¹ Momazuva ogo apa va kere po vantu wovanzi, awo hena kapi va kere nonondya dokulya yipo ga zigidire Yesusi varongwa vendi a va tantere asi, ² ''Ame zina gwire nge nkenga kombungo ezi morwa mazuva gatatu nye vana kara yoku lya. ³ Ano nsene ni va ninka va ze ngodoopo nonzara zawo komambo tava fire sikatji yeeyi va mwe kav a tundire koure.'' ⁴ Makura varongwa vendi tava mu limburura asi, ''Oku nayi tunda yokukutika ava omu momburundu?'' ⁵ Makura ta va pura asi, ''Nomboroto dingapi muna kara nado? Ta va ninke si, ''Ntano- nambali.'' ⁶ Makura ta tantere mbunga zi hingire pevhu. Ta gusa nomboroto edi ntano- nambali ta pandura Karunga ta di tetagura.Makura ta di pe valirongwa vendi va di gavere mbunga. ⁷ Va kere hena nonomfi di mwe ta panisura guhwe ta di ya pe va di gavere nado. ⁸ Awo makura tava li, tava kuta. Ruhupwa tava rupongaike, taru zwida yikumba, yitano-nayivali. ⁹ Ano ava va kere po mayovi gane. Makura ta va rekere va zaaze. ¹⁰ Kutunda opo ta perama mowato kumwe novarongwa vendi makura tava wiza momukunda qwaDalimanuta ¹¹ Makura vaFalisayi tava mu wizire va ya lipatane nendi tava mu pura sidiviso semeguru va mu tarere po. ¹² Makura age ta likumida komutjima oku ta pura asi, ''Vene vantu ava ntani yinke vana kudovaukira sidiviso yosili? Ame tani mu tantere asi, vantu va ntani narumwe si ngava va pa sidiviso kutunda.'' ¹³ Opo ta va sigi ta ka perama hena mowato a ze mesinya mwina. ¹⁴ Awo kwa divarere kusimba nomboroto. Zimwe tupu va kere nazo mowato. ¹⁵ Makura age ta va rondora asi, ''' Takameseni oku tomu nomene hingo zo vaFalisayi nezi zaHerodesa.'' ¹⁶ Awo tava lipura vene navene asi, '' Yininke eyi yeeyi tuda pili nomboroto.'' ¹⁷ Yesusi ta yi nongonona ta vapura asi, ''Morwasinke muna kulinungangwira yokupira nomboroto? Nani kapi muna kuyizuvha? Nani hamwa kereka nonomutjima deni dononkukutu? ¹⁸ One kwa kara no meho, nye kapi omu mono? Yiyo hena mwa kara nomatwi, nye kuzuvha mpaga? ¹⁹ Nani kapi muna kodiworoka? Apa na tetagwilire nomboroto ntano vantu mayovu gatano, nani yikumba yingapi yoruhupwa ya zulire oru mwa toragwire?'' Awo tava mu limburura asi, Murongo nayi vali.'' ²⁰ Ano a pa na tetagwilire npmboroto ntano- nambali vantu mayovi gane, yikumba yingapi ya zulire korohupwa eyi mwa toragwire?'' Awo tava limburura asi, ''Yitano na yivali.'' ²¹ Makura Yesusi ta va pura asi kuzuvha ko simpe yinke nye?'' ²² Awo kwa wizire ko Betesaida makura tava tarere Yesusi mugara go kutwika taka mu lihenge a mu gume. ²³ Age makura ta kwata mutwike kokuwoko,ta mu pwagesa ponze zositata, ta mu fizire momeho gendi o ku ta mu kambere kuwoko, mu pura asi to mono yuma ndi? ²⁴ Gwina ta kankuka ta tanta asi ,''tani mono vantu kulikoha ngwendi yitji yina kugenda.'' ²⁵ Katunda opo yesus ta mu kambere hena mawoko komeho ,makura ta mahuka, ta veruka o ku ta mono nawa-nawa. Makura ²⁶ Yesusi ta mu tumu kembo lyawo ta mu tantere asi, '' wa ha pita tanko mositata.'' ²⁷ Makura Yesusi novarongwa vendi tava zi konomukunda Sakesareya Filia. Monzira ta pura varongwa vendi asi, ''Omu ava tumbura age asi nyame yilye?'' ²⁸ Vena tava mu limburura asi, ''Yohanesa mukuhwi,'' ano ava vamwe asi, 'Eliya,' hena vamwe asi 'Gumwe govaporofete ngoso.'' ²⁹ Makura age ta va pura hena asi, ''one nye omu o mu tumbura age asi nyame yilye?'' Peturusa ta mu limburura asi, ''Ove va rondora sankondo nkondo va ha ka yi tantera vantu. ³⁰ Makura age ta va rondora sankondo nkodo va ha ka yi tantera vantu. ³¹ Yesusi makura ta tameke kuvaronga asi kumutambura masimbi novapristeri wovanene novalirongi womatjingwa hena ngava dipaga, ano asene ngapa pita mazuva gatatu nga. ³² Nonkango adi age kwa di va tanterere moyipafi. Makura Peturusa ta mu gusa a mu tware pompengi ta mu kuyauka. ³³ Ano age ta piruka tare varongwa vendi, ta kuyauka Peturusa ta tanta asi, ''lipora ko konyima zange, Satana! Yeeyi ove kapi ono kugazara yakarunga, yo vantu ono kugazara.'' ³⁴ Yesusi eyi ga zigira mbunga zi ponge kumwe nova rongwa vendi ta va tantere asi; ''Ogu ga hara kukwama nge a lidine mwene,a damune silivindakano sendi a kwame nge. ³⁵ Yeeyi ogu ga hara kupopera mwenyo nyendi nga gu zumbanesa nye ogu a zumbanesa mweno gwendi mokonda zange no mbudi zongwa yiye nga gu paruka. ³⁶ Yinke ayi kwafa muntu yokuweka uzuni mudima nye mwenyo goge to gu zumbanesa? ³⁷ Ndi yinke a vhuru kugava muntu, a zowese ko mwenyo gwendi? ³⁸ Yeeyi nkenye ogu a lifu nomuga nononkango dange movantu ava varutezanonkwara wononzo, munwaMuntu nage ka mu fisa nomuga, apa nga wiza mouyerere waGuhwe novaengeli wokupongoka.''