1
Nambano omurumendu uorive, Nasarusa ua Bethanie, otjihuro tja Maria nomuangu ue Martha, ua verere.
2
Maria ingui ongua soporere Jesu novinuke, na piena ozombaze Ze nozondjise ze; nu Nasarusa omutena kue ongua verere.
3
Nu imba ovatena otji va raa ku Je, kutja, Muhona, Tara, ingui ngu Ua suvera ua vere.
4
Nu Jesu tja zuva itji, Ua tja, Imbui ka mutjise mbu mau tuara kondiro, nunguari ouo ujere ua Mukuru, kutja, muuo Omuna ua Mukuru a hivirikue.
5
Nu Jesu Ua suverere Marta, nerumbi re, na Nasarusa.
6
Nunguari tja za nokuzuva kutja ua vera, Eje ua kara omuajuva jevari kona kari.
7
Nu kombunda ja nao arire tja tja kovahongeua Ve, Ngatu hite mOjedea rukuao.
8
Ovahongeua va tja ku Je, Muhonge, Oupe nai uriri Ovajuuta ijave kondjo okukuveta omaue, nu Mo jaruka ngo rukuao.
9
Jesu ua ziririre, Kamuna zoiri omurongo nambari mejuva are? Omundu auhe ngu ma kaenda omutenja ka putara, orondu u muna ondjerera jouje mbui.
10
Nunguari omundu tji ma kaenda outuku, eje ma putara, orondu kamuna ndjerera mu je.
11
Eje tja za nokuhungira ovina mbi, Ua tja kuvo, Epanga re tu Nasarusa ua rara, nunguari Ami mei kutja Mbi kemupendure mozombotu.
12
Novahongeua Ve otji va tja, Muhona, eje tja rara ma kara naua.
13
Nunguari Jesu ija hungire ohunga nondiro je, ovo amave tjangovasi ma hungire ohunga nomasuviro uokurara.
14
Jesu opa hungirira ongahukiro kuvo Na tja, Nasarusa ua tu.
15
Nu Ami Mba tjaterua mena renu, kutja Hi Mba ri ngo, kokutja ene mu itavere.
16
Nu Tomas, ngu isaneua Didimus, opa tjera nai kovahongeua ovakuao, Ete uina ngatu jende kutja tu k ate puena Je.
17
Nu Jesu Tje ja, Ue mu vazere aa rarisiua mejendo omajuva jane hapo.
18
Nambano Bethanie tja ri popezu na Jerusalema, oure mangara uozomaela mbari.
19
Novajuuta ovengi ve jere okuhuhumina Marta na Maria, ohunga nomutena kuao.
20
Nu Marta tja zuvire kutja Jesu me ja, ue Mu tjakanena, nunguari Maria ua haamene mondjiuo.
21
Nu Marta otja tja nai ku Jesu, Muhona, andaku Ove Ua ri mba, andaku omutena kuandje ka a tire.
22
Nunguari ami me tjiua kutja nangarire nai, atjihe tji Mo ningire ku Mukuru, Mukuru Me tji jandja Kove.
23
Jesu Ua tja nai ku je, Omutena kuee ma penduka rukuao
24
Marta ua tja nai ku Je, Ami me tjiua kutja ma penduka rukuao mombendukiro, mejuva romaandero.
25
Jesu Ua tja nai ku je, Ouami ombendukiro nomuinjo. Ingui ngu itavera mu Ami, nanda tu, eje ma kara nomuinjo.
26
Nauhe ngu nomuinjo na itavere mu Ami kanaa tu nangarire.
27
Eje ua tja ku Je, ii Muhona, mbi itavera kutja, Oove Kriste, Omuna ua Mukuru, ngua sere okuja mouje.
28
Neje tjaza nokuhungira nai, ua kaenda, naka isana erumbi re Maria movineja, ama tja, Omuhonge ue ja nu me ke isana.
29
Nu tja uta okuzuva nai, eje ua sekama tjimanga, nai ku Je.
30
Nambano tjandje ngunda Jesu ke ja hita motjihuro, nunguari U ri poruveze otjingeruo Marta pa uanene na Je.
31
Ovajuuta mbari puena e mondjiuo amave mu huhumina, tjiva muna kutja Maria ua sekama tjimanga na piti, otji ve mu kongorera, amave tja, Mai kombongo okukaririra ngo.
32
Nu Maria tje ja pona Jesu pa ri, ne Mu muna, otja uira pozombaze Ze, ama tja ku Je, Muhona, andaku Ove Ua ri mba, andaku omutena kuandje ka a tire.
33
Nu Jesu Tje mu muna ama riri, Novajuuta mbe ere puenaje amave riri, otja nona mombepo na zungana,
34
Na tja, Mue mu rarisa pi? Novo va tja ku Je, Muhona, indjo u katare.
35
Jesu ariri.
36
Novajuuta otji va tja, Tareje kutja Ue mu suvevrere vi.
37
Nu tjiva vao va tjere, Okutja omurumendu ingui ngua patururire omeho uomupotu, ka tja jenena okutjita kutja na ingui aha tu.
38
Nu Jesu ama nono rukuao Muje Omuini, otje ja pombongo. Ojo jar i ondimba, neue ra tuiirue pombanda ja jo.
39
Jesu Ua tja, Isapueje indi eue. Marta omutena uomuti, ua tja ku Je, Muhona, moruveze ndui eje ma nuka, orondu u nomajuva jane a a ta.
40
Jesu Ua tja ku Je, Ami Hi ku raerere kutja tji mo itavere momunu ujere ua Mukuru.
41
Novo va isapo eue imba omuti pa rarisirue. Nu Jesu ua jera omeho Ue, Na tja, Tate Metja okuhepa Kove, orondu Ove Ue Ndji zuvire.
42
Nu Ami Me tjiua kutja Ove U Ndji zuvira aruhe, nunguari Mba tja nai mena rovandu imba mba kurama imba, kutja ve itavere kutja Ove Ue Ndji hinda.
43
Nu Tja za nokuhungira nai, ua ravaerera kombanda Na tja, Nasarusa pita u je!
44
Nomuti ua pita, a a mangua nozonguju zombakero kozombaze ze na momake, nomurungu ue a ua kutjirua nonguju. Nu Jesu Ua tja, Mu mangurureje, nu mueseje a kaende.
45
Novengi Vovajuuta mbe jere ku Maria, nu mba muna ovina Jesu mbia tjita, va itavera mu Je.
46
Nunguari tjiva vao va ja Kovafarisei, nave ke ve raera ovina Jesu mbia tjita.
47
Novapristeri ovanene no Vafarisei otji va isana ombongarero jotjira tjo vanane, nave tja, Ngatu tjite vi? Orondu omurumendu ngui u tjita ovihimise ovingi.
48
Tji tue muesa uriri nai ovandu avehe maveje ku itavera mu Je. Novaroma mave ja nave tujeka oruveze ruetu notjiuana.
49
Nu Umue uao, Kaifas kena, ngauri Omupristeri omunene indji ombura ndjo, ua tjere nai kuvo, Kamuna tji mu tjiua kaparukaze,
50
Poo kamuna ku muna kutja mape tu puire kutja omundu umue a tire otjiuana, kutja otjiuana atjihe a tji ha njonua.
51
Neje ka hungirire nai omuini, nunguari otja Omupristeri Omunene ombura ndjo, ija profete kutja Jesu uasokutira otjiuana.
52
Nu kajari tjiuana tjo uriri, nunguari uina kutja a uongere kumue morutu rumue ovanatje va Mukuru mba rimbara mouje auhe.
53
Nokuza mejuva indo va utire okuripura pamue kutja mave Mu zepa vi
54
Mena ra itji Jesu otja kuramisa okukaenda pu Ma munika mokati Kovajuuta, Na zuko ngo nai kuta kehi ongaango, kotjihuro tjena Efraim, Na ka kara ngo novahongeua Ve.
55
Nomukandi uo Vajuuta uo Marurumino ua ri popezu. Novengi va zire momaturiro uokuti okujenda ko Jerusalema komurungu uo Marurumino, okukerikohorora.
5756
Novo tji va pahere Jesu, nave hungire mokati kao oveni ngunda ava kurama mondemberi, Mamu ripura vi? Kutja Ke na ku ja Komukandi? /v57 Nambano imba Ovapristeri Ovanene no Vafarisei va pitisire va rakizire kutja, auhe ngu ma tjiua kutja uripi, nga horore kutja ve ke Mu kambure.