1
Nu Eje uatja nai kuvo, ''Tjiri Metja nai ku ene, pena vemue va imba mba kurama imba mbe hina ku rora ondiro ngatji va munu ouhona ua Mukuru ama uja nomasa.''
2
Nu kombunda jomajuva hamboumue Jesu ua toora Petrusa, na Jakobasa na Johanesa, Eve tuara kombanda jondundu onde, ovo poruao peke. Nu Eje otja tjitukisiua pomurungu uao.
3
Nu omituaro vie via utire oku kenakena, avi jepaere oku kapita ovitutukende, oku kapita omajepaerisiro ngu maa je jenene okutjitua ijo mukohe kombanda jehi.
4
Nu Erija puena Mose va munika kuvo, nu ovo ija ve hungire kuena Jesu.
5
Nu Petrusa ua zirire nu atja nai ku Jesu, ''Rabi okokuua kutja ete tu ri mba. Nu ngatu ungure oviranda vitatu, tjimue tjoJe, tjimue tja Mose na tjimue tja Erija.''
6
Orondu eje tjija ha tjiua kutja ngatjevi, orondu ovo va urumine tjinene.
7
Nu peere otjikamba tji ve pa omuzire. Nu eraka ra zire motjikamba, amaritja, ''Ingui omuna uandje omusuverua. Mu purateneje.''
8
Nu motjimanga, ovo tjiva jevajeva, kave muine ko omundu uarue rukuao pendje na Jesu erike puena vo.
9
Nu ovo tjija ve heruka kondundu, Eje Ueve rakiza kutja ngaa ve raere ko omundu umue ovina mbi vaka muna, ngandu Omuna uomundu tjazu noku pendurua movakoke.
10
Nu ovo va takamisa omarakiza inga moukoto uao oveni, amave purasana kutja indji ''ombendukiro movakoke'' mai hee tjike?
11
Nu ovo ve mupura, amavetja, ''Onguae ovatjange tji vetja Erija uaso kuja rutenga?''
12
Nu Eje ua zira nu atja kuvo, ''Erija tjiri uja rutenga oku puisa ovina avihe. Nunguari patjangua vi kutja Omuna uomundu ma hihamisiua movina ovingi nu A tondua?
13
Nunguari Me tja nai kuene kutja, Erija tjiri ueja, nunguari ovo va tjitire kuje atjihe tjiva vangere otja tji patjangua komunda ue.''
14
Nu tji veja kovahongeua Ve, va muine otjimbumba otjinene tjovandu mbeve koverere, nu ovatjange ama ve patasana kuena vo.
15
Nu tjimanga otjimbumba atjihe tjitje muna Jesu, tja himinue tjinene, nu atji tupuka ku Je atji mu minike.
16
Nu Eje ua purire ovahongeua Ve, ''Mamu patasana tjike kuena vo?''
17
Nu umue motjimbumba ua zirire nu atja, ''Muhonge ami mba jeta kove omuna uandje nguna ombepo jouuoro.
18
Nu apehe puje mupendukire imu vanda pahi. Nu eje a huku etutu, nu a kuee omajo nu a kukuta. Nu otjimba hungire kuena ovahongeua voje kutja ve I nakere pendje. Nu ovo kave pe urire.''
19
Ue ve zira nu atja, ''Ouee nondekurona okehinangamburiro, Me mu karere nomuretima ngapi? Mu jeteje ku Ami.''
20
Nu ovo va eta omuzandona ku Je. Nu tjimanga ombepo tjije Mu muna, arire tjija pukaura omuzandu orutu aruhe. Omuzandona ua uira pehi nu a ranga ama huku etutu.
21
Nu Jesu ua pura ihe, ''Ongaro indji ua kara najo okuza ku rune? Nu ihe atja, okuza koutiti ue.
22
Otuveze otuingi je mu umba mo miriro na momeva okumuzepa. Nunguari tji una tji mo jenene okutjita, tjariparera ete nu utu vatere.''
23
Nu Jesu uatja nai kuje, ''Ove tjoua jenene oku kambura, ovina avihe viurika ku ingui nguma kambura.''
24
Nu tjimanga ihe jomuatje ua riririre kombanda nu aeta omahoze, amatja, Muhona me kambura! Vatera okuhakambura kuandje.''
25
Nu Jesu tja muine kutja ovandu ma ve jende ama ve utuka kuvo, Eje ua kandaiza indji ombepo ohakohoke nu atja kujo,''Mbepo ove ndji ha hungire nu ndji ha zuu, Ami me ku pangura, pita muje, nu ouhuara amo hiti muje rukuao.''
26
Nu ojo ja urira kombanda, ai mu vanda pehi, ai mu pukaura, nu ai piti muje. Nu omuzandona ua kara tjimuna omukoke, nu ovengi va tjere, ''ua tu.?''
27
Nu Jesu uemu kambura keke, nu E mu jere, nu omuzandona a sekama.
2928
Nu Jesu tjaza noku hita mondjiuo, ovahongeua Ve eve ja kuje, ave mu purire kourike uavo kutja, ''Onguae ete tji tua urua ijo ku I nakera pendje?''
29 Nu Eje uatja nai kuvo, ''Inda ozongaro indji ka ze piti pendje nongumbiro nokuritjaera kovikuria.''
30
Nu ovo tjiva kumuka okuza ingo, va pitira mehi ra Galilea. Nu Eje ua zerire kutja ape ha ningi nguma tjiua kuveri,
31
Orondu Eje a a hongo ovahongeuaVe. Nu atja nai kuvo, ''Omuna uomundu ma jandjeua momake uovandu, nu ovo maveje ku Mu zepa. Nu tjivazu noku mu zepa Eje ma penduka mejuva oritjatatu.
32
Nu ovo kava zuvire naua kutja omambo inga ija je hee tjike, nunguari va tirire oku Mu pura.
33
Nu ovo veja Kokaperanaum. Nu tjaza noku hita mondjiuo, Ueve purire kutja,'' Otjikuae tji mua jende ama mu hungire mondjira?
34
Nunguari ovo va muinine uriri. Orondu mondjira tjiva patasanene muvo oveni kutja ouani nguri omunenenene.
35
Nu Eje ua haamene pehi nu a isana imba omurongo na vevari nu atja nai kuvo, ''Auhe nguma zeri okurira omutenga, ngarire uomaandero ua avehe nomukarere ua avehe.''
36
Nu Eje Ua toora okanatje, eke tua pokati kao.Nu tjaza noku ke toora noku ke pukata momaoko, arire tja tja kuvo,
37
''Ingui auhe nguma jakura umue uovanatje otja imba mena randje ma jakura Ami; Nu ingui auhe nguma jakura Ami, kena ku jakura Ami uriri nunguari Ingui ngue ndji hinda uina.''
3938
Nu Johanesa ue Mu zira, amatja, ''Muhonge, tua munu umue ama nakere ozondemone pendje mena roje nu atu mutjaere, mena ro kutja ketu kongorere.''
V 39 Nunguari Jesu uatja nai, ''A mu mu tjaere. Orondu kapena ingui nguma ungura otjiungura otjihimise mena randje kuzambo a jenene oku hungira ouvi komunda Uandje.''
40
Orondu ingui ngu hina vita na ete uri kuena ete.
41
Auhe ingui ngu me mupe ekopi romeva okunua mena randje, mokutja ouene ova Kristu, tjiri metja nai ku ene, kanaa pandjarisa ko otjisuta tje.
42
Nu auhe ngu ma putarisa umue ua imbui outiti imbui mbua kambura mu Ami, mape ngara kuje kutja eue romakuejero ri kutue mosengo je nu eje a umbue momuronga.
43
Nu eke roje tji mari ku putarisa konda ro. Orondu mape ngara kove kutja u hite momuinjo au novinepo mbia kondua oku kapita oku kara nomake jevari nokuhita motjovasengua, mo muriro mbu hina maa u zemisiua.
44
Etiva rao ku ri ha koka nomuriro ku u ha zemisiua.***
45
Nu ombaze joje tji mai ku putarisa konda jo. Mape ngara kove kutja u hite momuinjo auri otjiremane, oku kapita oku kara nozombaze mbari noku nakerua motjovasengua, mo muriro mbu hina maa u zemisiua.
46
Etiva rao ku ri ha koka nomuriro ku u ha zemisiua.***
47
Nu eho roje tji mari ku putarisa homona ro. Mape ngara kove kutja u hite mouhona ua Mukuru norumongo, oku kapita oku kara no meho jevari noku nakerua motjovasengua,
48
Etiva rao ku ri ha koka nomuriro ku u ha zemisiua.
49
Orondu omundu auhe ma tjatisiua mo nomuriro.
50
Omongua omuua, nunguari omongua tji ua pandjarisa oumongua uauo, moje ku u rurisa na tjike? Kareje nomongua pokati kenu, nu kareje nohange, auhe kuena omukuao.''