1
Nu mba muna o tjisanekero o tjikuao mejuru, o tjinene no tjihimise: a peno ovaengeri hambombari no viuonga hambombari, mbiri ovionga vio maandero, nu Mu vio omazenge ua Mukuru majeenenisiua uo.
2
Nu mba muine tjimuna o kuvare kue kende ku kua uanekua mueena o muriro. Nu posijo okuvare pari a pa kurama imba mba kara no utoni kombanda jo tjipuka, no tjiserekarerua tja tjo, no kombanda jo tjivarero tjena ra tjo.Nu ava tiza ovihumba mbiva peua i Mukuru.
3
Nu ovo ave imbura eimburiro ra Mose, o mukarere ua Mukuru, nu neimburiro ro Ndjona: ''Ovinene no vihimise oviungura Vioje, Muhona Mukuru, o Munamasaehe.O zondakame nu o za tjiri ozondjira zoje, Ove mbara jo viuana.
4
O uani ngu hina ku ku tira, Muhona, nu a ha jerisa ena Roje? Orondu Ove erike Oove o mujapuke. Oviuana avihe tjinga mavija navi rikotamene po murungu Uoje, orondu ousemba Uo viungura vioje tji va tjiukisiua.''
5
Nu kombunda jo vina mbi mba tara, nu tara, nu o ndemberi jo tjiranda tjo mahongononeno ue Mejuru ja jezururirue.
6
Nu okuza mondemberi kua pita ovaengeri hambombari mba tjindire o viuonga imbio hambombari. Ava huikikua no lina katjiri o mbapa, ava kutua o makuamo uo ngoldo mo viari.
7
Nu tjimue tjo vinamuinjo imbio vine tja jandjere ko vaengeri hambombari o vitjuma vio ngoldo, mbie urire o mazenge ua Mukuru, o munamuinjo aruhe nga aruhe
8
Nu o ndemberi je urire o muise mbua zire mo ujere ua Mukuru, na mo masa Ue. Nu kapena mundu ngue pe urire oku ihita nga o viuonga hambombari vio vaengeri hambombari tji via jenenisiua.