¹ Ano tani mu tantere asi: nsene asi mupingi simpe munona kapi va livhura nomupika, nampili akare asi yige mupingi gwanayinye. ² Age kukara mepangero lyovareli novagendesi dogoro nekezuva eli ga mu pangera guhwe. ³ Yimo ngorooro twa kere nose mounona wetu pampepo, ose kwa heme koupika wonompepo edi adi pangere mouzuni. ⁴ Apa sa sikire mo siruwo, makura Karunga ta tumu munwendi, Age mukadi ga muhamurukire, nga sikisa mo veta. ⁵ Asi a huture ava azi pangere veta makura o se vatunige tukare vana va Karunga. ⁶ Morwa one mu vana, Karunga yiyo ga tuma mpepo za munwendi monomutjima dini ezi azi zigida asi, ''Tante, Tate.'' ⁷ Ano mwa Karunga one kapi si mu vapika hena, nani nye mu vana mwa kara. Ano nsene asi mu vana, mu vapingi hena va Karunga. ⁸ Gazareni asi, apa mwa dilire kudiva Karunga, kwa kakaterere konompepo dopaunitwe edi da hana asi vaKarunga. ⁹ Ano ntaantani ngomu muna diva Karunga ndi ni tante asi,Karunga ana mu diva yinke hena nomu tengwira konompepo da hana nonkondo ado da hana mutompo, edi ngomu ruganene nare, mu kare vapika vado. ¹⁰ One kukoneka mazuva nomakwedi noyiruwe nomalima! ¹¹ Ame kutjira mweni asi moamwe noyiruwe eyi na mu ruganena kapi ya mu kwafa yuma. ¹² vakwetu,rukusi nina kwata, kareni ngwendi nyame yeeyi name hena nge kara ngwendi nyone. One kapi mwa rugana nge yentu yoyidona. ¹³ Mwa diva asi eyi na mu udisira mbudi zo ngwa muhowao yeeyi ngani vera_vera. ¹⁴ Kapi mwa dinine nge ndi mu nyoke nge. Nampili ngomu kwa mureterere kuyova kwange udigu, nye kwa tambwire nge moomu ava tambura muengeli ndi ngwendi Yesusi Kristusa mwene. ¹⁷ Owo vakwavo kuna kumarugana momuwa unene, nye kapisi megazaro lyewa; kuna hara va mu tonye ko kwange. Nkumwe ngomu va wapeke awo unene. ¹⁸ Yiwa kukara mupampi mweyi yoyiwa, nye kapisi nange ponili ntani. ¹⁹ Vana vange, moomu a zuvhu mukadi kukora pokuhampuruka name yimo hena nina kumuhepera dogoro noku ngasi moneke mweni sinhwi saKristusa. ²⁰ Ame kuna hara asi ngamo pweni nina kara ni rundurure magazaro gange gokumuhamena, yeeyi ame kapi nina diva omu nani mu rugana. ²¹ One a va mwa hara kukara konhi zo veta, tani mu pura asi eyi azi tanta veta kapi omu yi zuvha ndi? ²² Matjangwa kwa tanta asi Abirahamu kwa kere novana, gwapwamukadendi mwenge mwene. ²³ Munwendi gopomupika kwa mu hampurukire moomu ava hampuruka navenye, nye ogu gwapwamukadendi metumbwidiro lya Karunga va mu hampurukire. ²⁴ Eyi kuvhura kuyigusa yi kare sifanekeso, ava vakadi va vali magwane kera gavali. Limwe kwa tundilira urundu zaSinayi nye alye muhampuruki govapika. Age vige Hagara. ²⁵ Age Hagara kusikamena urundu zaSinayi zo mo Arabiya; age kuliza na Yerusarema zantaatani yeeyi azo kwa kara moupika rambanga ko novantu vawo novenye. ²⁶ Nye Yerusarema zekegura za manguruka, azo yizo zinyetu. ²⁷ Yeeyi kwa tjanga asi,''ove mukadi gonganze wa dira kureta; rumwe hafa lilida unene nampiti ngoma o dili kuzegama yeeyi mukadi goudike nga kara novana wovanzi a pitakane gokukwara'' ²⁸ Vakwetu, one mu vana vakarunga vemetumbwidiro, nawa-nawa ngwendi Isaka. ²⁹ Moomu tupu ya kere posiruwo oso napaapa yimo asi ogu va hamparukire moomu a va hampuruka navenye a nyenge ogu va hamuruka pampepo. ³⁰ Omu gana kutanta matjangwa ngapi ?ago kutanta asi,'' tjida mo mupika namunwendi yeeyi mupika kapi a pinga nomuna gwamukadendi namunwendi yeeyi mupika kapi a pingi nomuna gwamukadendi mwene-mwene ogu ga manguruka.'' ³¹ Yimo nye vakwetu, ose kapisi vana womukadi gomupika na ni nye ose vana wopomukadi ga manguruka.