¹ Makura tava kavera mesinya mwina lyekerudiva mosirongo so Vagerasai. ² Tupu ga tuda Yesusi mowato, ta mu simbagwire mugara ogu ga tundililire monontoko doma mamanya age kwa kere nompepo zodona. ³ Age kwa tungire monontoko. Nagumwe si nga vhura kumumanga nampili nomauketanga. ⁴ Rorunzi ngava mu pandeke komaguru nokomawoko nye yipandeko yokomawoko ta yi ndembagura ano yokomaguru ta yi myanga. Nagumwesi ga mu fundire. ⁵ Nkenye apa masiku nomutenya nga tendaganene monondundu nomonontoko oku ta ligeragura mwene nomamanya. ⁶ Kwa mono tupu Yesusi kookwina nare a na vhunduruka a mu dukire, ta ya mu gwire komeho zendi. ⁷ Oku ta takuma nezwi lyenene asi, ''name nove hena pwasinke Yesusi, mumwa Karunga gekeguro-guru? a me tani ku ganangeda kwa Karunga wa ha hepeka nge.'' ⁸ Age kwa yi uyungire, morwa Yesusi kwa zi uyungire asi, ''Ove mpepo zodona pwaga mo momugara ogu o ze.'' ⁹ Makura ta zi pura asi, ''nyovelye?'' Azo tazi mu lihege unene asi, '' ¹⁰ Nyami mbunga, morwa o se tu vanzi.'' Makura tazi mu lihenge unene asi ga na di tjida mo mosirongo. ¹¹ Porwanondundu pwa kere uyanga woyinguru una kulya po, ¹² makura nompepo tadi mu lihenge asi, ''Tu siga tu hwilire moyinguro.'' ¹³ Makara ta di pulisire, ado tadi pwaga mo tadi hwilire moyinguru makura utanga wokusika pomayovi gavali ngoso, tau rundumiki re, ta u fu mema. ¹⁴ Makura vasita vayo tava tjwayukire kositata nokonomukunda va ka dimbwire vantu makura vantu tava puko, va ka tare eyi yina horoka. ¹⁵ Eyi va wiza pwa Yesusi va tare ogu ga kere nombunga zonompepo donondona go go a na dwara, nonondunge dendi makura vasita vayo tava pwaga. ¹⁶ Ava va yi mwene tava va sansekere a mu ya gendere yomunampepo zondona neyi yoyinguru. ¹⁷ Makura tava mu kanderere asi a tunde mo mosirongo tava mu kanderere asi a mo mosirongo sawo. ¹⁸ Nye Yesusi apa ga peramene mowato, mugara ogu ga kare nonompepo donodona, ta mu likwabere a kare ngano pwendi. ¹⁹ Nye age kapi ga yi mo tere eho ta mu tantere asi, ''Zende kembo kovakweni o ka va tantere sikurarugana esi a na ku ruganene Hompa, nomu a na ko fire nkedo.'' ²⁰ Kutunda opo ahe ta zi a ka sansaike mosirongo so yitata muronga nayinye eyi ga mu ruganena Yesusi makura navenye tava tetuka. ²¹ Eyi ga va hegekera hena Yesusi wato mesinya mwina, nkurumbunga tazi ya mu pongere age konotere dekurodiva. ²² Makura tapa wiza se runguo gedina Jairusa, kwa mu muna tupo makara ta mu gwire konompadi dendi. ²³ Oku ta mu kanderere unene asi, ''Mumwange gomukadi ta hara kufa.Ta ne ku kanderere wiza o ka mu kambeke e wogoko makura ta veruka age a paruke.'' ²⁴ Makura Yesusi ta zi nendi, a no mbunga zonene tazi mu kwama ta zi mu mbilikida. ²⁵ Pwa kere mukadi ghurohonda ga ru verere nomvhura murongo nombali. ²⁶ Nga hepa unene kononganga oku lya pwilire lyendi nye ngwedi ehamba kolisangumona. ²⁷ Age kwa zuvhire ya Yesusi makara ta pene e tanga, kwata kosikoverero sendi nyame kaveruka. ²⁸ Morwa age kwa gazarere asi, '' Sinene tupu ni guma nompili kosikoverero sendi nyame kuveruka.'' ²⁹ Naruvali si ntundliro zohonde zendi na re zina siti, makura ta lizuvhu asi a na veruka. ³⁰ Makura Yesusi eyi ga lizuvhire asi nonkondo ta pura mbunga asi, '' Ogu a na humu nge koyikoverero yilye?'' ³¹ Varongwa vendi tava mu limburura asi, '' Amesi o no mono mbunga o mu zina ku umbuinye simpe tupu hena o pura asi, '' Yilye ogu a nagumu nge koyikoverero?'' ³² Makura ta vanza a mone ogu ana yi rugana. ³³ A no mukadi ogu kwa kere nehuhwe noutjiwe mokulidiva eyi ya mu horokerere asi, yisinke. Ta wiza ta ya mo gwire mevha oku ta mu tantere nawa-nawa nayinye. ³⁴ Nye age ta mu tantare asi, '' munwange epuro lyoge lina ku parura zende mombili. Ove hena o veruke koodigo woge.'' ³⁵ Yesusi age simpe kuna kuuyunga, makura ta tantere mwenyasinagoge, asi, '' Tava tanta asi munoge ana dogoroka yinke hena o no kurorwera murongi?'' ^{36 38} Nye Yesusi nombili si konkango ezi vana kuuyunga, makura ta tantere mwenyasinagoge asi, gwa ha ku pwaga. Pura tupu.'' Kutunda opo nagumwe si ga ninkire a ze nendi ntundi o Peturusa na Jakopo na Johanesa, mumbya Jakopo velike. ³⁷ Eyi ga wiza ngeso membo lyamweyasinagoge, a tare yizo sa ndjorongani, vantu kuna kukwenauka, tava lili. ³⁹ Kwa hwilira mo tupu ta va tantere asi, eyi muna kuzogomokera oku tomulili yinke munona kapi ana dogoroka? Kuna rara tupu.'' ⁴⁰ Awo nye tava mu zoro sirungu. Nye age tava tjida mo navenye vapwaga ta gusa guhvamunana nazina nava ga wizire nawo nawo makura ta hwilire o mu ga ke re monona. ⁴¹ Age makura ta gusa ewoko konunona oku ta mu tantere asi, ''talita, kumi!'' kuninka asi, ''mukadona komunona, oku ta mu tantere asi, pinduka.'' ⁴² Naruvali si mukadona nare a na pinduka kuna kugendagura (yeeyi age gonomvhura murongo nambili ga kere). Yeeyi ta va tetuka unene. ⁴³ Nye awo ka pe sitetu age ta va pamperekede yi dire kudvi kwa komuntu. Hena ta va tantere va mu pe nondya a lye.