1
Nu Eje ua kumuka okuzambo, nu eja kehi re omuini,nu ovahongeua ve ve mukongorerere.
2
Nu ejuva resapata tjira tumbuka, Eje ua uta okuhonga mosinangonge. Nu ovengi mbe mu zuvire va himinue, nu avetja, ''Ovina mbi ingui mevi isapi?'' Nu imbui ounge nongo mbua jandjeua kuje?'' ''Kutja novitjitua ovihimise mbia sana ingui mavi tjitua ijomake Ue?
3
''Tjii ingui ka engo muhonge uouti, ingui omuna ua Maria, erumbi ra Jakobasa, na Josesa, na Juuta, na Simona? Ovatena kue kaveri puena ete imba?'' Nu ovo arire tji ve mu pindikire.
4
Nunguari Jesu uatja nai kuvo, ''Omuprofete kena peha munu ondengero pendje nomehi re omuini, na momuhoko ue namonganda je.''
5
Nu ope ha tjitire ovitjitua ovihimise ingo, pendje nokujambeka omake kovavere ovatiti mba verukisa.
6
Nu eje ua temisirue ijo ku hina ngamburiro kuao. Nu Eje ua kondorokere no virongo ama hongo.
7
Nu Eje ua isanena imba omurongo na vevari ku Je, nu a ruku oku ve hinda kovevari vevari, nuue vepa omasa kombanda jozombepo ozohakohoke,
8
Nu Eve raere kutja ave heri toorere ko otjina okuri rongerera oujenda, pendje nonguinja uriri; nangarire ondjatu, nangarire omboroto, poo ovimariva mekuamo;
9
Nokutja ve tuako ovikapuite, nu ave ha toora ozondjasa mbari.
10
Nu Eje uatja nai kuvo, ''kangamua ondjiuo aihe mu mua hiti, kareje mujo, nga tji mua piti motjirongo tjo.
11
Nu ngamua auhe ngu hina ku mu jakura, poo oku mu puratena mo ndoropa jao, ene tji ma muzu imbo, pukumuneje oruuma kehi jozombaze zenu irire omahongononeno kuvo. Tjiri me tja nai kuene, omahihamisiro ua Sondoma na Gomora ma jee ku ngara tjinene pu ingo uo tjihuro tjo mejuva rombanguriro.
12
Nu ovo va kaenda nu ave zuvarisa kutja ovandu ngave riverere kondanaukiro jomauvi.
13
Nu ovo va nakera ozondemona ozengi pendje, ave sopora ovengi mba verere nomaze, nu ave ve verukisa.
14
Nu ombara Heroda ja zuvire ombuze komunda ue, orondu ena ra Jesu tji ra zuvarere akuhe. Nu tjiva aa vetja, ''Okutja Johanesa omupapitise ua pendurua movati, nambano ovihimise ovinamasa otji mavi raisiue muje.
15
Nunguari tjiva va tjere, ''Ingui o Erija. Nu varue va tjere, ''Omuprofete, poo uri otja umue uovaprofete ovakuru.
16
Nunguari Heroda tja zuva tji ua tjere, ''Johanesa ingui ngu mba konda otjiuru, ua penduka movati.
17
Orondu Heroda omuini ua hinda kutja, Johanesa a kamburue, e mu pandekere mondorongo, mena ra Herodias (omukazendu uomuangu ue Filipi), orondu eje tje mu kupire.
18
Orondu Johanesa ua tjere nai ku Herod, ''Kakokuua otja koveta ove oku kupa omukazendu uo muangu uoje.''
19
Nu Herodiasa otja kara nongore naje, a zeri oku mu zepa, nunguari ehe peuru.
20
Mena rokutja Heroda ija tira Johanesa orondu ija tjiua kutja eje uari omurumendu omusemba no
omujapuke, nu ope mu pera ondjeverero. Nu eje ue mu puratenene, emu himisa katjiri, nu ngunda eje a zuu kuje no ndjoroka.
21
Nunguari oruveze rue rijandja mejuva rimue, Heroda tja ungurire omukandi uejuva ronguatero je, mbua jetere ovahona vo kehi je, ovanane vovimbumba viovita, no zohongora za Gararea.
22
Nu ingui omusuko ua Herodiasa omuini otja hitire, a pundu nu a jorokisa Heroda no vaenda ve.Nu Heroda otja tjere nai ku ingui omusuko, ''Ningira atjihe tji mo paha kuami nu ami me kupe tjo.''
23
Nu arire tje mu rijanene nu atja nai kuje, ''Otjina kaaniatjihe ove tjimo ningire kuami, ami me kupe tjo nga korumbembera rumue ruouhona uandje.''
24
Nu eje ua pitire nu aka tja nai ku ina, ''Hi ningire tjike?'' Nu eje atja, ''Otjiuru tja Johanesa omupapitise.
25
Nu eje ua kotoka tjimanga, a teremana kombara nu atja, ''Ondero jandje okutja undjipe otjiuru tja Johanesa omupapitise mo mborota jo kati mohakahana.
26
Nu ombara ja hihamenue tjinene, nunguari mena rorujano ndua tjiti kuje, na mena ro vaenda ve mba haamene puenae, ka pandere ko omaningiriro ue.
27
Mo hakahana ombara otjija hinda omutjevere nu a pangura kutja otjiuru tja Johanesa nga tji jetue. Nu omutjevere uaja nu aka konda otjiuru tje kondorongo.
28
Etji jeta motjijaha nu etji jandja komusuko ngui, nu omusuko etji jandja ku ina.
29
Nu ovahongeua ve tji va zuva ombuze ndji, arire tji veja, ave ka toora orutu rue nu averu tua mombongo.
30
Nu imba ovaapostolo arire tjiva uongarere pamue pu Jesu, nu ave mu serekarere ovina avihe, ooimbi mbi vaka tjita na imbi mbi vaka honga.
31
Nu Eje uatja nai kuvo, ''Indjeje ene oveni koruveze ongaango mu ka suve katit. Orondu tji pari ovengi mbuja veja noku kaenda, nu ovo tjivehari nangarire noruveze ruokuria.
32
Nu ovo va kumuka oveni mosikepi nu ave kondo kotjirongo ongaango.
33
Nu ovandu ve vemuna tjija ve kumuka okujenda, nu mokutja ovengi ija ve vezemburuka, otjiva tupuka pehi komurungu uao okuza movihuro avihe nave kevevazera po, nu ovo arire tjiva uongarere puje.
34
Nu Eje tja heruka ua muna otjimbumba otjinene tjovandu, nu arire tja tondjenda navo, orondu ovo vari otjozondu nde hina omurise.Nu Eje otja utire oku ve honga ovina ovingi.
35
Nu ejuva tji ra toko, ovahongeua ve veja kuje nu avetja, ''Indui oruveze nduri mongaango nu ra toko
36
Ve hinda ve kaende, kutja vehite movikunino mongondoroka, na moviuana veke rirandere oviriua orondu kavena tjina okuria.
37
Nu eje ua zira nu atja nai kuvo, “Ene oveni vepeje ovikuria verie.'' Nu ovo vatja nai kuJe, ''E'te ngatu jende tu ka rande omboroto jondengu jozosilveri omasere jevari tu vepe verie?''
38
Nu Eje uatja nai kuvo, ''Muna ozomboroto ngapi? Kaendee mu ka tare.'' Nu ovo tjivaza nokumuna, avetja, ''Ozomboroto ndano nomahundju jevari.''
39
Nu Eje ua pangurire kutja avehe ngave ve haamisiue pehi movimbumba mehozu engirine.
40
Nu ovo va haamene pehi motuteto tuovimbumba, tjiva tuomasere tjivio tuomirongo vitano.
41
Nu Eje tjaza noku toora inda ozomboroto ndano na inga omahundju jevari, ua tara kombanda mejuru, nu a sere vio ondaja, nu a kojora inda ozomboroto, eze jandja kovahongeua ve kutja vezetue pomurungu uovandu.Nu kuzambo a hana omahundju inga ojevari kuvo avehe.
42
Nu ovo varia avehe ngandu tjive kuta.
43
Nu ovo va toorere ovihanda omurongo na vivari mbie urire outekatekero uo mboroto nomahundju.
44
Nu imba mba rire omboroto vari ovarumendu mangara omajovi jetano.
45
Nu tjimanga Eje ua rakiza ovahongeua ve okuhita mosikepi, kutja ve ende komurungu Ue hembandina, ko Bethsaida ngunda Eje ama piza ovandu.
46
Nu tjaza noku ve piza, arire tja rondo kondundu oku ka kumba.
47
Nu omuihi tji ua tumbukire, osikepi tjari pokati komuronga, nu Eje uari peke pehi.
48
Nu Eje ue vemuna tjija ve kondjo tjinene okuhinga osikepi, ombepo tjija i singi okuza ku mavei. Nu mangara moruveze ruo matjeverero orutjaine ruoutuku eje ueja kuvo ama kaenda kombanda jomuronga, Eje ua tiere oku ve kapita.
49
Nunguari ovo tji ve mu munu ama kaenda kombanda jomuronga, vatjangovasi otjiruru nu arire tjiva uru,
50
orondu ovo avehe ve mu muine nu va urumine. Nu tjimanga Eje ua hungira kuenavo nu atja nai kuvo, ''Vandipareje!'' OuAmi! Amu tira!''
51
Nu Eje uaja kuvo nu a hiti mosikepi, nu ombepo ai kurama oku singa. Nu ovo va himinue tjinene oku kapita omahimino muvo oveni nu ave temua.
52
Orondu ovo tji ve he rihongere motjihimise tjo mboroto, mena rokutja omitima viao via kukutire.
53
Nu ovo tji vaza noku konda hembandina va hitire mehi ra Genesarete, nu ave kuramisa osikepi tjao.
54
Ovo tjiva uta oku pita mosikepi, ovandu ve muzemburuka tjimanga,
55
Nu arire tjiva tupuka mekondua indo arihe na mongondoroka jaro, nu ave tjindi ovavere movimata viao oku ve tuara ingui ku va zuvire kutja okeri.
56
Nu akuhe ingui ka hitire, moviuana, movihuro na mozohambo novikunino, va rarisire ovavere momivanda, nu ave rijarikana kuje kutja ve tune nangarire kotjikoro tjombanda je. Nu avehe imba mbe mu tunine va verukisiua.