¹ Yesusi ga ninka ta ka rongera hena vantu kekurudiva. Emukurumbunga makura tali ya mu pongere, yipo nye ga peremene mowato a ka kare porwehanza lyekurudiva. ² Ano mbuga nazinye azo konontere dekurudiva. Age ta va rongo yininke yoyinze moyifanekeso, po kuvaronga ta va tantere si. ³ Purakeneni! mukuni gumwe kwa zire a ka kune. ⁴ Ngwena a na uyunga a si, makura yidira tayi wiza yi ya zi lye. ⁵ Zimwe tazi gwire pigurumanya zi dire kugwana evhu lyezuni. Naruvali a si na re zina mene morwaasesa wevhu. ⁶ Apa lya hanzurukire ezuva tazi suwu morwakupira nondandani, tazi kukuta. ⁷ Zimwe hena tazi gwire momega. Makura ogo mega taga noko tazi fi mpatu, makura kapi za yimine. ^{8 9} Ezi mbuto zimwe tazi gwire pevhu lyewa tazi mene tazi kuru tazi reta nondanda nomurongo ntatu nonomurogo ntano, nazinwe nefere.'' Makura Yesusi ta tanta asi, ''ogu ga kara nomatwi gokuzuvha a zuvhe.'' ¹⁰ Yesusi apa ga kere gelike, tava mu pura ava va kere nendi nava murongo navavali yokuhamena sifanekeso. ¹¹ Age makura ta va tantere asi, ''one va mu pa nondunge dokukwata egano yo untungi ya Karunga. Ano vapeke ava va dira kuuhamena nayinye kuyivafanaikira ntani, ¹² komeho ngava yi mona, komatwi ngava zuvhisa nye kapi ngava yi kata egano va ha litezurura va dire kuvagusira po nonzo dawo.'' ¹³ Tava tantere asi, ''Nani kapi muna siki po pwesi sifanekeso esi? ¹⁴ Ee ngapi nye omu ngomu kwata egano yisefanekeso no?'' ¹⁵ Mukuni ta kunu nkango.Wopoyiha yonzira apa va kunine nkgango vava ava zi zuvhu, Naruvali si satana ta wiza ta ya gasa mo nkango dawo. ¹⁶ Va kare ava va kunine pounzi pe manya, nawo ngosikwawo, popo va zuvelya nare vana zi tambura nehafo. ¹⁷ Nye va pira nondandani, awo woKarunga tupu kutuda opo si phe udigu ndi ehepeko lina tamba ezi nkango, nare vanagu. ¹⁸ Nye ava va kunine momega. Vaava ava zuvhu nkango, ¹⁹ makura yinka youzuni nekumbagero lyemona nomadowo goyininke nayinye peke tayi wiza mo tayi sini nkango makura zi dire kurera mbuto. ²⁰ Ano nye ava kunine pevhu lyewo ava zuvhu nkango, tava zi tambura tazi reta nondanda, nomurongo ntatu, nomomurongo ntazinwe nefere. ²¹ Yesusi ta va niki si, ''nsene va mu retera ramba nani ta zi swike sihemere ndi a zi ture monda zouro? Nani kapisi pontunda. ²² Yeeyi kutupu esi sa horama ngasi dira kuhoroka, hena kutupu esi sa vanda si dire kuwiza poruzera. ²³ Ogu ga kara nomatwi gokuzuvhu a zuvhe!'' ²⁴ Yiyo hena Yesusi ga va tantere asi, '' Takameseni kweyi mun kuzuvha, heteko ezi omu hetekesa none yizo gava mu hetekera, none yizo ngava mu hetekera makura ngava mu gwederera ko hena. ²⁵ Yeeyi ogu ga weka, ngava mu gwederera ko, ano ogu ga dira kuweka ngava mu gusa neyi ga weka.'' ²⁶ Yesusi kwa uyungire hena asi, ''Untungi wa Karunga ngesi wa kara moomu tupu a kunu muntu mbuto mepya. ²⁷ Makura ta rara na ninka ta pinduka masika nomutenya azo mbuto kuna kumena tazi kura a dive ko nye omu ayi gendi mpaga. ²⁸ Eyi ayi ninkisa mbuto zi yime evhu lyene: pomuhowo ruhatji, ntani matwe, ntani nye momutwe nondanda dene-dene. ²⁹ Nsene mbuto zina pi, ta tameke kuteza yeeyi muzangu guna siki mo.'' ³⁰ Makura ta tanta asi, ''Kosinke natu fanekesa untungi wa Karunga, ndi sifanekesa musinke natu gusa tu a tantese? ³¹ Awo kwa lifana nombuto zomostareta ezi za nunupilire po konombuto nadinye depevhu. ³² Apa ava zi kunu, kumena tazi kuru kupita marudi goyihaperera nayinye, makura tazi paka nomutayi dononene, dogoro yidira yekeguru tayi ya tungu yikorongo momundwirw gwazo.'' ³³ Noyifanekeso yoyinzi yangesi Yesusi nga va udirise nonkango da Karunga, moomu va vhulire kuyikwata egana, ³⁴ nye kupira yifanekeso kapi nga va udisire, nye pompengi, ga singwenene varongwa vendi nayinye. ³⁵ Ngurova ezuva olyo Yesusi ta tantere varongwa vendi asi, '' Ninkeni tu ruteni mesinya mwina.'' ³⁶ Makura tava sigi mbunga zi, nye age tava mu pitura mowato ou ga peramene nomawato gapeke nago kwa zire. ³⁷ Makura emukurundungu tali pinduka, mankupi kuna kuhompaukira mowato, dogoro tau hara kuzura. ³⁸ Nye age kwa kere korwekadi iyowato, age ana ponyoka kuna satere pomusato. Makura tava mu nyungu a pinduke, tava mu pura asi, '' Murongi nani ove nombili si tu lifire sa tupu?'' ³⁹ Makura age ta pinduka ta popi mpepo, ta kava efuta asi, ''mwena! mwena tee!'' Azo mpepo tazi litura, tazi mwene tee-tee. ⁴⁰ Makura ta va pura asi, ''Eyi guna mu pwagere ngoso yisinke?'' Nani simpe hamwa pilira epuro?'' ⁴¹ Makura ukurutjirwe tau va kwata, tava lipuragere vene navene asi, ''Yilye mwene ogu no, ogu ayi limburuka nompepo nefuta lyeeli?''