1
Nu ovo va konda hembandina jomuronga nu ave hiti mehi ra Gadarenes.
2
Nu Jesu tjaa piti mosikepi, ua hakaena nomurumendu nguari nombepo ohakohoke amazu mo zombongo,
3
Omurumendu ua turire mozombongo.Nu kapena mundu ngu ja jenene oku mu pandeka, kako, nangarire noketanga.
4
Orondu movikando ovingi ua pandekerue nomapando uovitenda nozoketanga. Nu eje ija poro ozoketanga nu a njanjaura omapando uovitenda.Nu kapena umue ngu ja jenene oku mu ura komasa.
5
Nu aruhe, outuku nomutenja ija kara mozondundu namozombongo, ama uru nokurikonda omuini nomaue omatue.
6
Nunguari eje tja muna Jesu, ngunda a eri kokure, otja tupuka ku Je nu e rikotamene kuje,
7
Nu a urire kombanda, nu atja, ''Mbi notjiungura tja tjike kuena ove, Jesu, Ove Muna ua Mukuru uo kombandambanda. Me ku ningire mena ra Mukuru kutja ohendji hihamisa.
8
Orondu Eje tjandje ua tjere, ''Pita momurumendu ingui, mbepo ove ohakohoke.
9
Nu Jesu ue mu pura kutja, Ena roje otjikuae?'' Nu eje ua zira amatja, ''Ena randje o Legione, orondu ouete tuvengi.''
10
Nu eje ue riheka tjinene kutja eheze rambere pendje ne kondua indo.
11
Nambano pari nozombinda ozengi ndu ja zerire popezu posi jondundu.
12
Nu inda ozombepo azehe otji ze rijarikana ku Je, azetja, ''Tu hinda kozombinda kutja tu ka hite muzo.
13
Nu Jesu ueze jandjera oku tjita nao tjimanga, nu inda ozombepo ozohakohoke za pita nu aze ka hita mozombinda, nu orupanda a arire tji rua purukutire po tjikere, aru uire mo muronga, nu mangara jari omajovi je vari uo zombinda, nda siniua ijo muronga na zekoka.
14
Nu imba ovarise vozondu arire tji va tupuka nu ave ka horora itji kotjihuro na mehi ra po, nu ovandu otji va pita oku kamuna kutja itji tji tja tjitua otjikuae.
15
Nu ovo veja ku Jesu, nu ave munu ingui ngua huurirue ijozondemone, ingui nguari na Legiona, a a haama pehi, nu a a zara, a eno ozondunge ze azehe; nua arire tji va uruma.
16
Nu imba mba muna ve ve raera kutja kua tjitua tjike komurumendu ingui ngua huurirue ijozondemone na kozombinda.
17
Nu ovo arire tji va utu okurijarikana kuJe kutja nga pite mekondua rao.
18
Nu eje tjeja moskepi, omurumendu ingui ngua karere hapo a ahuurirue ijo zondemone ue rijarikana kuJe kutja a kare puena Je.
19
Nunguari Jesu ke mu jandjerere, Eje uatja nai kuje, ''Tuende konganda kova zamumue voje nu uke ve serekarere kutja Muhona ueku ungurire ovina ovinene vi, nu ue ku tjiriparere.''
20
Nu eje ua kumuka nu arire tja utu oku hongonona porutjandja mehi ra Dekapolisa kutja Jesu ue mu ungurira ovina ovinene pupetapi, nu ovandu avehe va temua.
21
Nu Jesu tja konda hembandina rukuao mosikepi, ovandu ovengi va uongarerere ku Je, nu Eje uari popezu nomuronga.
22
Nu tara peere umue uo vanane vo sinangonge, Jairusa kena, nu eje tje mu muna ua uira pozombaze Ze.
23
Nu e rijarikana ku Je tjinene amatja, ''Omusukona uandje ingui okatiti uri poo ku koka uri momara.Me ku ningire, indjo u jambeke omake uoje kuje, kutja a verukisiue nu eje a hupe.''
24
Nu Eje ua kaenda puenae, nu ovandu ovengi tjinene ve mu kongorerere nu ave undurasanene mu Je kominda avihe.
25
Nu omukaendu uorive ngua karere ae ziza ombindu ozombura omurongo na mbari,
26
Ngua hihamisirue ovina ovingi momake uozonganga ovengi, nu ngua ungurisire atjihe tjari natjo nunguari aha munu ombatero, pendje na imbui omutjise mbuja u riama komurungu.
27
Tja zuva komunda ua Jesu, eje ua hita mo tjiuangungu aende kombunda Je nu arire tja tunu ombanda Je.
28
Orondu eje ua tjere, ''Tji mba tunu nangarire komituaro vie, ami me veruka.''
29
Nu tjemu tuna, tjimanga omburo jombindu je ja puirisiua, nu eje ueri muna morutu kutja ua verukisiua ko mutjise imbo.
30
Nu tjimanga Jesu ua tjiua kutja omasa ja piti mu Je. Nu otja tanaukira kombunga jovandu nu atja,'' Ouani ngua tunu komituaro viandje?''
31
Nu ovahongeua ve va tjere nai ku Je, ''Mo munu ombunga jovandu ndji mai undurirasana move indji kuzambo otja, 'Ouani ngue ndji tunu?'''
32
Nu Jesu ua tara ongondoroka oku muna ingui ngua tjitire otjina tji.
33
Nunguari ingui omukazendu tjinga ija tjiua kutja kua tjitua tjike muje, ua urumine na zezera. Nu otjeja a uire pomurungu Ue nu e Mu raere ouatjiri auhe.
34
Nu Eje uatja nai kuje, ''Muatje uandje omukazona, ongamburiro joje je ku verukisa, kaende mohange nu verukisiua komutjise uoje.
35
V Nu ngunda Eje ama hungire, kue ere ovandu vemue okuza kondjiuo jo munane uo sinangonge, mba tjere, ''Omusuko uoje uatu. Onguae ngunda tji mo varura Omuhonge.
36
Nu Jesu tja uta oku zuva embo indi nda hungirua, Eje uatja nai komunane uosinangonge, ''O tira, kambura uriri.''
37
Nu Eje ka jandjerere omundu nangarire umue oku mu kongorera pendje ja Petrusa, na Jakobasa na Johanesa omuangu ua Jakobasa.
38
Nu Eje tjeja kondjiuo jomunane uosinangonge, ua muna imba ovandu mbaeve kuenene, na imba mbu ja ve riri nu ave uru tjinene.
39
Nu Eje tjaza noku hita moukoto uondjiuo uatja nai kuvo, ''Onguae tji mamu tjiti ezunganeno no ku rira? Omusukona ka tire nunguari ua rara.''
40
Nu ovo ve mu jorere nomanjengu. Nu Eje ueve rambera pendje avehe, na toora ihe na ina vomusukona, na imba mba enda puena vo, nu ave hiti imba omusukona pari a a rara.
41
Nu Eje ua toora omusukona keke nu atja nai kuje, ''Talitha koumi, okutja musukona metja nai kove penduka.''
42
Nu imbo uriri omusukona otja penduka na kaenda,(orondu eje tjari nozombura omurongo na mbari). Nu ovo va himinue no ku himua okunene.
43
Nu Eje ueve rakiza tjinene kutja ape ha ningi omundu nguma tjiua otjina itji.Nu a pangura kutja omusukona nga peue otjina tjimue a rie.