona a paletswe ke go fenya, a mo soka noka. Noka ya ga Jakoba ya losologa jaaka a ne a sokasokana le ene.
26
Monna a re, ''Ntlogele ke tsamae, go nne bosa bo sele.'' Jakoba a re, ''Ga ke na go go tlogela o tsamaya fa e se fela o ka ntshegofatsa.''
27
Monna a mo raya a re, ''Ke wena mang?'' Jakoba a mo raya are, ''Jakoba.''
28
Monna a re, ''Leina la gago ga lena go tlhola e nna Jakoba, mme e tla nna Iseraele. Gonne o gogagogane le Modimo le batho mme o fentse.''
29
Jakoba a mo kopa a re, ''Mpolelele leina la gago.'' A mo raya a re, ''Ke ka go reng fa o mpotsa leina la me?''
30
Jakoba a raya lefelo leo leina a re Peniele go nne o ne a re, ''Ke bonye Modimo ka sebele, mme botshelo jwa me bo gololesegile.''
31
Letsatsi la tlhabela Jakobe fa a feta fa Peniele. A bo a tlhotsa ka ntlha ya noka ya gagwe.
32
Ke sone se batho ba Iseraele ba sa je mesifa ya noka e e fa bokopanong jwa noka, ka go nne monna o ne a golafatsa mesifa eo e e neng ya losolosa noka ya ga Jakoba.