1
Nu pakara nai kutja, otjimbumba tjovandu tjeri undururire mu Je okuzuva embo ra Mukuru, Neje ua kuramene mene romuronga ua Genesaret.
2
Neje ua muine ouskepi uvari mbua kuramene mene romuronga. Nunguari tjandje imba ovapate vomahundju va piti muvio mave koho ozombate.
3
Jesu ua hita mu kemue kouskepi imbui, ku ka ri oka Simon, Ne mu ningire oku ke humburure katiti ne hi. Nu Eje ua haama pehi nu a hongo ovandu ae ri mokaskepi.
4
Nu tjaza noku mana okuhungira Ua tja nai ku Simon, Hingiree popakoto, nu mu umbe ozombate zenu muumbuzure ozohi.
5
Nu me zirira Petrus uatja ku Je, Muhonge, ete tua kondjo outuku auhe nu katuna tji tua pata. Nunguari motjimbe tjembo ro Je me umbu ozombate.
6
Nu tjiva tjita nao va pata omahundju omengi nga ozomabte zao tjimaze ruku oku njondoroka.
7
Novo otjiva nanga otjira tjao, tji tjari mokaskepi inga okakuao, kutja ve je okuvevatera. Nu ovo veja nu ave urisa ouskepi au je vari ngatji mau utu okutomuina.
8
Nu Simon Petrus tja muna itji, otje ri uisira pehi pozongoro za Jesu, amatja, Zapo pu ami, Arikana Muhona, orondu ouami omurumendu omunauvi.
9
Orondu eje na imba mbari puena vo tjiva himisirue ijo uingi uomahundju ngu va pata.
10
Na Jamesa na Johanes, ovazandu va Zebedius, mbari ovo tjira tja Simon tjo ku pata omahundju, uina va himinue nao. Nu Jesu uatja ku Simon, O tira, okuzamba mo rire omu pate uovandu.
11
Novo tji vaza noku nanena ouskepi uao komukuro, va jesa ovina avihe, nu ave Mu kongorere.
12
Nu pa kara nai, kutja, tjari motjihuro tjimue, tara, omurumendu ngue urire omutjise omuzeu uomukova! Neje tja muna Jesu ua ua ondurumika, nu e rijarikana ku Je atja, Muhona, Ove tjimovanga, Ove mo jenene oku ndji kohorora.
13
Nu Eje ua uonjonona eke Re nu E mu tunu, amatja, Me vanga, ove kohoka. Nu tjimanga omutjise omuzeu uomukova au piti mu je.
14
Nu Eje Ue mu rakiza, Oraere ko omundu. Nunguari tuende nu u ke riraise komopristeri nu u ka jandje otjijandjeua tjoku kohororua kuoje, otja Mose tja pangurire tji rire ouhatoi kuvo.
15
Nunguari ombuze komunda Ue ja handjukira ko. Nu ovimbumba ovinene vieja oku je ku zuva, noku verukisiua i Je komitjise viao.
16
Nunguari Eje ua za mo mokati kao ai mongaango nu a ka kumba.
Jesu ma verukisa omuremane
17
Nu pa kara nai ejuva rimue Eje ngunda ama hongo, kutja, Ovafarisei nozonongo zoveta mba zire movihuro avihe via Galilea, na Judea, na Jerusalem za haamene mbo. Nu omasa ua Muhona uoku verukisa jari mbo.
18
Nu tara ovarumendu va jetere omurumendu omuremane ngua rarisirue mombete. Nu ovo va pahere oku mu jeta oku mu rarisa pomurungu Ue.
19
Nu ovo ka ve muine ko omuano uo ku mu hitisa mena rouingi uovandu mbuari mbo. Nu ovo otjiva ronda komututu uondjiuo, nu ave mu herurire mokati kovihokere ae ri mombete ,mokati kovandu pomurungu ua Jesu.
20
Nu tja muna ongamburiro jao, uatja nai ku je, Murumendu ove ua jesirua omauvi uoje.
21
Nu ovatjange nOvafarisei va uta oku rihungirira, amave tja, Ingui ouani ngu ma hungire ozondjambu ku Mukuru? Ouani ngu ma jenene okujesira omauvi pendje na Mukuru erike?
22
Nu Jesu tja tjizire omeripura uao, U eve zirire nu Atja, Mamu ripura na tjike momitima vienu?
23
Otjipupu potjikuao ootjine, okutja, ove ua jesirua omauvi uoje, poo okutja, Sekama nu rianga?
24
Nunguari kutja mutjiue kutja Omuna Uomundu una ouvara oku jesira omauvi kombanda jehi, Eje uatja nai komuremane, Metja nai kove, sekama, toora ombete joje nu u jende kondjiuo joje.
25
Nu tjimanga eje ua sekama pomurungu uao, nu a toora itji tja rarere po, nu a kaenda ai kondjiuo je omuini ama hivirike Muhona.
26
Nu avehe va himinue nu ave hivirike Mukuru, nu ve urisiua nondira, nu avetja, Tua munu ovihimise ndinondi.
27
Nu kombunda jo vinambi Eje ua kaenda nu aka muna omusutise uotjisuta tjouhona, ngua rukirue Levi, aa haama pondjiuo jo masutiro, nu atja nai ku je, Ndji kongorera.
28
Nu eje ua jesa avihe, a sekama, nu e Mu kongorere.
29
Nu Levi ue Mu unguririre omukandi omunene mondjiuo je. Nu pari otjimbumba otjinene tjovasutise votjisuta tjouhona novakuao mba haamene pehi puena vo.
30
Nunguari imba ovatjange nOvafarisei va unaunina ovahongeua Ve, amavetja, Onguae tjima muri nokunua puena ovasutise votjisuta tjouhona novarunde?
31
Nu Jesu ua zira natja kuvo, Imba mberi naua kave hepa omuverukise, pendje na imba mba vera.
32
Ami hi jereere oku isana ovasemba nunguari (mbe jera oku isana) ovarunde komeriverero uo ndanaukiro.
33
Nu ovo vatja nai ku Je, Onguae ovahongeua va Johanesa tji ve ri tjaera kovikuria potuingi, noku kumba, tjingee imba ovOvafairsei, nu imba ovoje tji veria noku nua?
34
Neje uatja nai kuvo, Mamu jenene okutjita ovanatje ve tuuo romukandi uorukupo oku ritjaera kovikuria ngunda omukupe ae ripuena vo are?
35
Nu omajuva ma eja ingui omukupe tjima toorua muvo, nu okuzambo otji ma veje ku ri tjaera kovikuria momajuva ingo.
36
Nu Eje ua serekarera otjisasanekero kuvo, Kapena mundu ngu rapa ekoti epe komutuaro omukuru, orondu indi epe mari njondorora, nu inde kuru karina ku puasana na inde pe.
37
Nu kapena mundu ngu pakere omavinu omape mozondjatu zomikova ozonguru.Orondu omavinu omape maje pamuna inda ozondjatu zomikova, nu aje tika, nu ozondjatu aze zundara.
38
Nunguari omavinu omape jaso ku pakerua mozondjatu ozombe, nu avivari avitakamisiua.
39
Nu kapena mundu ngu manu omavinu omakuru nu tjimanga imbo a paha oku nua omape, orondu tji matja inga omakuru omaua.