1
Nunguari omurumendu uorive uena Ananiasa, na Safiira omukazendu ue, va randisire tjimue tjo rutumbo ruao,
2
Nu otja konda tjiva vio vimariva (mo nduvasaneno kuena o mukaendu ue) na eta o karupa korive kavio, na tua ko po zombaze zo vaapostolo.
3
Nunguari Petrusa ua tja, ''Ananiasa, onguae Saatana tje ku ura mo mutima, oku korera o Mbepo o Ndjapuke o vizeze, no kutja u konde tjiva vio vimariva vio ndengu jehi.
4
Ngunda a tjiri po, katjari o tjenu? Nu tji tja zire noku randisiua, katjari mo uvara uenu? Onguae tji mue riutire o tjina tji mo mutima uoje? Ove ko korere o vizeze ko mundu, nunguari oku Mukuru.''
5
Nu Ananiasa tja zuva omambo nga ua uira pehi, na koka, no ndira o nene je ja kombanda ja imba mba zuva o vina mbi.
6
No varumendu omitanda va sekama, ave mu manga, nave mu tuara, nave ke mu paka.
7
Nu kombunda jo zoire mangara ndatu, omukazendu ue otje ja, ae hina ku tjiua kutja pa tjitua tjike.
8
Nu Petrusa uatja kuje, ''Ndji raera, kutja mua randisa ehi renu ko vimariva mbi tamba?'' Neje atja, Ii, kovimariva mbi tambo.''
9
Nu Petrusa otja tja ku je,'' Onguae tji mua zuvasana oku rora o Mbepo ja Muhona? Tara, o zombaze za imba mba ka paka o murumendu uoje zeri po muvero, novo mave ku toorere pendje.
10
Nu mo hakahana eje otja uira pehi po zombaze ze, na koka. No varumendu imba o mitanda ve mu vaza aa koka, nave mu toorere pendje, nave ke mu paka mene ro murumendu ue.
11
No ndira o nene je ja kombanda jo kereka aihe, no kombanda ja imba avehe mba zuva ovina mbi.
12
No vikaneno no vihimise o vingi via tjitua mokati ko vandu ijo make uo vaapostolo.Novo avehe va karere no nduvasaneno imue mo rupoko rua Solomona.
13
Nu mu imba o varue avehe, kapena umue ngua rorera uina oku ri uanisa kuena vo; nunguari o vandu ve ve pere ondengero.
14
Nu ovengi vo vakambure ovakuao va ueziua ku Muhona, ovimbumba vio varumendu no vakazendu,
15
ovo noho ijave toora o vavere nave ve tua mo zondjira zo vihuro, nave ve rarisa mo vinguma no vihaverua, kutja nani o tjizire tja Petrusa tji ma kapita matji uire kuvo.
16
Nu uina pe jere ovimbumba okuza mo vihuro ongondoroka na Jerusalema, mba jetere o vavere na imba mba tatumisirue ijo zombepo ozo hakohoke, navehe va verukisiua.
17
No mupristeri o munene ua sekamene, na imba mbari puena je (inga o kambumba ko vasadukai); novo ave ura neruru
18
nave tua o make uao ko vaapostolo, nave ve tua mo ndorongo jo muhoko.
19
Nunguari mo ngurova omuengeri ua Muhona ua jezururire omijero vio ndorongo neve pitisa pendje, na tja,
20
''Kaendeje! Kakurameje mo ndemberi nu mu serekarere ko vandu o mambo ajehe uo Muinjo mbui.''
21
Novo tji va zuva tji, va hita mo ndemberi mo muhuka omunene, nave hongo. Nunguari o mupristeri o munene ueja, puena imba mbari puena je, nave isana ombongarero jo Sanhedrina, no vanene avehe vo vanatje va Israel, nave hindi o vandu ko ndorongo oku ke veeta.
22
Nunguari imba ovaungure vo mberoo tji veja kave ve vazere mo ndorongo, novo va jaruka nave ka horora,
23
Amave tja, ''Ete tjiri tua vaza omijero vio ndorongo a via patua mo ndjeverero ombua, no vatakamise a va kurama pendje po murungu uo mijero, nunguari ete tji tua jezurura, katuna ngu tue mu vaza mo ukoto.
24
Nu omunane uo ndemberi no vamupristeri ova nene, tjiva zuva o mambo nga, va himisiua i uo, noku tja itji ma tji rire tjike.
25
Nu otji peja umue, ngua hororere kuvo, amatja, ''Ovarumendu imba mbu mua tuiire mo ndorongo va kurama mo ndemberi nu mave hongo o vandu.''
26
No munane otja ja puena o vaungure vo veta nave keve jeta noku hina ku ungurisa o masa, tjinga ijave tira o vandu kutja ngaave ve vete no maue.
27
Novo tji ve ve jeta, ve ve tua po murungu uo tjira tjo unane. Nu omupristeri o munene ue ve pura,
28
Amatja, Tuemu pangurire no masa kutja amu hongo mena ndi, Nu tareje, mue urisa omahongero uenu mo Jeusalema, nu mua tie oku jeta ombindu jo Murumendu ingui kombanda jetu.''
29
Nu Petrusa no vaapostolo otji va zira, ''Ete tua soku zuva Mukuru, pendje no vandu.
30
Mukuru uo otate ua pendura Jesu, ngu mua zepa namu rekarekisa ko muti.
31
Mukuru Ue Mu jerera ko kuuoko okunene kue, oku rira o Muhona no Mujame, kutja a jete ondanukiro jo meriverero uo uvi ku Isiraela, no ndjesiro jo mauvi.
32
Nu ete o uete o zohatoi zovina mbi, Nu uina no Mbepo o Ndjapuke, Mukuru ndja jandja ku imba mbe Mu zuva.''
33
Nu ounepo uo tjira tjiva zuva tji, va pindika tjinene nave ripura oku zepa ovaapostolo.
34
Nu o Mufarisei uena Gamaliela, o muhonge uo veta, ngua tengerue mokati ko vandu avehe, ua sekama mo tjira nu ua pangurire kutja o vaapostolo ngave pitisiue pendje o kaire o kasupi.
35
Neje ua tja kuvo, ''Varumendu va Isiraera, ritjevereje oveni ohunga itji tji mamu vanga oku tjita ko vandu imba.
36
Orondu ko murungu uo majuva nga kua sekamene Teudasa, ngue ri tangere kutja o munandengu, nu o ruvara ruo varumendu mangara o masere jane ave mu kongorere, neje ua zepiua nu avehe imba mbe mu kongorerere va pizuka, nape ha kara o tjina.
37
Kombunda ja ingui pa sekamene Judasa ua Galilea mo majuva uo meritjangero, ngua nanene o vandu ovengi oku mu kongorera. Eje uina uata, navehe imba mba zuvire kuje va pizuka.
38
Nambano me tja nai ku ene, hanikeje no varumendu mba, veri karere, orondu tjeri ouripura poo otjiungura itji tji tjiri otjo vandu, ka tjina ku ma tjii.
39
Nunguari tjeri otja Mukuru kanaa mu tji taara; tjaa ngaa mu rivaza amamu ruisa Mukuru.'' Novo va itaverasana kue naje.
40
Novo va isana o vaapostolo nave ve tono nave ve pangura kutja ngaave hungire mena ra Jesu, nave ve kutura.
41
Novo va zapo po murungu uo tjira tjo unane ava joroka tjiri, kutja va varua averi o vanandengu oku jamburirua Ena ndi.
42
Nu okuzambo ejuva arihe, mo ndemberi nomo ndjiuo aihe, aave hongo noku zuvarisa ave hena okukuramisa, ke koro ro mbuze ombua kutja Kristu o Jesu.