Ekondua oritja murongo nahambombari
1
Nu umue uo vajengeri mba hambombari mbari no vijaha imbio hambombari ue ere kuami, na tja, ''Indjo, ami meje ku ku raisira o mbanguriro jo mukorondu ingui o munene ngua haama kombanda jo meja o mengi,
2
Ingui ngua vakirasana kueena o zombara zehi, nu nomavinu uo tuvakiro tue imba mba tura mehi va ndoronga.''
3
Nu omujengeri ue ndji toora mo Mbepo ko ngaango, nu mba muna o mukaendu ngua haamene kombanda jo tjiupuka o tjiserandu, tji the urire o mana uoku jamburura Mukuru. Nu otjipuka tjari no viuru hambombari no zonja o murongo.
4
Nu o mukaendu ngui ua huikikirue o zombanda ozo pupuri no zoserandu piu, nu ua mbimbirirue no ngoldo, no maue o mahuze no undjendje uo ndengu, Aena enuino ro ngoldo meke re, nde urisirue o zombondi no vina o vihakohoke vio ruvakiro rue.
5
Nu mo tjipara tje mua tjangerue ena, o tjiundikua,''BABILONA O TJINENE, INA JO VAKORONDU NO ZOMBONDI ZEHI.''
6
Nu mba muna ingui o mukaendu aa purukisiua ijo mbindu jo vajapuke, no mbindu ja imba mbe hongonona Jesu. Nu ami tji mbe mu muna, mba himua, no mahimino o manene.
7
Nu o muengeri ua tja nai ku ami, Ove ua himisiua i tjike? Ami me ku raere o tjiundikua tjo mukaendu, no tjo tjipuka tjo viuru hambombari no zonja o murongo tji the mu tjinda.
8
O tjipuka itji tji ua munu tja ri po, nu katji po, nu tjiri po oku pita mo rutjiva oku jenda ko manjoneno. Nu imba mba tura kombanda jehi maveje ku himua, imba ovo mana nge ha tjangerue membo ro muinjo oku za ko mbutiro jo uje, tji maveje ku muna o tjipuka tji tjari po, nu tji tji he ri po, nunguari ngunda tji tjiri po.
9
Nu imba opuma pe paha ozondunge ndeno o unongo. O viuru mbio hambombari o zondundu hambombari o mukaendu nda havera ko.
10
Nu pena o zombara hambombari. Ndano za ua, nu imue oku iri, nu indji o nguao ngunda ka ijeja. Nu tji jeja mai kara ko o karuveze o kasupi.
11
Nu o tjipuka tjitja ri ko, nu nambano tji tji heri ko, ojo uina ojo ombara o itja hambondatu. Nu oja kueena inda o hambombari, nu ma jii ko manjoneno uajo.
12
Nu o zonja o murongo ndu ua munu, o zombara o murongo nde hija jakura o uhonapare, nu mave jakura o uvara o ire imue pueena o tjipuka.
13
Nu imba avehe vena o ndunge imue, nu maveje jandja o masa no uvara ko tjipuka.
14
Nu maveje ku ruisa o Ndjona. Nu o Ndjona mai je ku ve taara Orondu Eje o Muhona uo vahona, o Mbara jo zombara- nu imba mbe ri pueena Je ovo imba o vaisaneua, o vatoororua nu o vatakame.''
15
Nu omujengeri eje ua tja nai ku ami, ''O meja ngu ua munu, imba o mukorondu pa haama, o vandu, no vimbumba, no viuana, no maraka.
16
Nu o zonja inda o murongo ndu ua munu- ozo no tjipuka mazeje ku njengua ingui o mukaendu o mukorondu. Nu maze mu tjiti kutja a seue no kuhina tjina nu aeri muzu, nu mazeje ku ria o njama je naze mu njosa katjiri no muriro.
17
Orondu Mukuru ua tua mo mitima via zo oku jenenisa o mbango Je, noku itaverera kumue oku jandja o uvara ua zo ko tjipuka, nga tji o mambo ua Mukuru tji ja jenenisiua.
18
Nu o mukaendu ngu ua muna o tjihuro itjo tjinene, tji tja honapara kombanda jo zombara zehi.