1
Vakwetu, nsene pa kara ogu ana kupuka one ko ava mwa kara nompepo tomu mu pukurura nye kuyirukana ponkedi zongwa kulitakanesa hena naumweni neise ga mu gwana mautekero hena none.
2
Omu lizakagure nomudigo deni, mu sikise mo veta zaKristusa.
3
Yeeyi ogu a gazara asi age yigepo nye age nye ga hana mutumpo, ogu mwene tupu a likumbagere.
4
Nye nkenye ogu a kona-kona yirugana yamwene, ntani nye a lifumaneke mwanwene kapisi a fumaneke namukwawo.
5
Yeeyi nkenye ogu kusimba udigo gwendi.
6
Ogu ava rongo nonkango daKarunga a pe ko murongi gwendi koyininke nayinye yayiwa eyi ga kara nayo.
7
Walye omu likumbagere, Karunga kapi a lutarere asi va sense yeeyi nkenye eyi a kunu muntu, yiyo nga zangura yooyo.
8
Ogu a kunu mepya lyo sinarutu rwendi nga zangara ezonauko nye ogu a kunu mepya lyompepo nga zangara mompepo mwenyo gwanarunye.
9
Walye atu rorokeni kurugana uwa, yeeyi nsene tu dira kudwapa, ngano ngatu ka sika ko komuzangu.
10
Ano paapa tuna kareni nosiruwo, atu ruganeneni navenye uwa, unene po vapuli vakwetetu.
11
Tareni mamundanda gumamunene aga ngomu ya resa nokuwoko kwanyamwange na ga tjanga.
12
Ava va hara efumano lyapa pevhu yiwo vana kumusininika asi va mu rugane yovamba. Egano lyawo lyeli asi va dire kuvahepekera silivindakano saKristusa.
13
Yeeyi vane owo asi yiwo va rugana yovamba kapi ava sikisa mo veta, awo kwa hara tupu asi va mu rugane yovamba one makura awo ngava gwanene mo efumano mweni.
14
Kombinga zange ko ame yokulifumadekera ntudi yosilividakano saHompa gwetu Yesusi Kristusa, esi sa ninkisa uzuni u fe kombinga, name kombinga zouzani.
15
Muntu nampili kuna mu rugana yovamba ndi va dire kumurugana yovamba katupu mbudi sosinene po sokumusiturura a kare muungwa gomupe.
16
Ava ava kwama mpangera ezi mbili nonkenda ngazi kare nawo, nomuhoko mudima gwa Karunga.
17
Katunda apa pa ha kara hena ana kugwederera koudigu wange, yeeyi yivadi eyi yina kara nge yiro ayi gwaHopmpa Yesusi.
18
Hompa gwetu Yesusi Kristusa a mu fire nkenda, vakwetu. Amen