Ekondua oritjamurongo na muviu
1
Kombunda jo vina mbi mba zuvire eraka enene ro tjimumba o tjinene Mejuru, ama ri tja, ''Hallelujah! O ndjamo, no ujere no ndjozikiro, no masa ovia Mukuru uetu.
2
Orondu o zombanguriro Ze o zatjiri nu o zosemba, Eje tjinga a pangura o mukorondu ingo munene, ngua zundarisa ehi no ruvakiro rue. Nu tja sutisa o mbindu jo vakarere Ve oku za meke re.
4
3
Nu ovo va tja nai porutjavari: ''Hallelujah! Nu o muise u tuimina kombanda aruhe nga aruhe.''
4 Nu o vanene imba o mirongo vivari na vane, no vinamuinjo imbio vine via uira pehi navi rikotamene ku Mukuru ngua havera ko tjihavero tjo uhona. Ama ve tja, ''Amen! Hallelujah!''
5
Nu eraka ra zire mo tjihavero tjo uhona, ama ri tja, ''Tangeje Mukuru uetu, ene vakarere ve amuhe, mbu muno ndira kuje, ovehenandengu novanamasa.''
6
Nu mba zuva eraka ro tjimbumba o tjinene, nu tjimuna eraka ro meja o mengi, neraka ro mitutumo o minamasa, ama ri tja, ''Hallelujah! Orondu Muhona Ua honapara, Mukuru uetu, Omunamasa aehe,
7
Ngatu njande nu tu joroke nu tu jandje oujere ku Je! Orondu orukupo ro Ndjona rue ja, nu o mukaendu Ue ue rirongera.
8
Nu ua jandjeua ku je kutja a huikikue o mbanda o ngenangene no ngohoke jo rinena'' (orondu o mbanda o heze jo rinena o usemba uo vajapuke).
9
Nu omujengeri ua tja na ku ami, ''Tjanga tji: O vaningandu imba mba nangerua ko mukandi uo rukupo ruo Ndjona.'' Nu eje ua tja nai ku ami rukuao, Inga o mambo uo uatjiri Ua Mukuru.
10
Nu ami mba uira po murungu uo zombaze ze oku rikotamena ku je, nu atja kuami, ''Otjiti nao! Ouami omukarere tjimuna ove, no vakuenu imba mba takamisa o mahongononeno ua Jesu. Rikotamena ku Mukuru, orondu o mahongononeno ua Jesu o mbepo jo tjiprofeto.''
11
Nu mba muna Ejuru ara jezuruka, numba tara, e munu okakambe okavapa. Nu ingui ngua kavirire ku ko ija isaneua Mutakame na munaUatjiri. Nu nousemba Eje upangura noku hanga o vita.
12
Nu o meho Ue jeri tjimuna o rurumo ruo muriro, nu ko tjiuru Tje kuno no vikrone o vingi. Nu Eje u nena nda tjangua muje, ndi ha tjiukua ijo mundu uarue, pendje na Je omuini.
13
Nu Eje ua huikikirue o mbanda ndja tjavekerue mo mbindu, nu ena Re ri isaneua Embo ra Mukuru.
14
Nu o vimbumba vio vita vie Juru vie Mu kongorerere ko ukambe o uvapa, a via huikikua o zombanda o zoheze zo linen, o zombapa, nu o zongohoke.
15
Nu mo tjinjo Tje mua pitire engaruvio etue, ndija a kuapiza naro viuana, nu Eje meje ku honapara kombanda ja vio no nguinja jo tjitenda. Nu Eje u jata o tjikameno tjo muvine tjo mazenge no mapindi ua Mukuru o Munamasaehe.
16
Nu Una ena nda tjangua mo mbanda Je na metumbo Re:''O Mbara jo zombara no Muhona uo vahona.''
17
Nu mba muna o mujengeri aa kurama mejuva. Nu eje ua ravaera neraka enene, ko zondera azehe nde tenga kombanda, ''Indjeje, riuoronganisireje pamue ko mukandi o munene imbui o Ua Mukuru.
18
Indjeje okuje ku ria o njama jo zombara, no njama jo zohongora zo vita, no njama jo ovarumendu o vanamasa, no njama jo ukambe no jo vakavire vao, no njama jo vandu avehe, jo vakutuke no vitikiha kumue, no jo vanandengu no vanamasa kumue.''
20
19
Nu mba muna o tjipuka no zombara zehi no vimbumba viao vio vita. Ama vi uoronganisirua oku ruisa Ingui ngua kavira ko kakambe no tjimbumba Tje tjo vita.
20 Nu o tjipuka tja kamburua, pueena ingui o muprofete uovizeze ngu ja utjiti o vihimise po murungu ua tjo.Nu na imbi ovihimise imbi ua pukisire navio imba mba jakurire o tjihako tjo tjipuka, na imba mbu ja ve rikotamene ko tjiserekarerua tja tjo. Nu po uvari ua vio via umbua avino muinjo me rindi ro muriro o mundandi mbu pia no surungu.
21
Nu imba avehe mba seerue po vata nengaruvio ndira pitire mo tjinjo tja Ingui ngua kavira o kakambe. O zondera azehe zejuru za rire o njama jauo.