¹ Nu mba tara, nu e munu o Ndjona ja kuramene kombanda jo ndundu Siona. Nu pueena jo pari o majovi esere no mirongo vine na jane, mba tjangerue ena Re no ra Ihe mo vipara viao. ² Nu mba zuvire eraka oku za mejuru, ama ripose tjimuna eraka ro meja o mengi, no eraka ro matutumino o manene. Ne raka ndi mba zuvire tjimuna o maraka uo vatone vo vihumba amave tono o vihumba viao. ³ Nu ovo va imburire eimburiro epe po murungu uo tjihavero tjo uhona, na pomurungu uo vinamuinjo mbio vine na imba o vanene. Nu kapena ngue pe urire oku rihonga e imburiro ndo pendje na imba o majovi esere no mirongo vine na jane, mba randua okuza mehi. ⁴ Imba ivemue va imba mbehe ritundire no vakaendu, orondu ovo kavena pu va rarere mueena o vakaendu. Imba o mbe kongorera o Ndjona akuhe ku Mai. Imba va randururirue mokati kovandu otja o vihape o vitenga ku Mukuru na ko Ndjona. ⁵ Nu kapari no vizeze mbia munikire mo vinjo viao; ovo kavena otjipo. ⁶ Nu mba muna o muengeri o mukao ama tenge pokati kejuru, aena o mbuze ombua jaaruhe oku zuvarisa ku imba mba tura kombanda jehi- okutja ko viuana avihe, no mihoko, no maraka, no vandu, ⁷ Nu a tja nai neraka enene, ''Tireje Mukuru nu jandjeje o ujere ku je. Orondu o ire jo mbanguriro Je jeja. Nu rikotameneje ku Je, ingui ngua ungurire ejuru, nehi, nokuvare no tuharui tuo meja.'' ⁸ Nu o muengeri o mukuao- o utjavari- uakongorera, ngu ja, tjau, tjau Bambirona o tjihuro itjo tjinene, tji tja tjita kutja o viuana avihe vinue o mavinu uo mapindi uo ruvakiro rua tjo.'' ⁹ Nu o muengeri omukuao- o utjatatu- ue ve kongorerere, ama tja nai neraka enene, ''Auhe ngu me rikotamene ko tjipuka poo ko tjiserekarerua tja tjo, nu a jakura o tjihako tja tjo mo tjipara tje poo meke re, ¹⁰ Eje meje kunua uina o mavinu uo mazenge ua Mukuru, omavinu nga tirirua nu ae ha handjururirue me nuino re romazenge Ue. Nu omundu ngu manuro meje ku hihamisiua no muriro no surungu po murungu uo vaengeri o vajapuke va Mukuru napo murungu uo Ndjona. ¹¹ Nu o muise uo mahihamisiro uao u tuimina kombanda aruhe nga aruhe, nuka vena osuviro omutenja no utuku- imba overikotamene vo tjipuka no tjiserekarerua tja tjo, na ingui auhe ngua jakura o tjihako tjena ra tjo. ¹² Imba opu peri po muretima no ndaro jo vajapuke va Mukuru, imba mbe takamisa o matuako ua Mukuru, no ngamburiro mu Jesu.'' ¹³ Nu ami mba zuvire eraka oku za mejuru ama ri tja, ''Tjanga itji: Ovaningandu o vati mbu mave tire mu Muhona.'' ''Ii, maku hungire o Mbepo, kutja ve suve ko ngondjero jao, nu o viungura viao mavi ve kongorere.'' ¹⁴ Nu mba tara, o tjikamba o tjijapa.Nu ngua haemene kombanda jo tjikamba jari umue tjimuna o Muna uo Mundu. Aena o tjikrone tjo ngoldo ko tjiuru Tje, no ruvio o rukonde ruo vihape o rutue meke Re. ¹⁵ Nu o muengeri umukuao ua pitire pendje no ndemberi, nu aravaere neraka enene ku Ingui ngua haamene kombanda jo tjikamba: Toora o ruvio roje o rukonde nu U ute o kukonda. Orondu o ruveze ro kunda rueja, o vihape viehi tjinga a via horo.'' ¹⁶ Nu Ingui ngua haamene kombanda jo tjikamba, Ua umba o ruvio Rue o rukonde kombanda jehi, nu o vihape viehi avi kondua. ¹⁷ Nu o muengeri o mukuao ua pitire mo ndemberi mejuru; uina aena o ruvio o rukonde ruo vihape o rutue. ¹⁸ Nu o muengeri o mukuao ua pita okuza ke zuko ro muriro uo maningiririsiro, nguari no uvara kombanda jo muriro. Nu uaravaerere neraka enene ku ungui ngua ri no ruvio o rukonde ruo vihape o rutue, ''Toora o ruvio ruoje o rukonde ruo vihape o rutue, nu u uonge inga o mapunda uo mivite viehi, orondu o mandjembere ua vio ja hora.'' ¹⁹ Nu o muengeri ua umba o ruvio rue o rukonde ruo vihape mehi, nu a kondo omapunda omivite vie hi. Neje a umbu mo tjikameno tjo mazenge ua Mukuru. ²⁰ Nu o tjikameno tjo mivite tja jatajaterua pendje no tjihuro, nu o mbindu ja pitire mutjo, ndje vazere nga koure uo vitoma vio ukambe, nai ka seka ovistaria o ejovi rimue no masere hamboumue.