1
Nu ami mba muna o Ndjona tjija patururire rumue ruotujano, nu mba zuvire tjimue tjotjinamuinjo mbio vine tjimuna eraka rombura, amatjitja, ''Indjo!''
2
Ami mba tara, nu e munu, okakambe okavapa. Nu ingui omukekavire uari nouta.Nu eje ua perue ekori rouhona. Nu eje ua kaendere otjo mutone nokutja aka tone.
3
Nu Ondjona tjija patururire orujano orutjavari, ami mba zuvire otjinamuinjo otjitjavari amatjitja, ''Indjo!
4
Nu pa pitire okakambe okakuao, okaserandu. Nu pa jandjerue komukavire uako oku isamo ohange mouje, nokutja ovandu ve zepasane. Nu omukavire ingui kua jandjerue engaruvio enene.
5
Nu Ondjonatjija patururire orujano orutjatatu, ami mba zuvire otjinamuinjo otjitjatatu amatjitja, ''Indjo! Nu ami mba muna okakambe okazorondu, nu ingui omukekavire uari notjisaneke meke re.
6
Nu mba zuvire eraka mokati kovinamuinjo imbio vine amaritja, Okajatu kovikokotua otjipeni, oujatu utatu uombarii otjipeni. Nunguari ohihamisa omaze uomininga nomavinu.''
7
Nu Ondjona tjija patururire orujano orutjaine, mba zuvire eraka rotjinamuinjo otjitjaine amaritja, ''Indjo!''
8
Ami mba muna, okakambe okarovazu. nu ena ra ingui ngua kaviririre ku ko uari Ndiro, nu Tjovakoke ua kongorerere kombunda je. Nu va perue ouvara ko orupa rumue mo tupa tune tuehi, oku zepa nengaruvio, nondjara, no mutjise, nondiro jo vipuka vio kuti viehi.
9
Nu Ondjona tjija patururire orujano orutjatano, ami mba muine ominjo via imba mba tiririre Embo ra Mukuru, no mahatoiriro ngu va karere nauo, aviri kehi jezuko rombunguhiro.
10
Nu ovo va ravaerere neraka romasa amavetja, ''Mape kara nai nga rune, Munauvara kombanda ja avihe, omujapuke nomunauatjiri, kutja u pangure nu u sutise ombindu jetu ku imba mba tura kombanda jehi?
11
Nu auhe vavo kua jandjerue ozombanda ozombapa ozonde, nu kua zire nai kuvo, kutja ngunda ngavi undje okaruveze okasupi rukuao, nga otjivarero tjovakarere tjimuna vo novakuao, imba mbari pookuta tjimuna vo, tji tja jenenisiua.
12
Nu Ondjona tjija paturura orujano orutjahamboumue, mba tarera nu pa karere omanjinganjingiro omanene uehi. Nu ejuva ra zorerere tjimuna ekutu ezorondu romainja, nu omueze omukondoroke aukara tjimuna ombindu.
13
Nu ozonjose zejuru za uira kombanda jehi, tjimuna omukujumbua tji u pukumuna omakuju omangura tji ua kurakurisiua ijo tjivepo otjinamasa.
14
Nu ejuru ra zapere tjimuna embo orumangua, tji ra mangua. Nu ondundu aihe nomakoverua ja isaperue potuveze tua uo.
15
Nu ozombara zehi novandu ovanandengu, noviuru viovasorondate, no vatumbe, novanamasa, na kaani auhe, novitikiha avihe novakutuke avehe vaka tarere mozondimba na momaue uozondundu.
16
Nu ovo va tjere nai kozondundu na komaue,''Uiree kombanda jetu! Nu tu horekee komurungu ua ingui ngua havera kotjihavero tjouhona, na komazenge uo Ndjona.
17
Orondu ejuva indenene romazenge re ja. Nu ouani ngu ma jenene oku kurama?''