1
Nu mo majuva ngo, o tjivarero tjo vahongeua tji tje ri uezire, pa karere o maunaunino uo o Vajuuta vo Tjihirika ohunga no Vaheperi, orondu o vahepundu vao tjija ve zembua mo mahaneno uo vikuria uejuva nejuva.
2
Nu imba o murongo na vevari va isanena otjimbumba tjo vahongeua popezu nave tja,'' Kako kuua kutja ete tu jese Embo ra Mukuru nu tu je ku tjevera eriro po vitihe.
3
Nambano, vakuetu, paheje o varumendu hambombari muene mbeno mbuze ombua, mbe ura no Mbepo o Ndjapuke no unongo, mbu matu so okuzika ko tjiungura tji.
4
Nunguari ete aruhe tu rijandje ko ngumbiro no mazuvarisiro Uembo.''
5
Nu omambo nga ja tjatera o tjimbumba atjihe. Novo va toorora Stevena, o murumendu ngue urire o ngamburiro no Mbepo o Ndjapuke, na Filipusa, na Prokorusa, na Nikanora, na Timona, na Nikolasa ua Antioka, ingui rutenga ngue tji tanaukirire ko ngamburiro jo Vajuuta.
6
Ovakambure va jeta ovarumendu imba po murungu uo vaapostolo, novo veve kumbira nave vejambeka omake.
7
Nu Embo ra Mukuru ra ningipara, no tjivarero tjo vahongeua mo Jerusalema tje kurire tjinene, no tjimbumba o tjinene tjo vapristeri uina vazuvire o ngamburiro.
8
Nu Stefanusa, ngue urire otjari nomasa, ua ungurire o vihimise o vinene, no vikaneno mokati ko vandu.
9
No tji pa sekamene vemue vo sinangonge, mbe isaneua o vo sinagoge tjo Vakutuke, no varumendu tjiva va Kirene, no va Alekasenda, na tjiva mba zire ko Kilisia na ko Asia.Nu ovandu mba aave patana kuna Stefanusa.
10
Nunguari ovo kave peurire oku tona ounongo no Mbepo indji Stephanasa ndjaa hungire na Jo.
11
Novo otji va popa o varumendu tjiva kutja ve tje, ''Tue mu zuu ama hungire omambo uo ndjambu ohunga na Mose na Mukuru.''
12
Novo otji va zunganisire o vandu, no vanene, novatjange, nave ja ku Stefansa nave mu kambura, nave mu jeta po murungu uo tjira tjo unane.
13
Novo va eta o zohatoi zo vizeze, nda tjere, ''O murumendu ingui ka jesa oku hungira o mambo uo ndjambu ohunga no ruveze ndui orujapuke no veta.
14
Orondu ete tue mu zuva amatja Jesu ua Nasareta ma hana oruveze ndui, na tanaura o mihingo mbi tua peua i Mose.''
15
Nu imba mba haamene mo tjira tjo unane va huiririkire omeho mu je, nave munu o murungu ue a mau munika tjimuna ouo muengeri.