1
Nu Eje ua utire okuhonga rukuao mene romuronga,nu ombunga oningi jovandu ja uongarerere puje. Nu Eje opa hitira mosikepi tji tjari mo muronga, nu a haama mutjo, nu ombunga aihe jari pehi momukuro uomeva.
2
Nu Eje u eve honga ovina ovingi nomasasanekero, nu atja nai kuvo otja tji ja hongo.
3
''Purateneje, tareje. omukune ua pitire okuka kuna.
4
Nu pa kara nai eje tjija kunu kutja ozondui tjiva za uira mene ro ndjira, no zondera zomejuru zeja nu a ze zeri.
5
Tjiva za uira mehi romaue, pupehari nehi nda jenene.Nu ozo za pita tjimanga orondu ka pari nehi ekoto.
6
Nunguari ejuva tji raza no ku ronda arire tji za pii, nu mokutja kazari no muze aze kukuta.
7
Nu tjiva za uira mokati ko makuija, no makuija tjija hapa a jeze sina nu aze ha jeta otjihape.
8
Nunguari zemue za uira mehi eua, nu aze jeta ovihape mbia hapa nu a viningipara, nu za jeta tjiva omirongo vitatu, tjiva omirongo hamboumue, tjiva esere.
9
Nu Eje uatja nai kuvo, ''Auhe nguna omatui okuzuva ngazuve.''
10
Nu Jesu tja seua peke, imba mbari punaje, na imba omurongo na vevari ve mupura komunda uo tjisasanekero tji?
11
Nu Eje uatja nai kuvo, ''Pa jandjeua kuene okutjiua oviundikua vio uhona uejuru. Nunguari imba mberi pendje mave peua ovina avihe movisasanekero,
12
kutja tjima vetara, ii mavetara, nave ha munu, oku puratena mapeja ave puratene nu aveha pangununa, tjaa ngaave tanauka nu Mukuru eve isire.''
13
Nu Eje uatja nai kuvo, ene kamuna ku tjiua otjisasanekero itji? Nu nanguari mamu je ku tjiua vi ovisasanekero ovikuao?
14
Omukune u kuna embo.
15
Nu imba ovo mberi mene jo ndjira embo tji mari kunua, nunguari ovo tji vazu noku zuva, otji peja Saatana, nu a hakana indi embo ndari a rakunua mo mitima viao.
16
Nu imba ovo uina ovo imba mba sana na inda nda uira mokati komaue; ovo mba mbe zuva embo, nu tjimanga ave jakura ro no ndjoroka;
17
Nunguari ka ve na muze muvo oveni, nu otji ve takama oka ruveze okasupi. Nu kombunda ombamisiro poo okuhangaurua tji kueja mena rembo ovo ve putara mo tjimanga.
18
Nu inda tjiva ozonda ndu maze kunua mokati ko makuija. Imba ovo imba mbe zuva embo,
19
Nu omerikendero uo uje mbui no mbukisiro jo rutumbo, nozondero zo vina viarue tji za hiti, a ze sina indi embo, nu ari ha jeta ovihape.
20
Nu inda nda kunua mehi eua, imba ovo mba mbe zuva embo nu ave jakura ro, nu ave jeta otjihape, tjiva omirongo vitatu, tjiva omirongo hamboumue, tjiva esere.
21
Nu Jesu uatja nai kuvo, ''Tjii ujeta erambe mondjiuo kutja ri tuue kehi jotjihanda poo kehi jombete? U ri hitisa moukoto nu orituapo potjitihe.
22
Orondu kapena tjimue tjitja horekua tjitji hina oku tjiukua, poo tjimue tjitja undikua tji tji hina oku vandururua.
23
Omundu auhe nguna omatui okuzuva nga zuve''
24
Nu Eje uatja nai kuvo, ''Takamiseje mbi mamu zuu, otjisaneke itji tji mamu saneke natjo ene otji mamu sanekua natjo, nu amu ueziruako ovingi.
25
Orondu ingui ngu notjina ma peua ovingi, nu ingui ngu hina tjina ma jekua naitji tje natjo.''
26
Nu Eje uatja, ''Ouhona ua Mukuru uri tjimuna omundu ngua ka umba ondui mehi.
27
A ka rara outuku, nu a penduka omutenja, nu ondui ojo ai piti nu ai hapa nu eje ae hina tji matjiua.
28
Orondu ehi ri ripitisira otjihape kuro orini, rutenga otjijao, kuzambo okutui nu kombunda ondjatu jozondui.
29
Nunguari otjihape tji tja horo, tjimanga ma pitisa oruvio orukonde, orondu omakondero tji je ja.''
30
Nu Eje uatja nai rukuao, ''Matu saneke ouhona ua Mukuru ku tjike, Poo otjisasanekero tjine tji matu u sasaneke ko?
31
Ouo uasana kondui jomosteri, ndjiri kutja tji mai kunua mehi onditi pozondui azehe nderi kombandehi.
32
Nunguari tjija kunua, ojo i kura, nu ai kapita ovihape avihe viotjikunino, nu ai hara ovitavi ovinene, kutja ozondera mejuru ze tunge oviruuo viazo momuzire uajo.''
33
Nu Eje ueve serekarera embo no visasanekero ovingi tjimuna imbi, otja pu ja ve jenene oku zuva ro.
34
Nu Eje ka a hungire kuena vo nokuhina tjisasanekero. Nunguari tja seua peke puena ovahongeua ve ijeve pangununine ovina avihe.
353637
35 Nu mejuva otjingero, ongurova tjijeja, uatja nai kuvo, ''Ngatu konde hembandina.''
36 No ovo ave hanika no mbunga jovandu, otjiva toora Jesu nu avei punae, ovo tjive mu vazere a a rondo moskepi hapo. Nu pari ouskepi oukuao outiti puena Je.
37 Nu pa sekama otjivepo otjinamasa, nu ozongazona zatjo ze ri vandere moskepi nga tji tje ura omehi.
38
Nu Jesu ua rondere kombunda mosikepi, a a rara potjikusinga.Nu ovo ve mupendura nu avetja kuJe, ''Muhonge, kona konatja tji matu koka?''
39
Nu Eje ua sekama, a kandaiza ombepo nu atja nai komuronga, ''Ohange, porimana!'' Nu otjivepo tja kurama nu aku poro tjinene.
40
Nu Eje uatja nai kuvo, ''Onguae tjimua uruma nai? Onguae tjimu hina ongamburiro?
41
Nu ovo va urumine tjinene nu ave purasana nai, ''Ingui nanguari ouani, ngu puratenua ijo mbepo nomuronga nu avi zuu ku Je?''