¹ Yesusi makura ta tundu ko ta zi kusitata sekulira lyendi varongwa usedi tava mu kwama. ² MeSabata ta tameke kurunga masinagoge. Sinzi sava va mu zuvhire va tetukire. Tava tanta asi, ''Oku ga gwana eyi yininke hena kupi?'' ''Ekotu musi yi va mu pa mwene ogu? ''Hena nomu a rugana rugan yitetu eyi ngapi?'' ³ ''Nani mwene ogu kapisi yige muhongi goyikungu munwa Mariya age hena mukurwa Yakopo naYosesi naJuda naSimoni? Nai kapisi vampanza vendi vaava twa kara nawo?'' Makura tava mu nyenge. ⁴ Makura Yesusi ta va tantere asi, ''Muporofete kapi ava mu paya, ntudi mositata soundambo nemekoro nemembo lyawo.'' ⁵ Opo kapi ga vhulire hena kuruganena po sitetu nampili simwe ntudi yuuyu yukukambeka vaveli vamwe mawoko va veruke. ⁶ Makura age kwa tetukire uhapuli wawo. Kutunda opo Yesusi ta gendagura monomukunda dopopepi a ronge. ⁷ Age kwa zigidire ava murongo navavali ta va tumu vavali navavali makura ta va pe nonkondo dokupangera nompepo donondona, ⁸ makura ta va pangere asi va ha pitura yuma va gende nayo munzira, ntudi mpago azi huru nonondya si, ntudi mpango si, noyimaliva si melimba- ⁹ ntudi vadware nonkgaku konompadi, hena ta va tantere asi mwa dwara yikoverero yivali. ¹⁰ Ta va tantere hena asi, Nkenye eli embo ngomu za, kareni moomo dogoro nou ngomu tunda mo. ¹¹ Nsense ngava dira kumutambura ndi va nyoke kumupurakena, pitakaneni oku tumu kukumuna mbundu konompadi deni yi kare umbangiwawo.'' ¹² Kutunda opo tava zi va ka uyunge asi vantu va litezurure. ¹³ Oku tavav tjida pokugwaveka vaveli nomagadi oku tava va rerura. ¹⁴ Hompa Herodesa nage ga mu zuvhire yeeyi edina lya Yesusi kwa fumanene. Vamwe tava tanta asi, ''Yohanesa mukuhwi ana pinduka koufe, yiyo dina kuruganena nonkodo edi mwendi.'' ¹⁵ Ano vamwe tava tanta asi, ''Eliya''. Nye vamwe hena asi, muporofete ngwendi vaporofeta vanare.'' ¹⁶ Apa ga yi zuvhire Herodesa ta tanta asi, ''Yohanesa ogu na teta mutwe, yige googo ga pinduka koufe.'' ¹⁷ Morwa Herodesa kwa tuminine Yohanesa va ka mu kwate va mu pandeke a ya ze modorongo mokonda za Herodiyasa (mukada mumbyedi Filipusa )ogu ga kwere. ¹⁸ Yeeyi Yohanesa kwa tanterere Herodesa asi , ''Nokuwapa si asi o guse mukada mumbyuge.'' ¹⁹ Ano Herodiyasa yipo nye nga mu lisa nomeho age ana hara asi va mu dipage, ²⁰ nye nomu si yeeyi Herodesa kwa tjilire Yohanesa morwa ga mu divire nawa asi muhungami, age mupongoki, makura ta mu kungu. Nkenye apa nga mu zuvhu tayi mu pe maudigu nye age kwa here kumupurakena. ²¹ Ano ezuva limwe Herodiyasa lya mu wapere pedano lyosipito sehampuruko lyaHerodesa makura zigida masimbi gende gomanene novapitisili woyita novanamadina womo Galireya va ya lye sipito. ²² Eyi pwa wiza munwagoogo Herodiyasa gomukadona a dane, Herodesa nava va kere kositafura tayi va hafesa makura Hompa ta tantere mukadona ogo asi, ''Hundira nge tupu nkenye eyi ono hara ni ku pe.'' ²³ Makuar ta mu ganene asi, ''Hundra nge tupu nkenye eyi, nani yi ku pa nampili ruha rumwe rountugi wage.'' ²⁴ Makura mukadona ta pwaga ta ka pura ozina asi, ''Yinke nani ka hundira?'' Nye ozina tava mu limburura asi, ''mutwe gwa Yohanesa mukuhwi.'' ²⁵ Age ta genderere usimbu kuza kwa Hompa ta mu tantere asi, ''Na hara mu pe nge ntaatani mutwe gwa Yohanesa mukuhwi porupasa.'' ²⁶ Makura Hompa ta guwu unene, nye morwamugano mvhongwa nongwa ava va kere kositafura tayi mu kumupatanena. ²⁷ Makura Hompa ta tumu usimbu mudipagi gwendi nepamperekedo lyokukareta mutwe gwaYohanesa. Gwina ta zi kudurupa ta ka teta Yohanesa mutwe. ²⁸ Ta gu simbire porupasa makura ta gu mu komukadona, mukadona nage ta va gu gava kozina. ²⁹ Varongwa vende apa va yi zuvhire, tava wiza va ya guse simpu sendi va ka si horeke montoko. ³⁰ Vapositoli kwa ya pongere kwaYesusi tava ya mu tantere nayima eyi va ka rugene neyi va ka rongere. ³¹ Makura ta va tantere asi, ''wizeni nyunelike kevega lyomaporeza makura pwizamuke kanunu.''Yeeyi vantu vanzi ngava wiza po oku tava tundu po, noruveze si rooru va gwena rokulya. ³² Makura awo tava zi mowato kevega lyomaporeza. ³³ Vantu wowanzi va va mwene awo tava ka za, awo hena va divire ou vana vyuka makura awo kwa gendere pevhu kutunda koyitata nayinye va ya hove kuyaponga po. ³⁴ Yesusi apa ga zaukire ta mono mbunga zonene, makura nkenda tazi mu gwire morwa awo kwa kere ngwendi nonzwi da hana musita. Makura ta tameke kuvarunga yoyinzi. ³⁵ Eyi lya gomboka tava mu wizire varongwa vendi tava tanta asi, ''Evega eli mapuku ezuva hena lina toko. ³⁶ Va ninka va ze va vhure kukalirandera nondya mwaza nomukunda nomambo. ³⁷ Nye age ta va limburura asi, ''Va peni ko one yokulya.'' Vena tava mu tantere asi, Tu ze nye tu ka va randere mboroto zonoranda nomurongo nne, ta ya va pe va lye ndi?'' ³⁸ Nye age ta va pura asi, ''Nomboroto dingapi muna kara nado? Komu ka di tara si.'' Tava ka di tara tava tanta asi, ''Ntano nonomfi mbali.'' ³⁹ 'Makura Yesusi ta tantere varongwa vendi va hingidike vantu tumbungu- tumbungu powayi wafoko- foko. ⁴⁰ Makura vantu tava hingire motumbunga tomafere mafere nonomurungo ntano- ntano. ⁴¹ Age ta gusa nomboroto odo ntano nonomfi odo mbali, ta ligamenen keguru ta pandura guhwe ta ttagura nomboroto ta di pe varongwa vendi va di gavere vantu nonomfi mbali nado ta di va gavere. ⁴² Makura navenye tava li tava kuta. ⁴³ Ta va gosa usesu usesu zo nomboroto oo wa hupire ko tava u pongaike yikumba murungo nayivali tayi zura nokonomfi nako kwa hupire. ⁴⁴ Ava va lire nomboroto odo kwa kere vagara mayovi gatano. ⁴⁵ Kutunda opo Yesusi ta kanderekeda varongwa va perame mowato va rate mesinya koBetesaida siruwo esi ana kutuma mbunga zi tengauke kwawo. ⁴⁶ Eyi ga mana kuvarekere va ze ta rondo kondundu a ka kanderere. ⁴⁷ Konguruva wato mpouli pokatji kehanza lyekurudiva, age gelike koze zediva. ⁴⁸ Nye apa ga mwene asi tava mono udigu mokuduga morwa mankupi go mpepo ngurangura ta va wizire age ta gendi kontunda zomema. Age kwa here asi a va pitakane. ⁴⁹ Apa va mwene ta gendi pekurudiva kwa gazarere asi sinkisauke makura tava litakumine unene, ⁵⁰ Yeeyi navenye va mu mwene makura tagu va pwaga. Nye age ta uyunga tagu va pwaga nye ta uyunga nawo ta va tantere asi, ''Gu mu dame tupu! Nyame nwa ha tjira!'' ⁵¹ Makura ta perama nawo mowato, mpepo tazi litura. Vena kwa tetukire unene neise va tanta va diva. ⁵² Yeeyi kapi va kwete egano lyositetu sonomboroto morwaukukutu wonomutjima dawo. ⁵³ Awo makura tava rutu mesinya tava wiza moGenesareta yimo va ya hegekere. ⁵⁴ Kwa zauka tupu mowato, vantu nare vana mu dimbururu, ⁵⁵ awo makura tava tjirana mwaza mukunda va mu retere vaveli awo poyintali nkenye oku va zuvhire asi yiko ana kara. ⁵⁶ Nkenye oku ga zire, monomukunda nomoyitata ndi momambo, ngava tura vaveli pomarandesero. Oku tava mu hundire asi a va sige va gume nampili kumukunkuro gosi koverero sendi, makura navenye ava va mu gumine tava veruka.