Ekondua omirongo vivari na imue
1
Nu mba muna ejuru epe, nehi epe, orondu ejuru indi etenge nehi indi etenga tji via kapita, no kuvare tji ku he tjiri ko.
2
Nu ami mba muna o tjihuro itjo tjijapuke, Jerusalema o tjipe, ama tji rauka oku za mejuru ku Mukuru, a tja tunua tjimuna o mukupua ngua mbimbirirua o murumendu ue.
3
Nu mba zuvire eraka enene nda zire mejuru ama ri tja, ''Tara! O tjiranda tja Mukuru tjiri mokati ko vandu, nu Eje ma tura mueena vo. Nu ovo mave rire o vandu Ve, nu Mukuru o muini ma kara mueena vo nu a rire Mukuru uao.
4
Nu Eje ma piena o mahoze ajehe mo meho uao, nu kape tjina ku uhuara ama pe kara o ndiro, poo o ruhoze, poo o maririro, poo o mihihamo.O vina i mbio vitenga via kapita.
5
Nu ingui ngua haverere ko tjihavero tjo uhona ua tjere,''Tara! Ami Me tjiti o vina avihe kutja vi rire o vipe.'' Nu Eje ua tja nai, ''Tjanga itji orondu o mambo inga o uatjiri nu o matakame.''
6
Nu Eje ua tja nai ku ami, ''Pa tjitua pa janene! O Uami o Alfa no Omenga, indji o Mbutiro no Ndjandero. Nuku ingui nguno njota Ami Me jandja o kunua mo ruharui ruo meja uo muinjo.
7
Ingui ngu ma tona ma rumata eta ro vina avihe, nu Ami me rire Mukuru ue, nu Eje ma rire o muna Uandje.
8
Nunguari imba o vimumandu, no vehinangamburiro, no vajaukise, no vazepe, no vakorondu, no zondjai, no vanavisenginina, no vana vizeze avehe, mave kara no rupa ruao Merindi ndi pia no muriro no surungu. Ndjiri o ndiro o itjavari.
9
Nu umue uo vaengeri imba o hambombari ue ja ku ami, nguari no vijaha imbio hambombari avie urisiua o viuonga imbio hambombari imbio vio maandero, nu a tja, ''Indjo nguno. Ami me ku urikire o mukupua, o mukaendu uo Ndjona.''
10
Nu eje ue ndji tuara mo Mbepo ko ndundu onene onde, nu e ndji raisire o tjihuro ijto tjinene Jerusalema o tjijapuke, ama tji rauka oku za mejuru ku Mukuru.
11
Jerusalema tjari no ujere ua Mukuru, Nu o ndjerera ja tjo ja ri tjimuna eue e huze tjinene, tjimuna eue ro kristal, no ngenangeneno jo jaspera,
12
A tjina o rumbo o runene ruo maue ndua ja mejuru, nduna o mijero o murongo na vivari, nu po mijero apena o vajengeri o murongo na vevari, nu via tjangerue o mana mu vio, inga o mana uo mihoko imbio murongo na vivari vio vanatje va Israel.
13
Ko muhuka o mivero vitatu, kejuva ro ko kumoho o mivero vitatu, kejuva ro ko kunene o mivero ko ngurova o mivero vitatu.
14
Nu o rumbo ruari no mazikiro o murongo na jevari, nu mu uo muari o mana uo vaapostelo imba o murongo na vevari vo Ndjona.
15
Nu ingui ngu ja hungire kueena ami ua ri no ruu ruo ngoldo oku saneka o tjihuro, no mivero via tjo no rumbo rua tjo.
16
Nu o tjihuro tja ri no mikuma vine; nu o ure ua tjo ua tire po uparanga ua tjo. Eje ua sanekere o tjihuro na indui o ruu, o tutjandja tuo vimbere o majovi omurongo na jevari, (O tjo tja tekire pamue kou ure, no uparanga no museka).
17
Nu eje ua saneka o rumbo rua tjo, Otja ko ma sanekero uo tjindu jari o viele esere rimue no mirongo vine na vine mo museka.(nu a iri omasanekero uo muengeri uina).
18
Nu o mazikiro uo rumbo rua tjo ja ri o jaspera, nu o tjihuro o tjini tjari o tjo ngoldo o ngohoke, tjimuna ekende e kohoke.
19
Nu o mazikiro uo rumbo ruo tjihuro ja mbimbirirue neue arihe ehuze. O mazikiro o matenga ja ri o jaspera, o jetjavari o safire, o jetjatatu o agate, o jetjaine o emeralda,
20
O jetjatano o onyxa, o jetjahamboumue o kaneliana, o jetjahambombari o krisolite, o jetjahambondatu o beril,o jetjamuviu o topasa, ojetjamurongo o krisoprasusa, ojetjamurongo na rimue o hijasinta, ojetja murongo na jevari o ametista.
21
Nu o mijero imbio murongo na vivari viari o maundjendje omahuze o murongo na jevari, o mujero auhe ko urike uauo ua ungurirue no kandjendje kemue okahuze. O zondjira zo mokati ko tjihuro za ungurirue no ngoldo, ndji munina tjimuna ekende.
22
Nu ami hi muine o ndemberi mo tjihuro, orondu Muhona Mukuru Omunamasaehe no Ndjona ondemberi ja tjo.
23
O tjihuro ka tja ri no hepero jejuva poo jo mueze kutja vi jere mu tjo, orondu o ujere ua Mukuru ua jerisire tjo, nu erambe ra tjo ra ri o Ndjona.
24
Nu o viuana mavi kaenda mo ndjerera jo tjihuro tjo. Nu o zombara zehi maze jeta o ujere ua zo mo ukoto uatjo.
25
Nu o mivero via tjo ka vina ku jezerua ko o mutenja, nu ka kuna ku kara no utuku ngo.
26
Nu ovo ma ve jeta o ujere no ndjozikiro jo viuana mo ukoto ua tjo,
27
Nu ka pena otjina otjitunde tjimaa tji hiti mo ukoto uatjo, poo auhe ngutjita o vijaukise, poo ovizeze, nunguari imba poruauo omana uao nga tjangua Membo ro Ndjona ro Muinjo.