1
Nu momajuva ingo, ape kara rukuao otjimbumba tjovandu otjinene, nu kapari notjkuria tjimaveri. Jesu ua isanena ovahongeua ve ku Je nu atja nai kuvo,
2
Otjimbumba tji matji ndji ningisire ondjenda, orondu ovo va kara puena Ami omajuva jetatu nu kavena tji maveri.
3
Nu tjimbe ve hindi kozonganda zao nondjara, mave seuka mondjira, orondu ovengi mu vo vazire kokure.''
4
Nu ovahongeua ve ve muzira nai, ''Matu isapi omboroto ndji mai jenene oku kutisa ovandu imba mongaango indji?''
5
Nu Eje ue ve pura natja, ''Muna ozomboroto ngapi?'' Nu ovo avetja, ''hambombari.''
6
Nu Eje ua pangurire kutja ovandu ngave ve haame pehi. Nu Eje ua toora inda ozomboroto hambombari, nu a sere zo ondaja, Eze kojora, nu Eze jandja kovahongeua ve kutja vezetue pomurungu uovandu,nu ovo ve zetua pomurungu uovandu.
7
Nu ovo vari nouhundju outiti mbuhinandengu, nu Eje Ue u sera ondaja, nu A pangura ovahongeua kutja uina ngau tuue pomurungu uovandu.
8
Nu ovo otji varia avehe nu ave kuta, nu ovo va uonga outekatekero mbua hupire nu ave urisa ovihanda hambombari.
9
Nu imba mba rire vari mangara omajovi jane. Nu arire tje ve piza.
10
Nu mohakahana Eje ua hita moskepi puena ovahongeua ve, nu aveja ke kondua ra Daramanutha.
11
Nu Ovafarisei va hopoka aveja, nu ave utu ombata kuena Je. Amave paha kutja eve raisire itjisanekero okuza kejuru, ama ve mu roro.
12
Nu Eje arire tja suvana tjinene mombepo Je, nu atja, ''Onguaje ondekurona indji tji mai paha otjisanekero? Tjiri, metja nai kuene, kapena tjisanekero tji matji jandjeua kondekurona ndji.''
13
Nu Eje uevesa mbo, a hiti mosikepi rukuao, nu a kondo hembandina.
14
Nambano ovahongeua va zembire ozomboroto, kavena ndu vari nazo mosikepi pendje nomboroto imue uriri.
15
Nu Eje ue ve zemburukisire amatja, ''Takamiseje osurise jOvafarisei nosurise jo Heroda.''
16
Nu ovo ve ripurire mokati kavo oveni amavetja, omena rokutja katu toorere omboroto.
17
Nu Jesu ua tjivirue tji nu atja nai kuvo,''Onguae tji mamu ripura kutja omena rokutja katu toorere omboroto? Kamuja muna ngunda poo oku kondononona? Poo mua kukutisa omitima vienu?
18
Muna omeho, nu kamu munu are? Nu mu nomatui nu kamu zuu are? Nu ka mu zemburuka?
19
Tji mba kojorera ovandu omajovi jetano ozomboroto ndano mua uonga ovimbamba vingapi vio utekero?'' Nu ovo vatja nai ku Je, ''Omurongo navivari.''
20
Nu tjimba kojora indo hambombari ozomboroto ko imba omajovi jane, mua uonga ovimbamba vingapi vioutekero uazo? Nu ovo avetja kuJe, 'hambombari.''
21
Nu Eje uatja nai kuvo, ''Nu onguae tjimu hija tjiua oukahu?''
22
Nu Eje ueja kObethsaida. Nu ovandu otji va eta omurumendu omupotu ku Je nu ave rijarikana kutja a tune kuje.
23
Nu Jesu ua kambura omurumendu ingui omupotu keke, nu Emu nanene pendje jotjiuana. Nu Eje tjaza noku mu tjekera omate momeho, Uemu jambeka omake nu Emu pura kutja, ''Uno otjina tjimo munu?''
24
Nu eje ua jerere omeho nu atja, “me munu ovandu tjimuna omiti mbi mavi kaenda''.
25
Nu Eje otje mu jambeka omake komeho rukuao, nu omurumendu ingui a paturura omeho ue, Eje ua verukisirue nu a munu ovina avihe naua.
26
Nu Jesu uemu hinda kutja a jende koje nu Atja, ''Ngoo hiti mo tjiuana poo oku raera tji ku kaani.
27
Nu Jesu novahongeua ve va kaendere nu ave hiti movirongo via Kaesarea Filipi. Nu mondjira Eje ua pura ovahongeua ve, amatja, “Ovandu vetja Ouami une?”
28
Nu ovo otjiva zira nave tja, “Johanesa omupapitise. Nunguari tji vetja, 'Erija', nutjiva vetja, 'umue uovaprofete.'''
29
Nu Eje uatja nai kuvo, ''Nambano ene mutja Ouami une?'' Nu Petrusa ua zira nu atja nai ku Je, “Oove Kristus.”
30
Nu Jesu ueve rakiza kutja ngaave raere ko nangarire omundu umue komunda Ue.
31
Nu Eje ua utire oku ve honga kutja Omuna Uomundu uaso ku hihamisiua movina ovingi, noku tondua ijo vanene, Novapristeri ovanene, novatjange, noku zepiua nu kombunda jomajuva jetatu a penduka.
32
Nu Eje ua hungira omambo inga porutjandja. Nu Petrusa ue Mu toorera po tjikoro nu arire tja utu oku mu posa.
33
Nunguari Jesu tjaza noku tanauka nu a tara movahongeue ve ua posire Petrusa, atja,''Konda kongotue jandje Saatana! Orondu ove tjiu he rikende novina via Mukuru nunguari na imbio vio vandu.”
34
Nu Eje tjaza noku isanena ovandu puena ovahongeua ve ku Je uatja nai kuvo, “Auhe nguma zeri okundji kongorera, ngeri patane omuini, nu a tore otjikoroise tje nu endji kongorere.”
35
Orondu auhe nguma paha oku jama omuinjo ue me upandjarisa, nunguari auhe ngua pandjarisire omuinjo ue Ami, no mbuze ombua, inguo ongume ujama.
36
Orondu mape kotorere omundu tjike, kutja a huure ouje auhe nunguari a pandjarise omuinjo ue omuini?
37
Poo omundu ma jenene oku jandja tjike poruveze ruomuinjo ue?
38
Orondu auhe ngu tisiua i Ami poo ijo mambo uandje ohoni mondekurona indji joukorondu nouvi indji, Omuna Uomundu Eje uina meje ku mu tira ohoni, Eje tjimeja mongenangeneno ja Ihe puena ovaengeri ovajapuke.''