1
Nu Jesu ua hita rukuao mosinangonge, nu pari nomurumendu imbo nguari neke nda uonja.
2
Nu ovandu tjiva ve mu tarererere katjiri kutja me mu verukisa mesapata poo inde, kutja ve sore oku mu vara omunandjo.
3
Nu Jesu uatja nai komurumendu ingui nguari neke nda uonja, ''Indjo u kurame pokati kovandu avehe,
4
Nu Eje uatja nai kovandu, ''Okusemba oku ungura ouua meSapata poo oku ungura ouvi, Oku jama omuinjo poo okuzepa?'' Nunguari ovo va muina uriri.
5
Nu tjaza noku riangisa omeho Ue muvo a a pindike, ama hihamisiua ijo makukutiro uomitima viao, eje uatja nai ku ingui omurumendu,'' uonjonona eke roje. Eje ua uonjonona ro, nu eke re ari veruka arihe.
6
Nu Ovafarisei va kaenda nu tjimanga ave kemu tanda puena ovaherote kutja mave mu zepa vi.
7
Nunguari Jesu ua kaenda puena ovahongeua ve nu ave I komuronga, nu ombunga jovandu okuza ko Galilea ve mu kongorera, noku za ko Judeja,
8
Noko Jerusalema, noko Idumea, noku za hembandina ja Jordan noku za ko mikuma via Tirasa na Sidona. Nu tjija zuva ovina ovinene mbija tjiti, ombunga onjingi jovandu otjije ja ku Je.
9
Nu Eje ua hungira kuena ovahongeua ve, kutja ve kare ava tunu okaskepi okatiti, oku tjitira kutja ovandu ave he mu jata, orondu ovo tji vari ovengi tjinene.
10
Orondu Eje ua verukisire ovengi, nu ovandu mba vera ija ve undurasana, ama ve kondjo kutja ve tune kuje.
1112
11 Nu ozombepo ozohangohoke ijaze uire pehi pomurungu ue tjize mu munu nu aze ravaere ama zetja, ''oove Omuna ua Mukuru.'' Nu Eje ue ze rakiza nomasa kutja aze mu horora kutja Eje ouani.
13
Nu eje ua ronda kondundu nu a isana imba mba zerire, nu ovo ave ja ku Je.
14
Nu Eje a zeuparisa omurongo navevari (nu eve ruku ovaapostolo), kutja ve kare puena Je, nu eve tume pendje oku ka zuvarisa ombuze,
15
Nu ve kare no uvara uoku verukisa omitjise, noku nakaurira ozondemona pendje.
16
Ua zeuparisa imba omurongo na vevari, Simona, Jesu ua jandja o sano ja Petrusa.
17
Na Jakobasa omuna ua Zebedias, na Johanesa omuangu ua Jakobasa, nu eje ue vepa o sano ndji Boanergesa, okutja ovazandu ve raka ro mbura.
18
Na Andreasa, na Filipi, na Bartolomeusa, na Mateusa, na Tomas, na Jakoba omuna ua Alfeusa, na Thadeusa, na Simona ua Kanana,
19
Na Judas Iskariot ngue mu randisa.
20
Nu eJe ai konganda, nu ombunga jo vandu ja uongara rukuao, nu ovo ave ha sora nangarire ingui oku ria omboroto.
21
Nu mokuzuva tji, ovazamumue ve, otji va sekama oku ke mujeta, orondu tji ja avetja, ''Ua vere oviuoze.''
22
Nu ovatjange mba zire ko Jerusalema va tjere, ''Eje una Belzebub, nu u nakera ozondemona pendje no hongora jozondemona.''
23
Nu Jesu ueve isanena ku Je natja nai kuvo, movisasanekero, ''Saatana ma jenene vi oku nakera Saatana pendje?''
24
Nu ouhonapare auhe mbu mau rihana nu au pirukirasana kuuo ouini, ouhonapare imbo kanaa u zikama ko.
25
Nu ondjiuo aihe ndji mai rihana nu ai pirukisana kujo ojini, ondjiuo indjo, kanaa i zikama ko.
26
Nu Saatana tje risekamene omuini okuriruisa, nu eri hana, kanaa zikama ko, nunguari okutja ueja kondjandero.
27
Kapena mundu ngu ma jenene oku hita mondjiuo jomunamasa nu a pundu ovina vie andu tja pandeke omunamasa rutenga, nu imbo otji ma jenene oku punda ondjiuo je.
28
Tjiri metja nai kuene, ovanatje vovandu mave jenene oku jesirua omauvi ajehe, nozondjambu azehe ndumave jamburura nazo Mukuru,
29
Nunguari auhe ngu ma jamburura Ombepo Ondjapuke kanaa munu ko ondjesiro, nunguari uri mo umba uo mbanguriro jaaruhe.
30
Jesu uatja nao mena rokutja, ovo va tjere, ''eJe u nombepo ohakohoke.''
3132
V 31 Kuzambo otji peja ina no vangu ve, ave kurama pendje. Nu ave hindi omundu ku Je oku ke mu isana.
V 32 Nu ombunga jo vandu ndja haamene aje mukondoroka ja tjere kuje, ''Tara, njoko novamuangu voje veri pendje nu mave ku paha.''
33
Nu Eje ue vezira nu atja, ''mama ouani, poo ovamuangu vandje oouani?''
34
Nu Eje ua tarere mu imba mbe mu koverere ava haama pehi, nu atja, ''Tareje, mama novamuangu vandje ovomba!'
35
Orondu auhe nguma ungura ombango ja Mukuru, ingo onguri omuangu uandje, omutena kuandje, na mama.''