1
Nomajuva hamboumue komurungu uo Marurumino Jesu otje ja ko Bethanie, Nasarusa ka ri, ingui Jesu ngua pendurire movakoke.
2
Ingo ve Mu ungurira eriro romapeta. Marta ija risa ovandu, nunguari Nasarusa ua ri umue ua imba mba haamene potjitihe puena Je.
3
Kuzambo Maria otja toora ohinga jo lita jo vinuke vio ndengu jo vaheva, na sopora navio ozombaze za Jesu, na piena ozombaze Ze nozondjise ze. Nu ondjiuo je urisirue no munuko uo vinuke.
4
Nu omuhongeua Ue umue, Judas Iskariot, omuna ua Simon, ngue ke Mu horora kombunda, otja tja,
5
Onguae o vinuke mbi tji vi ha randisirue ko vimariva vio silveri omasere jetatu, na vi jandjeua ko vasiona?
6
Eje ka tjere nai mokutja ije rikendere o vasiona, nunguari jar i mokutja ua ri erunga, nu o ngu ja tjindi ondjatu jo vimariva, nu otji je ritoorere imbimbia tu ua moukoto.
7
Nu Jesu otja tja, Mueseje erike. Eje ua takamisiririre imbi ejuva ro mbakero Jandje.
8
Orondu ovasiona mave kara puena ene aruhe, nunguari Ami hina ku kara puena ene aruhe.
9
Nu o Vajuuta ovengi otji va tjiua kutja U ringo. Novo ka ve jere mena ra Jesu erike, nunguari uina ve jera oku muna Nasarusa ngua pendurirue i Je movakoke.
10
Nunguari Ovapristeri ovanene ve ripura kutja ve zepe Nasarusa uina,
11
Orondu mena re Ovajuuta ovengi vaja nave ka itavera mu Jesu.
12
Mejuva e pendukirua, tjitja zuva kutja Me ja ko Jerusalema, otjimbumba otjinene tjovandu,
13
Tja toorere ovitavi viomavare, natji piti oku ke Mu tjakanena. Novo va ravaerere, Hosanna! Ja serua ondaja indji ombara ja Israel ndji mai ja mena ra Muhona
14
Nu Jesu tjaza noku vaza okasinona, Eje ua kavira ko, otja tji pa tjangua,
15
O tira musuko ua Sion, tara, ombara joje mai ja a ja kavire okasinona.
16
Novahongeua ve kave tjivirue ovina imbi kombutiro. Nunguari Jesu tjaza noku jerisiua ovo otji va zemburuka kutja ovina mbi via tjangerererue Je, nokutja ovo va tjitire ovina mbi ku Je.
17
Notjimbumba itji tji tja ri puena Je, Eje tja isana Nasarusa mombongo, nu E mu pendura movakoke, otji tja hatoira.
18
Mena ra itji, otjimbumba otji tje Mu tjakanena uina, orondu tjandje va zuva kutja Eje ua tjita otjihimise tji.
19
Ovafarisei otji va tja nai mokati kavo oveni, Mamu munu kutja kamuna tji matji mu kotokere. Tareje, nambano ouje ua kongorere Je
20
Nu muari Ovahirika vorive mokati kvo mbe jere oku rikotamena po Mukandi.
21
Imba otji ve ja ku Filip, ngua zire ko Bethsaida tja Galilea, nave mu pura, amave tja, Mutengua, matu vanga oku muna Jesu.
22
Filip ua ja n aka raera Andreas. Nu oo Andreas na Filip, ave ka raera Jesu.
23
Jesu Ue ve zira, ama tja, O iri jeja jo kutja Omuna uo Mundu a jerisiue.
24
Tjiri, tjiri, Me tja nai kuene, andu ondui jo vikokotua tji ja uire mehi nai koka, i rira imue, nunguari tji ja koka I jeta ovihape ovingi.
25
Auhe ngua suvera omuinjo ue ma pandjarisa uo. Nu ingui ngu ma njengua omuinjo ue mouje mbui ma takamisire uo komuinjo uaaruhe.
26
Auhe ngu ma ungurire Ami, nge Ndji kongorere; nu akuhe ku Mbiri omukarere Uandje oku makara. Nu auhe ngu ma karere Ami, Tate Me mu pe ondjozikiro.
27
Nambano omuinjo Uandje ua zungana, nu Hi tje vi? Tate Ndji jama ko iri ndji? Nunguari motjimbe tja itji, Ami otji mbe jera koiri ndji.
28
Tate jerisa ena roje.Nu otji kueja eraka okuza Kejuru, amari tja, Ami Mbe ri jerisa po tuvari, nu Me ri jerisa rukuao.
29
Nu otjimbumba tji tja kuramene mbo na tji zuu tja tja, kua tutuma. Ovakuao va tja omuengeri ua hungire kuena Je.
30
Jeus Ua zira Na tja, Eraka ndi kari jere ra Ndje, nunguari omena re nu.
31
Nambano ombanguriro jouje mbui, nambano omunane uouje mbui ma nakerua pendje.
32
Nu Ami ti mba jererua kombanda okuza mehi, Me nanene avehe ku Ami.
33
Eje ua hungirire itji ama sasaneke omuhingo uondiro ndji Me je kuta na jo.
34
Otjimbumba tjovandu tje Mu zirire, Tua zuva moveta kutja Kriste u hupa ngaaruhe. Nu ovi tji mo tja, Omuna uo Mundu uaso ku jerua kombnda? Omuna uo Mundu ouani?
35
Jesu Ua tja nai kuvo, Ngunda okaruveze okasupi ondjerera iri puena ene. Kaendeje ngunda a mu no ndjerera, tjaa ondorera ngaa ija kombanda jenu. Orondu ingui ngu kaenda mondorera ka tjiua kutja ma I pi.
36
Ngunda a mu no Ndjerera itavereje mo Ndjerera kutja tjaa mu rire ovanatje vo Ndjerera. Jesu ua hungira ovina mbi Na kaenda, Na horekua kuvo.
37
Nunguari nangarire tja tjitire ovihimise ovingi nai pomurungu uao, ovo kave itaverere mu Je,
38
Kutja omambo uo muprofete Jesaja je jenenisiue, nga hungirire, Muhona ouani ngua itavera momazuvarisiro uetu? Nu okuuoko kua Muhona kua raisiua kuani?
39
Mena ra itji ovo kave peurire oku itavera, orondu Jesaja uatja nai rukuao,
40
Eje ua potuparisa omeho uao na kukutisa omutima uao, kutja ave ha munu nomeho uao poo oku pangununa no mutima uao, nu ve tanaurue kutja Mbi ve verukise.
41
Jesaja ua hungira ovina mbi tja muna Oujere Ue, na hungire ohunga na Je.
42
Nunguari, na tji pari nai, ovengi uina okuza movanane va itaverere mu Je. Nunguari motjimbe tjo Vafarisei kave hongononene, orondu tjija ve tira kutja mapeja ave ramberua pendje no sinagoge.
43
Orondu ovo va suverere oku tangua ijovandu oku kapita oku tangua i Mukuru.
44
Jesu Ua ravaera Na tja, Nu ingui ngu ma itavere mu Ami, kena ku itavera mu Ami, nunguari ma itavere mu ingui ngue Ndji hinda.
45
Nu ingui ngu ma munu Ami, ma munu ingui ngue Ndji hinda.
46
Ami Mbe ja otja ondjerera mouje, kutja auhe ngua itavere mu Ami a ha kara mondorera.
47
Nu auhe ngua zuu omambo Uandje na ha itavere, Ami hina ku mu pangura; orondu Ami Hi jerere oku pangura ouje nunguari oku jama ouje.
48
Ingui ngu me Ndji imbirahi, na ha jakura omambo uandje, una umue ngu me mu pangura; Embo indi ndi mba hungira, oro ondi ma ri mu pangura mejuva romaandero.
49
Orondu Ami Hi ri hungiririre, nunguari Tate ngue Ndji hinda Uendji rakiza, kutja Hi tje vi, nu Hi hungire vi.
50
Nu Me tjiua kutja etuako Re omuinjo uaaruhe. Otjina atjihe tji Me hungire, opu Mbi tji hungira tjimuna Tate Tje Ndji raera.