Ekondua omurongo na hamboumue
1
Nu mba zuvire eraka enene nda zire mo ndemberi ama ri tja ko vaengeri imba hambombari, ''Tuendeje nu ka tirahireje kombanda jehi o vijaha hambombari vio mazenge ua Mukuru.''
2
Omujengeri ingui o mutenga uaja nu a tirahire o tjijaha tje kombanda jehi; nu oviruaro ovivi nu ovi hihamise avi raukira kombanda jo vandu imba mbari no tjihako tjo tjipuka, na imba mbuja ve rikotamene ko tji serekarerua tja tjo.
3
Nu o muengeri o utjavari ua tirahira o tjijaha tje mo kuvare; nu oko kua hara o mbindu tjimuna ojo mukoke, nu o tjinamuinjo atjihe tjia tjari mo kuvare atji koka.
4
Nu o muengeri o utjatatu ua tirahira o tjijaha tje mo zondondu na mo tuharui tuo meja, nu ouo ja rira o mbindu.
5
Nu mba zuva o mujengri uo meja a ma tja, ''Oove o musemba- Ngu uriko, nu ngu uari ko, nu nguuri Omujapuke-Ove tjinga a ua pangura ovina mbi.
6
Orondu ovo va tirahira o mbindu jo vajapuke va Mukuru no vaprofete, nu Ove Ue ve pe o mbindu oku nua; orondu o ndje ve puira.''
7
Nu mba zuvire ezuko ro maningiririsiro ama riziri, ''Ii, Muhona Mukuru o Munamasaehe, o zombanguriro Zoje o za tjiri no zosemba.''
8
Nu o mejengeri o utjaine ua tirahira o tjijaha tje kombanda je juva, nu o masa ja jandjerue kuje uoku vaura o vandu no muriro.
9
Nu va vaurirue nepiu enene, Nu ovo va jambururire ena ra Mukuru, Ingui nguna o uvara kombanda jo viuonga mbi. Nunguari kave rivererere ko ndanaukiro poo oku Mu pa o ujere.
10
Nu o muengeri o utjatano ua tirahira o tjijaha tje kombanda jo tjihavero tjo uhona tjo tjipuka, nu ondorera ja raukira kombanda jo uhonapare ua tjo. Nu ovo ave tatuna o maraka uao mena ro mihihamo.
11
Nu ave jamburura Mukuru Uejuru motjimbe tjo mihihamo viao no masena uao, Nu ovo kave rivererere ko ndanaukiro ko vitjitua viao.
12
Nu o mujengeri o utja hamboumue ua tirahira o tjijaha tje mo ndondu indji onene o Eufraita. Nu o meja uajo ja puirisirirue kutja ku tunue o ndjira jo zombara okuza kuta ko mapitiro ue juva.
13
Nu mba muna o zombepo ndatu o zohakohoke tjimuna o visume ama ze piti mo viinjo vio tji tjupamuriro, nomo tjipuka, namo muprofete uo vizeze.
14
Orondu ozo o zombepo zo zondemone, nde tjita o vihimise vio vizemburukisiro. Ndu a zei ko zombara zouje auhe kutja zeze uoronganisire o tjirua tjejuva ndina indenene ra Mukuru o Munamasaehe.
15
(''Taree, Ami meja tjimuna erunga! O muningandu ingui ngu ma kara katumba, nu a takamisa o zombanda ze, kutja aha rianga muzu nu ave ha munika o honi jo muzu ue.'')
16
Nu veve uoronganisira pamue po ruveze ndu isaniua Amangendona meraka ro Tjiheperi.
17
Nu o mujengeri o utja hambombari ua tirahira o tjija tje mo mbepo. Nu pa karere eraka enene oku za mo ndemberi no ko tjihavero tjo uhona, nda tjere, ''Tja tjitua tja jenene!''
18
Nu pa kara no tutjeno, omaraka, no mitutumo, no manjinganjingiro o manene uehi, omanjinganjingisiro nge hina maa je sanekua ko makuao nga karere ko ngunda o vandu ava karere kombanda jehi, o manjinganjingiro uehi o manene tjiri.
19
Nu o tjihuro tjo tjinene tja haneua ko tupa tutatu, nu o vihuro vio viuana viua. Nu Mukuru Ua zemburuka Babirona itjo tjinene, nu aa jandja ko tjihuro itjo enuino nde urisiua no mavinu ro mazenge uo mapindi Ue.
20
Nu o kakoverua akehe ka tupukire, nu o zondundu aze ha munika ko.
21
Nu o zombaue o zonene zo mbura, aihe ndjari no haveha jo talenta, zaza kombanda oku za mejuru aze raukire kombanda jo vandu. Nu va jambururire Mukuru mena ro tjiuonga tjo zombaue zo mbura orondu o tjiuonga tji tjari o tjinene tjiri.