1
Nu ovafarisei novatjange vemue mba zire ku Jerusalem, veja kuJe ave muongarere.
2
Nu ovo tji vamuna ovahongeua ve tjiva ama veri ozomboroto nomake nga tundakere, okutja omake nge ha koherue, arire tjive ve vara ovanandjo.
3
(Orondu OvaFarisei novajuuta avehe, kaveri noku hina ku koha omake uao naua, otja kombazu jovanene.
4
Nu Ovafarasei tjimavezu komarandero, kaveriko ngunda ave hije rikoha. Ovo vapeua ovina ovingi ovikuao mbi va takamisa, tjimuna omakohero uomakopi, nozonjungu, novitjuma viongoporo novitihe.
5
Indino Ovafarisei novatjange va pura Jesu, ''Onguae ovahongeua voje tjive ha kongorere ombazu jovanene, ovo tji veria omboroto nomake nge ha koherue?''
6
Eje ua zira nu atja nai kuvo, ''Jesaja ua porofeterere naua komunda uenu vanatjavivi uene. Punga a patjangua, “Ovandu imba ve ndji jozika nomina viao nunguari omutima uao uri kokure na Ami.”
7
Ovo ve rikotamena kuAmi omungandjo, amave hongo omatuako uotjindu tjimuna omahongero.
8
Orondu mua esa etuako ra Mukuru nu amu takamisa ombazu jovandu.
9
Nu Eje uatja nai kuvo, ''Tjiri ene mu imbirahi etuako ra Mukuru kutja mu takamise ombazu jenu!
10
Orondu Mose uatjere, Jozika iho na njoko, nokutja, ''Auhe nguma hungire ouvi ke koro ra ihe poo ina eje nga pangurirue ondiro.''
11
Nunguari ene mutja, ''Omundu tja tja nai ku ihe poo ku ina, ''Itji atjihe tjitja tji rira otjinambatero tji uari a uaso kujakura kuami o Korbana'', (okutja, 'otjijandjeua tja Mukuru),
12
Otjimutja kapetjina hepero jo mundu ingo oku jandja ku ihe poo ku ina.
13
Momuano imbui otjimuhahizisa oveta ja Mukuru mena rombazu jenu ndji mua peua. Nu mu tjita ovina ovingi mbia sana ku imbi uina.
14
Nu Eje ua isanena otjimbumba tjo ovandu kuje, nu uatja nai kuvo, ''Purateneje kuAmi, amuhe nu zuveje naua.
15
Kapena tjina tji tjiri pendje jomundu tji matji jenene oku mu tunda tjitja hiti muje. Nunguari ovina imbi mbi pita momundu, imbio ombi mu tunda.
16
Omundu auhe tjeno matui okuzuva, ngazuve.''**
17
Nu Jesu tjaza noku hanika kunovandu, nu ahiti mondjiuo, ovahongeua ve ve mu purire komunda uotjisasanekero tji.
18
Nu Jesu uatja nai kuvo, ''Ene uina kamuna ku pangununa naua otjina tji? Kamuna ku tjiua kutja otjina atjihe tjitjazu pendje nu a tji hiti momundu katjina ku jenena oku mu tunda,
19
Orondu otjo tji tjihina ku hita momutima ue, nunguari tji matji hiti mezumo re, nu a tji kapitira mo rutao ruo ndova?'' Nu me hungi indi Jesu ua kohorora ovikuria avihe.
20
Nu Eje uatja nai kuvo ''Itji tjitji pita momundu, itjo otji tji tunda omundu.
21
Orondu okuza moukoto omundu, okuza momutima, omu muza ouripura uomaurunde, omaukorondu, ourunga, omauzepe, omakatukiro uo rukupo
22
omaukorokope, ozondjito zouvi, omatiku, ozondero zonjama zourunde, eho reruru, omajambururiro ua Mukuru, omeritongamisiro, oujova.
23
Ovina imbio viourunde imbi avihe viza moukoto nu ombi tunda omundu.''
24
Okuzambo ua kumuka nu ai ke kondua ra Tira na Sidona.Nu a hiti mondjiuo, nu a ha vanga kutja pe kare omundu ngu ma tjiua kutja uripi, nunguari Eje ka jenenene oku rihoreka.
25
Orondu omukazendu uorive nguari nomusukona nguari nombepo ohakohoke, ua zuvire komunda uE, nu otjeere nu erivanda pehi pozombaze Ze:
26
Omukazendu ngui uari Omuhirika, uomuhoko ua Siro-fonike.Nu eje uerijarikanene kujE kutja a nakere pendje ondemone ndjari mo musuko ue.
27
Nunguari Jesu uatjere nai kuje, ''Ovanatje ngave kutisiue rutenga. Orondu ka ko kuua okutoora omboroto jovanatje okuji umbira ozombua.''
28
Nu eje ua zira nu atja nai ku Je, ''Ii Muhona, nu orondu nozombua ze ria outekero kehi jotjitihe tjovanatje.''
2930
29 Nu Eje uatja nai kuje, ''Mena rokutja nao kaende, ondemone ja piti momusuko uoje.''
30 Nu eje uaaruka kondjiuo je, nu ua vaza omuatje a a rara pombete, nu ondemone ajai.
31
Nu ua pita rukuao ai ke kondua ra Tirana na hiti na Sidona, okujenda komuronga ua Galileja, ngandu ke kondua ra Dekapolisi.
32
Nu ovo va jetere umue ku Je nguari omboro, nu nguja ha hungire naua, nu ovo verijarikana ku Je kutja nga jambeke eke Re ku Je.
33
Nu Eje uemu toorera kotjikoro emu pitisa mouingi uovandu, nu atua ominue Vie momatui ue, nu a tjeke omate, nu a tunu eraka re.
34
Nu a tara kejuru, a suvana nomasa, nu atja nai ku Je, ''Ephaphatha,'' okutja, ''Paturuka!''
35
Nu mohakahana omatui ue aje patururua, nu epu reraka re ari kuturua, nu eje a utu okuhungira naua.
36
V 36 Nu Jesu ueve rakiza kutja ave raere ko omundu. Nunguari otja ku inga omarakiziro uokutja ave raere ovandu ovo otjinga aija ve raere tjinene itji tji tja tjitua.
37
Nu ovo vahiminue tjinene okukapita omahimino, nu avetja, ''Eje u tjita ovina avihe naua. Eje tara utjita ozomboro kutja ze zuve nu utjita imba mba pata omaraka kutja ve hungire.