Ekondua omurongo na hambondatu
1
Nu kombunda jo vina mbi mba muna o mujengeri o mukuao ama rauka oku za Mejuru. Aena o uvara o unene, nu ehi ra jerisiua ijo ujere ue.
2
Nu eje ua ravaerera kombanda neraka enene enamasa, ama tja, ''Tjau, tjau Babirona ijto tjinene! Nu tja rire o maturiro uo zondemone, no ndorongo jo mbepo aihe ohangohoke, no ndorongo jo ndera aihe ohangohoke,no ndorongo jo tjipuka a tjihe otjijaukise.
3
Orondu o viuana avihe via nua ko mavinu uo mazenge uo ruvakiro rua tjo.O zombara zehi za kara mo ruvakiro kueena tjo. Nu o varande no varandise vehi va tumbisiua ijo masa ue viaro ra tjo.
4
Nu mba zuvire eraka ekuao oku za mejuru ama ri tja, ''Piteje mu tjo, vandu vandje, kutja amu ha kara no rupa mo mauvi ua tjo, nokutja amu ha jakura tjimue tjo viuonga via tjo.
5
Orondu o mauivi ua tjo ja tendekasana nga kejuru, nu Mukuru ua zemburuka o ovitjitua viatjo ovivi.
6
Suteje tjo otja tji tje mu sutire, tji suteje tuvari potuvari, otja ko vitjitua via tjo; Me nuino indi tji tja uanekera mo, uanekeree tjo muro potuvari.
8
7
Otja imba pu tje rijerisire na tji hupire me viaro, opu mua soku ku tjipa mihihamo no ruhoze.Orondu tjinga tji tja nai mo mutima uatjo, 'Mba haama otja o mbara o serekaze; nu hi muhepundu, nu hinee ka muna ko o ruhoze.'
8 Nu mejuva rimue o mihihamo via tjo opu ma vi raukire: o ndiro, no ruhoze, no ndjara. Nu otjo matji je ku njoseua ijo muriro, orondu Muhona Mukuru Omunamasa, nu onguri omupangure uatjo.
9
Nu o zombara zehi, nda vakirasana kueena tjo, nu aze hupu me viaro pueena tjo, mazeje ku tji ririra, nu aze tjitire tjo o miimbo tji mazeje ku muna o muise uo mapiiro ua tjo.
10
Nu maze kuramene kokure, mo tjimbe tjo ku tira o mahihamisiro ua tjo, ama ze tja, ''Ouee, ouee ko tjihuro tjinene, Babirona, o tjihuro o tjinamasa! Orondu mo iri imue uriri o mbanguriro joje jeja.
11
Nu o varande no varandise vo uje mave riri nave karere tjo noruhoze, orondu kape tjina mundu ngu ma randa o virandisiua viao-
12
O virandisiua vio ngoldo, no vio silveri,no vio maue o mahuze, no vio undjendje uo ndengu, no vio nguju jo rinena, o zopupuri, no zonguju o zoheze, no zoserandu piu, no vio tukune o tuhuze, no vitjuma avihe mbia tungua no majo uo zondjou, no vitjuma avihe mbia tungua no tukune o tuhuze, no vio ngoporo, no vio tjitenda, no vio maue uo mamburi,
13
No vio sinamoni, no sipaisi, no vinuke o vituimisiua, no mirah, ofrakinsa, no mavinu, no maze, no ruhere o ruheze, owita, ozongombe no zondu, ukambe no matemba, no tutu no minjo vio vandu.
14
Nu otjihape atjihe tjiua zera no muinjo uoje auhe t tja piti move. No ovina avihe ovikenakene na imbio viua via hene, nu ka moo uhuara amo vimunu kaparukaze.
15
O varande no varandise vo vinambi, imba mba tumbisirue itjo, maveje ku kurama kokure mo tjimbe tjo ku tira o mahihamisiro ua tjo, ama ve ririre kombanda noku kara no ruhoze.
16
Ama ve tja, ''Ouee, ouee ko tjihuro tjo tjinene tji tja huikikirue o zonguju zo rinena, no zo purpuri, no zoserandu piu, nu tja mbimbirirue no ngoldo, no maue o mahuze, no undjendje o unandengu!
17
Nu mo ire imue o rutumbo indo aruhe rua njonua.
18
Nu ave riri tji va muna o muise uo mapiro ua tjo. ama ve tja, ''Tjitja sana ko tjihuro tjo tjinene oo tjine?
19
Nu ovo va umbire o ruuma mo viuru viao, ave uru, noku rira no ruhoze ama ve tja, ''Ouee, ouee ko tjihuro tjo tjinene, tjitja tumbisire avehe imba mba ri no visikepi mo kuvare no utumbe ua tjo.Orondu mo ire imue tja njonua.''
20
''Joroka kombanda ja tjo, ove Juru, na imba o ovajapuke, no vaapostolo no vaprofete, orondu Mukuru tja eta ombanguriro jenu mu tjo!''
21
Nu o mujengeri o munamasa ua jerere eue tjimuna o ngoua onene, nu a umbu ro mo kuvare, ama tja, ''Mo ndjira ndji, Babilona, o tjihuro itjo tjinene, ma tji je ku vandua pehi no masa, nu atji ha uhuara ama tji munika kaparukaze.
22
Nu ombosiro jo vatone vo vihumba, no jo vaimbure, no jo vatone vo uhiva, no jo vatone vo zohiva zo turapeta ka maa ji uhuara ama i zuvaka move rukuao. Nu o mutunge, uo matungiro kaani aehe kenaa uhuara ama munika move.Nu o mbosiro jo makuejero kanaa i uhuara ama I zuvaka move kaparukaze
23
Nu o ndjerera je rambe kanaa ji uhuara ama i jere move kaparukaze.Nu eraka ro mukupe no ro mukupua kanaa je uhuara ama je zuvaka move kaparukaze, Orondu o varande no varandise voje vari imba ovahona vehi, nu o viuana avihe o tjinga via pukisiua ijo undjai uoje.
24
Nu mu tjo mua vazeua o mbindu jo vaprofete, no jo vajapuke va Mukuru, no ja imba avehe mba zepirue kombanda jehi.''