¹ Kristusa kwa tu mungurura asi, walye omo lisigilire hena mu ze mondjoko zoupika. ² Tareni a me Paurusa tani mu tantere asi, nsene mu lisigilira va mu rigane yovamba, Kristusa sikwafo kweni. ³ Eyi tani mu pamperekedere unene asi, ogu nava rugana yovamba, nkenye eyi za tanta veta a yi sikise mo ntani. ⁴ One ava mwa hara asi zi mu hungameke veta, kwa Kristusa mwa tunda ko, yoyi mwa ligusa mo moufenkenda wa Karunga ⁵ Ose ko nye kuna hugavara asi Karunga nga tu hungamekesa ko mpepo ezi azi rugana mepuro lyetu. ⁶ mwa Kristusa va ku rugane yovamba ndi va dire kutikurugana, yiyo tupu sosinene po epuro eli ali reta eharo. ⁷ Nare ngomu rugana nawa yilye ogu ga mu nyokesa kulimburukwa kousili? ⁸ Eyi kapisi asi Karunga ogu ga zigida yige ga rugana! ⁹ Yihahesogona kuhahesa yiduva mudima. ¹⁰ Ame kuna mu huguvarere mwa Hompa asi, mwa ha kara nomagazaro nagopeke nye nkenye ogu ana kumupukisa mpanguro za Karunga a na kumupukisa mpanguro za Karunga ana kulikokera, nampili a kare asi yige yilye. ¹¹ Ano ame ko nye no nsene asi simpe yovamba nina koudisa, kuhepekera nge hena yinke makura eudiso hange hosilivindakano sa Kristusa ngano nokureta si udigo. ¹² Ani owo vana kumupiyaganeka ngoso, ngano tava lirutura vene! ¹³ Vakwetu, one kwa mu zigidira emangurukanye kapisi emanguruko lyokusigilira madowo geni ga pangere, nani nye omu likwafa-kwafe meharo. ¹⁴ Yeeyi veta mudima kwa zi pakerera mo mosipango esi asi '' o hare mokweni moomu wa lihara naumoge''. ¹⁵ Nsene mo lihumagura oku tomo lilyaalya takameseni,mwa ha limanapo. ¹⁶ A me kuna kutanta asi, omo sige mpepo za Karunga zi mu pitisire mudire kusikisa mo madawo gopaunstwe. ¹⁷ Madowo gorutu kwa lilimba nompepo nazo kwa lilimba nomadowo gorutu, eyi yavali kwa likwatera sikore, kuninka asi eyimwa hara kurugana nokuvhura si hena kuyirugana. ¹⁸ Ano nsene zi mu pitisira mpepo, one nokokara si hena mepangera lyo veta. ¹⁹ Yirugana ya lihorora ayo yiyo :ruhonda,norukehe,nokudira kukuruka, ²⁰ nokukerera vakarunga woyimpempa, noumpure, noumbudi, nomaligaunuko, motumbunga, nomonombugs, ²¹ nomfudu nounkorwe, nomadipago, noyipilo yomakurulya, nayimwehenayangoso, tani mu rondora moomu na mu eyi, kapi ngava kaza mo untongi wa Karunga. ²² Nye yiyimwa yo mpepo eharo, nehafo, nombili, nezaverero, nounongo moowa, noulimburukwi, ²³ nougomoki, nelipangero; eyi yangesi veta kapi zayi silika. ²⁴ Ava va hama kwa Yesusi Kristusa kwa pampara kosilivindokano yikara yawo yopaunsitwe noruho nomadowo gawo nagenye. ²⁵ Nsene asi mpepo za tu pa mwenyo gomupe, azi tu pitisire nye moukaro wetu. ²⁶ Walye a tu papareni efumano lyoyimpempa ndi tu kare nousindidi ndi nomfudu.