Ekondua oritja mirongo vivari
1
Nu mba muna o mujengeri ama rauka oku za Mejuru. Aena o tjipaturure tjo rutjiva no ketanga onene meke re.
2
Nu eje ua kambura o tjitjupamuriro, indji onjokonguru, ndji ri o Mudiaboli, na Saatana, nu ei pandeke o zombura ejovi.
3
Nu ei jumbu mo rutjiva. E ru papeke nu e ru rombere kombanda je.Kutja a ha pukisa o vandu nga o zombura ejovi tji za jenenisiua. Nu kombunda jo vina mbi, maso oku kuturua oka ruveze o kasupi.
4
Nu mba muna o vihavero vio uhona. Nu puvio pa haverere imba mbari vapeua uvara okupangura. Nu mba muna o minjo va imba mba konderue o viuru motjimbe tjo ku hongonona Jesu na motjimbe Tjembo ra Mukuru. Imba mbe hina ve rikotamenene ko tjipuka poo ko tjiserekara tja tjo, nu mbe ha jakurire o tjihako tjo tjipuka mo vipara viao poo mo make uao.Nu va kotoka ko hupo, nu ovo va kara nave honapara pueena Kristu o zombura ejovi.
5
Nunguari imba o vati o vakuao mba seerue po kave kotorere o muinjo nga o zombura ejovi tji za jenenisirue. Indji o ndjiri o mbendukiro o ndenga.
6
O muningandu nu o mujapuke eje ingui ngu ma kara no rupa mo mbendukiro o ndenga! Nu kombanda ja imba ondiro o itjavari ka ina uvara. Nunguari ovo mave rire o vapristeri va Mukuru no va Kristu, nu maveje ku honapara pueena Je o zombura ejovi.
7
Nu o zombura indejovi tji zazu noku manuka, Saatana ma kuturua mo ndorongo je.
8
Nu meje ku kumuka oku ka pukisa o viuana mbiri mo vikoro vine viehi, Gog na Magog, oku vi uoronganisira o vita. Nu mave rire ovengi tjimuna eheke ro kuvare.
9
Ovo va jatere ava rimbara no uparanga uehi, nu ave kovere inda o zondanda zo vajapuke va Mukuru, no tjihuro otji suverua. Nu o muriro ua rauka oku za Mejuru nu au ve seseta.
10
Nu o Mudiaboli, ngu je ve pukisa, ua umbua Merindi ro Muriro no Surungu, imui o tjipuka no muprofete uo zizeze mu va umbirue. Nu ovo mave hihamisiua o mutenja no utuku aruhe nga aruhe.
11
Nu mba muna o tjihavero o tjinene otjijapa tjo uhona na Ingui ngua haverere ku tjo. Ehi nejuru via taurire po murungu Ue, nu kapekarere no ruveze ku mavei.
12
Nu mba muine o vati, ovakombanda no vahenandengu- a va kurama po murungu otjihavero tjo uhona, nu o mambo ja patururua.Nu embo ekuao ari patururua- ndiri Embo ro Muinjo. Nu o vati va pangurua otja ko vina imbi mbia tjangerue momambo, otja ko vitjitua viao.
13
Nu o kuvare kua kotora o vati imba mbari muko. Nu o ndiro no tjovakoke avi kotora o vati mbari mu vio, nu ovati ovo va pangurua otja ko vitjitua viao.
14
Nu o ndiro no tjovakoke via umbua merindi ro muriro. Indji ojo o ndiro o itjavari-erindi ro muriro.
15
Nu auhe ena re tjira vazeua ari ha tjangerue Membo ro Muinjo, ua umbua merindi ro muriro.